SUKI GUI 3:1 - Cho Bible Common Language 2016

¹ Cun ah kyasei Bawipa naw pakhui amshah gui cu cun ah khaw ung om sak gui lä ci, cun cu Kanaan khaw ng’tuk nak ung kä ng’tu tu man ciah Israel gui am nüm nak gui vai ah kyak ci.

SUKI GUI 3:1 Referans Kwoze

NG'THU K'THUUK~ 17:3

Ghui la ngui cu mei awn m’num ah kyak ci, chang ah m’lung kyong cu Bawipa naw m’num ci.

THULÄÄN NAK 7:22

Nangmi ah ma ah shin ah chang gui cu a läk läk ciah täm gui khai. Nangmi naw hnü ät ge awn ami van kä nami m’di gui hlawt khai. Cun ah nami bi ah a kyak ung, kawng khawm gui cu da law pi u ne, ning cicum gui khai gui.

JEREMIAH 6:27

Jeremiah, m’si m’nüm ah mäih ah ka chang gui cu m’nüm gui ä, ngami a i ah mäih ah ami kyak teng gui ä.

JOB 23:10

Cun ung phi kei naw ka bi phung cu Khanpughi naw hmuk ci, ani naw ana m’nüm vaisü ung ang ciim ah na hmuk khai süte nei.

SUKI GUI 2:10

Acun ah ng’shon ung ka chang gui cu si yawp u sei, acun tawi lawk ciah ng’shon gui naw Bawipa la Israel gui ah hmawk ah ani naw abi gui cu m’hnih ci gui.

THULÄÄN NAK 8:16

Cun ah bung ung ani naw nami ei vai mana m’htut ning pe gui ci, Cun cu nami pupa gui naw kä ami ei man ah kyak ci. Ani naw khüikha nak gui tüi law ne ning m’nüm gui ci. Cun ah kyasei ak hnu ah ani naw akni gui awn hriham ning pe gui ci.

THULÄÄN NAK 8:2

Ng’pyi ciah khokum phlikip ung bungpuk kaan ne shin ah lam ung akshou nami law nak ung, Bawipa nami Khanpughi naw a ning chuiso nak gui la khükha nak gui tüi law ne a ning m’nüm nak gui cu nami shüm ba vai. Cun ung nangmi naw a i bi vai ah nami ng’bü cu ani naw hmat khai. Ani ah thumkhän nami läk la kä nami läk phi hmat khai.

THU PHLAAN 2:23

Ani läk ciah chang gui cu ka ngawn gui khai, cun kawn ah kei cu chang nüng ah m’lung ngaih la ng’yak hlü ka hmu hmat ciah, khrithabum avan naw hmat khai gui nei.

1 PETER 4:12

Ka teihpüi gui aw, nami geinvai nak vai ah ng’hlo ng’ei nak ah m’nüm nak nami khan ah a gawk law ah hmawk ah kä nami cäicat vai, cun gui cu nangmi ah phäh ah ak küikyang ah kä kyak ci.

1 PETER 1:7

Cun ah yaica geinvai nak cu nami yum nak a khän la kä cun ah m’nüm nak ah kyak ci. Didap thei ciah ghui cu mei awn m’nüm ah kiak ci, ghui ah mä küikyang pi ciah nami yum nak cun phi m’nüm vai ah kyak ci, Cun ung vah khän htek nak om sei, Bawi Jesuh Khrit a kyum law ba hnüüp ung m’hlüngtai nak, bämang nak la chang m’sui nak cu nami gah khai.

JOHAN 2:24

Cun ung phi Bawipa Jesuh naw ami m’lung ngaih hmat gui yawp ci kia ne, kä ngaih gep gui ci.

ZEKHARIAH 13:9

K’pawih ba ciah bum ät cu kei naw ka m’nüm gui khai. Ngui cu mei awn m’ciim ah mäih ah kei naw ka m’ciim gui khai. Ghui m’nüm ah mäih ah ka m’nüm gui khai. Cun kawn ah kei ah ma ah taigü lawk khai gui, kei naw ka m’shang gui khai. Ngami cu ka chang gui ah ami kyak ah mawng kei naw ka m’thein gui khai. Kei cu ami na Khanpughi ah pyen ne ngami cu ng’kiaa lawk khai gui.”

2 SHONTÄP NAK 32:31

Ami khaw ung kä kya man ciah a mawngma gui kya law sei, k’tä khai gui ah Babilonian ng’shä chang gui ami law yah ung phi, Khanpughi naw ani ah om ih am nüm nak ah, Hezekiah am amät ah ng’yak hlü ah bi sak ci.

PHYAWN NAK 15:25

Moses cu m’lung ngaih avan awn Bawipa ah taigü khäta, tui cu awk phyak khai ah kya lawk ci. A cun ah Bawipa naw ami ghin nak vai ah thukhän pe gui neta, m’nüm gui ci.

SUKI GUI 1:1

Joshua asih kawn ah Israel chang gui naw Bawipa cu ng’shi u ne, “A u keimi pakhui naw hteit ma ne Kanaanit gui cu tu gui khai ang?”

SUKI GUI 2:23

Cun ah kyasei Bawipa naw cun ah pakhui gui cu, cun ah khaw ung om sak gui lä ci, ani naw Joshua awn ngami ah khan ah ang näng nak vai kä pek ci, Joshua a sih kawn ah phi kä k’täm ci gui.

SUKI GUI 3:2

Ani naw shin ah abi cu ang shon päng ung Israel chang gui am ng’tuk ah mawng am thei nak gui ah kyak ci, ak tung piah kä ng’tu tuman ci gui ah hmawk ah kyak ci.