SUKI GUI 21:6 - Cho Bible Common Language 2016

⁶ Israel chang gui cu ami nau Benjamin ah phäh ah thüisei u neta, “Tuhngawi Israel naw a pakhui tumat m’chüh ci nei.

SUKI GUI 21:6 Referans Kwoze

SUKI GUI 21:15

Chang gui cu Benjaminit gui ah phäh ah thüisei ci gui, a i ah kyasei ci ung Bawipa naw Israel pakhui ah kawng ät nak cu am shet ah hmak ah kyak ci.

HOSEA 11:8

“A i hawkcha ah ka ning m’lungsi gui vai ang, Israel gui? A i hawkcha ah ka ning nawng gui vai ang? Kei naw admah ka m’di ah mäih ah, Zeboiim ah khan ah ka bi ah mäih ah? Ka m’lung naw cun ah kä na bi sak khai nei, Kei naw ka ning m’hni nak gui cu khüighat aih ci.

2 SAMUEL 2:26

Abner naw Joab cu khü ne, “Mikmi angtäi sei mi ng’tuk khai ma? Ak hnu ah a i phi a bä nak kä om khai, a khaa nak va om khai, cicu kä nami hmu ne ma? Keimi cu nami khaw-chang ah kami kyak ci. Na chang gui naw kä na gawt ba gui khai ah na k’bäi nak vai a i güt lüng ba khai ang?” cik ci.

SUKI GUI 11:35

Ani naw cun ah hnumi hta cu hmu neta, thüi ne, a sui k’teek neta a pyen cu, “Oh, ka hta hnumi! Nang naw ka m’lung msin na na nat sak ci nei! Kei ah m’lung na nat sak cicu a i ah kyasei, nang ah a kyak ang? Kei naw Bawipa ung a küi ah thu ka khan pyi ci nei, kei naw kä ka k’pyai ba hlawt khai nei! cik ci.

SUKI GUI 21:5

Ngami naw, “Mizpah ung Bawipa ah ma ah ng’bum nak ung Israel pakhui avan ung ka, kä ng’bum tuk ci om ne ang?” cine ng’shik ci gui. (Mizpah ung kä hteit tuk cicu ngawn vai ciah küikyang ciah ami thukan te ah hmawk ah kyak ci.)

SUKI GUI 21:7

K’pawih ba ciah Benjamin pami gui ah ami chu vai cu a i hawk cha ah mi bik khai ang? Mikmi naw kami hta hnumi gui ngami am kä kami chu na sak khai cine, küikyang ciah shatak Bawipa ung mi bi pyi ci nei” cik ci gui.