SUKI GUI 21:5 - Cho Bible Common Language 2016

⁵ Ngami naw, “Mizpah ung Bawipa ah ma ah ng’bum nak ung Israel pakhui avan ung ka, kä ng’bum tuk ci om ne ang?” cine ng’shik ci gui. (Mizpah ung kä hteit tuk cicu ngawn vai ciah küikyang ciah ami thukan te ah hmawk ah kyak ci.)

SUKI GUI 21:5 Referans Kwoze

SUKI GUI 5:23

Bawipa ah khanchang naw, “Meroz cu plah taam vä, plah taam vä, acun ung om ci gui cu plah taam gui vä. Ngami cu Bawipa bawm khai ah kä lawk ci gui, ani ah hmawk ah ng’tuk bik khai ah gakap ah kä kyak ci gui.

JEREMIAH 48:10

Amlung avan awn Bawipa ah bii kä bik ciah chang cu taam vä! kä tu ne kä ngawn ciah chang cu taam vä!

1 SAMUEL 11:7

Ani naw vantang hnih la ne, akhui ah kyük neta, Israel kho avan ung chang gui tüi ne, meh kyük cu hteh püi sak gui neta, shin ah ng’thu m’khäh gui ci: Ng’tuk nak vai ah Saul la Samuel kä läk tu ciah chang phung naw avantang cu ashin ah mäih ah a ci vai nei. Israel chang gui naw Bawipa naw a bi law vai cu kyih u neta, ami van, a u kä pawih sei, a täng ah lut lawk ci gui.

SUKI GUI 21:18

Cun ung phi mikmi naw mi hta hnumi gui kämi chu na sak gui hning khai, a i ah kyasei ci ung, Benjamin am a hta hnumi chu nak sak ci phung tamnak gah khai ah mi tam pyi ah kyak ci.”

SUKI GUI 21:1

Israel chang gui cu Mizpah ung ng’bum u neta Bawipa ung küikyang ciah shaitak bik ci gui: “A u Benjamin am phi kami htahnumi cu kä kami chu na sak khai”

SUKI GUI 21:6

Israel chang gui cu ami nau Benjamin ah phäh ah thüisei u neta, “Tuhngawi Israel naw a pakhui tumat m’chüh ci nei.

1 SAMUEL 14:24

Cu hnüüp ung Israel gui cu cawi u ne ami k’tha ken ci, a i ah kyasei ci ung Saul naw ak thukau ah taam ne ak bäi gui cu, “Ka ga gui ah khan ah phu kä ka tuk pha ah chuih tuhngawi a u naw ei kä a ei vai, ei cicu kyuk khai” cik ci. Cun ah kyasei cu hnüüp a u naw ei kä ei ci.