SUKI GUI 21:25 - Cho Bible Common Language 2016

²⁵ Cun sang ung Israel gui ung ghangpughang kä om ci. A changsing cu ami mät ah m’hni ah om ci gui.

SUKI GUI 21:25 Referans Kwoze

THULÄÄN NAK 12:8

“Cun ah khin a gawk law ung nangmi cu nami bi pyi ah mäih ah kä nami bi ba khai. Tuhbäi ung khüt sei nami yeikyai vai ah avan nami khawihnah ci.

SUKI GUI 17:6

Cun sang ung Israel ung ghangpughang kä om ci; a chang päng cu ami mät ah ngaih ah om ci gui.

NG'THU K'THUUK~ 3:5

Bawipa cu na m’lung kyong avan awn na yum vai, na mät ah hmuhmat nak ung kä na ng’khüng vai.

THUSHÄUTU 11:9

Chang nong gui, nami nong yah ung hüithaw vä. Nami hmaw yah sang ung yeikyai vä. Nami bi hlü cu nami bi vai nei, nami m’lung ah ng’yak hlü cu nami läk vai nei. Cun ung phi nami bi nak phung ung Khanpughi naw ning ng’thumcha gui khai ci cu, nami shüm vai nei.

NG'THU K'THUUK~ 14:12

Dung ciah lam ah na ngaih naw sih nak ah ning hteh pui khai.

SUKI GUI 19:1

Israel gui ung ghangpughang kä a om pha ung, Shou ciah Epraim khaw-gui khaw ah Levit tumat om ci. Ani naw Judah khaw Bethlem ung ka hnumi hta chu na tu ba ci,

SUKI GUI 18:1

Cun sang ung Israel gui ung ghangpughang kä om ci. Cun sang ung Dan pakhui gui cu khäm ne ami om nak vai ah khawpäng shui ci gui, a i ah kyasei ci ung Israel pakhui gui ung ka ngami cu ami ka vai khaw kä gah tu phak ci gui ah kyak ci.

SAM 12:4

“Mi ng’thu awn mi m’hni cu mi gah ci. Mi ng’yak hlü cu mi pyen ci, a u naw kä na ng’düm sak gui hlawt ci” cik ci gui.

SUKI GUI 18:7

Cun kawn ah chang hma cu k’täi ne hteit u ne, Laish gawnu ah gawk ci gui. Ngami naw chang gui cu Sidonian gui ah mäih ah phiawng gai ne om u sei, hmuk ci gui. Ngami cu dimdeeih ne, dinggei ciah chang ah kyak ci gui, a u awn a i phi kä ng’cuh ng’vah ci gui; ngami ung ami ng’yak hlü avan om ci. Ngami cu Sidonian gui awn ng’shawng ne om ci gui, a u awn phi a täng ah kä om ci gui.

SUKI GUI 21:24

Acun sang ung k’pawih ba ciah Israel gui cun phi hteit ba ci gui, ak chang sing cu ami mät ah pakhui phäh phäh, kyongkhui phäh phäh, pyu im phäh phäh ung hteit ba ci gui.

ISAIAH 53:6

Mikmi mi van cu chük ciah htome ah mäih ah mi kyak ci, mi mät ah hteh nak hlü phäh phäh ung mi hteit ci. Cun ung phi Bawipa naw m’kyuk nak cu ani ah khan ah ng’kiak sak ci, cun cu mikmi mi van naw mi gah vaisü ah m’kyuk nak ah kyak ci.

ISAIAH 66:3

“Chang gui naw ami mät m’hni ah bi bik ci gui. Cun cu, seipat ngawn ne ami khawihnah cu chang ngawn ne ami khawihnah ah’n täng ci; htome hta awn ami khawihnah cu ui ah gawn ami douthak awn täng ci; tui ng’ui ami douthak cu, agup ah ami taigü awn täng ci. Ngami cu shemshai ciah khawihnah nak ung lün lawi ci gui.