SUKI GUI 21:13 - Cho Bible Common Language 2016

¹³ Cun kawn ah chang bum gui naw Rimmon lung song ung om ciah Benjaminit gui am kä ng’tuk ba vai ah ng’thu m’khäh ci gui.

SUKI GUI 21:13 Referans Kwoze

SUKI GUI 20:47

Cun ung phi chang phia chuk cu phiawng u ne Rimmon Lung song ah dawng ci gui, a cu ah cha phli om ci gui.

THULÄÄN NAK 20:10

“Nangmi cu mang gaw nami tuk khai ah nami hteh law ah a kyak ung ak htükbäih ah chang gui cu nami ng’paa sak gui vai.

EPHESIAN 2:17

Cun ah kyasei, Khanpughi awn nami ng’shawng te ciah chang khui hei gui la, Khanpughi awn ng’et ci gui ah Jew chang gui, nami van ah ma ah Bawi Khrit cu kium law ne, dimdeeih nak ah Thu Ni cu shäu ne pyein ci.

LUKA 10:5

A u ah im ung phi nami luh ah a kyak ung, “Shin ah kyong khui ung ding gei nak om sä” cine nami taigü vai.

ISAIAH 57:19

Kei naw dimdeeih nak avan am ka pek ci nei, ang et nak la a shon nak avan ung! Kei naw ka chang gui cu ka gai sak gui khai.

JOSHUA 15:32

Lebaoth, Shilhim, Ain, Rimmon, mang gaw avan m’ku lei kaw lawk ci, ami pei yung ah gawnu gui mah ah kyak ci.

SUKI GUI 20:45

Amshah gui cu ng’hlat ne, khaw ng’piä ung dawng ne Rimmon lung song ah gawk ci gui phia hma cu lam pei ung ah ami ngawn gui. Israel gui naw k’pawih ba ci gui cu Kidom güt ung k’täm gui u ne, phia m’ku ngawn ba gui ci gui.

SUKI GUI 21:12

Jebesh ung om ciah chang gui ungka lamihta phia phli om sei hmuk ci gui, cun gui cu ngami naw Shilon phung ah law püi ci gui, cun cu Kaanan khaw ung ah kyak ci.

SUKI GUI 21:14

Benjamin gui law ba u sei, Israel gui naw Jebesh ung ka kä ngawn ne ami law püi gui ah hnumi hta gui cu pe gui ci gui. Cun ung phi ngami ah hmawk ah kä ng’büh ci.