SUKI GUI 21:12 - Cho Bible Common Language 2016

¹² Jebesh ung om ciah chang gui ungka lamihta phia phli om sei hmuk ci gui, cun gui cu ngami naw Shilon phung ah law püi ci gui, cun cu Kaanan khaw ung ah kyak ci.

SUKI GUI 21:12 Referans Kwoze

JOSHUA 18:1

Ngami naw khaw tu ne ami khäm kawn ah Israel chang bum avan cu Shilon ung bum u neta, Bawipa ah om nak ah Phung co gi gui.

JEREMIAH 7:12

Shilon ah hteit vä, cun cu khawihnah nak vai kei naw ka ghü ah akhtük bäih ah hmun ah kyak ci nei, cun ung a i ka bi cu teng vä, cun cu ka chang gui Israel gui ah hma ah phäh ah kyak ci nei.

SAM 78:60

Ani naw Shilon ah a phung cu nawng shüt ci, cun cu a om nak püi gui te ah im ah kyak ci.

SUKI GUI 20:18

Israel gui cu Bethela ah khawihnah nak ah hmun ung htet u neta, Khanpughi cu ng’shik ci gui, “A i pakhui naw Benjamin gui cu a tuk ma vai ang?” Bawipa naw, “Judah pakhui” cik ci.

SUKI GUI 21:8

Mizpah ung ami ng’bum nak ung Israel pakhui ung ka, kä hteit tuk ci om ne ang ciah k’tä law ba u neta, Kilead khaw Jebesh ung ka, a u phi kä hteit tuk ciah hmat ci gui;

SUKI GUI 21:11

Pami avan la lamihta ah kä kyak ciah hnumi nu päng nami ngawn vai nei.”

SUKI GUI 21:13

Cun kawn ah chang bum gui naw Rimmon lung song ung om ciah Benjaminit gui am kä ng’tuk ba vai ah ng’thu m’khäh ci gui.