SUKI GUI 21:10 - Cho Bible Common Language 2016

¹⁰ Cun ah kyasei chang bum gui naw m’gäi pi k’bäih ciah chang phia phia gha lei goi cu shin cha ah m’cäi ne tüi ci gui, “Nangmi Jebesh ah hteit ne hnumi, nausen mah mah chang päng nami ngawn vai.

SUKI GUI 21:10 Referans Kwoze

1 SAMUEL 11:7

Ani naw vantang hnih la ne, akhui ah kyük neta, Israel kho avan ung chang gui tüi ne, meh kyük cu hteh püi sak gui neta, shin ah ng’thu m’khäh gui ci: Ng’tuk nak vai ah Saul la Samuel kä läk tu ciah chang phung naw avantang cu ashin ah mäih ah a ci vai nei. Israel chang gui naw Bawipa naw a bi law vai cu kyih u neta, ami van, a u kä pawih sei, a täng ah lut lawk ci gui.

SUKI GUI 21:5

Ngami naw, “Mizpah ung Bawipa ah ma ah ng’bum nak ung Israel pakhui avan ung ka, kä ng’bum tuk ci om ne ang?” cine ng’shik ci gui. (Mizpah ung kä hteit tuk cicu ngawn vai ciah küikyang ciah ami thukan te ah hmawk ah kyak ci.)

SUKI GUI 5:23

Bawipa ah khanchang naw, “Meroz cu plah taam vä, plah taam vä, acun ung om ci gui cu plah taam gui vä. Ngami cu Bawipa bawm khai ah kä lawk ci gui, ani ah hmawk ah ng’tuk bik khai ah gakap ah kä kyak ci gui.

1 SAMUEL 15:3

Amalek chang gui cu hteit ne tu gui vä, ngami ung om ci phung m’di yawp vä. A i phi kä nami k’pawih nak vai; chang avan pami, hnumi, akhmaw, nau sen; htome, kala uk la ng’sela avan nami ngawn vai.”

JOSHUA 7:24

Joshua la Israel chang gui am van naw, Achan ni, ngui ni, ghui ni, suinu ni cu la u neta, Achan ah a hta pami, a hta hnumi gui, a sei gui, a me gui, ang sela gui la a phung im mah ah ani ah khawh phung avan la u ne, khüikha khaw nawi ah hteh püi ci gui.

THULÄÄN NAK 13:15

Cun ah gawnu ung om ciah chang gui avan nami ngawn gui vai, ami vuhchah gui phi nami ngawn gui vai. Cun ah gawnu cu shiu khai ah nami m’di vai.

KHEI NAK 31:17

Cun ah kyasei chang nong gui avan nami ngawn gui vai, ngami awn ng’yawpawn ciah hnumi gui phi avan nami ngawn gui vai,

SUKI GUI 21:8

Mizpah ung ami ng’bum nak ung Israel pakhui ung ka, kä hteit tuk ci om ne ang ciah k’tä law ba u neta, Kilead khaw Jebesh ung ka, a u phi kä hteit tuk ciah hmat ci gui;

SUKI GUI 21:9

gakap ming a mi khü law ung a u phi kä äi ci.