SUKI GUI 21:1 - Cho Bible Common Language 2016

¹ Israel chang gui cu Mizpah ung ng’bum u neta Bawipa ung küikyang ciah shaitak bik ci gui: “A u Benjamin am phi kami htahnumi cu kä kami chu na sak khai”

SUKI GUI 21:1 Referans Kwoze

SUKI GUI 20:1

Israel chang gui avan, a siiptäng Dan ungka naw a htumtäng Beersheba ung khüt ci, a kyangtäng Kilead khaw ungka naw avan cu ng’khü tuk ci gui. Ngami cu Mizpah ung Bawipa ah ma ah tumat ah ng’tum ci gui.

MAKUH 6:23

Kei naw ka uknak ah kho a teih phi k’bou ne ka ning pek khai nei” cine ng’thu khän ne pyein ci.

LAMKTU 23:12

A ngawi ung kho ngawi Judah chang amshah gui cu ng’cut ne ng’hmuh u netah, Paul kä mi ngawn pha ah chuih a i phi kä ei auk ah mi om khai cine k’bäi ci gui.

THUSHÄUTU 5:2

Kä ng’thu pha ung ngaih-tüh ma vai, Khanpughi ah akten ah shai kä tak vai. Ani cu khankho ah om ci, nang cu khomdek ung na om ci. Cun ah kyasei, pyen khin vai ah kawn ah däm khai ah kä nami ng’thu vai.

SUKI GUI 21:18

Cun ung phi mikmi naw mi hta hnumi gui kämi chu na sak gui hning khai, a i ah kyasei ci ung, Benjamin am a hta hnumi chu nak sak ci phung tamnak gah khai ah mi tam pyi ah kyak ci.”

SUKI GUI 20:8

Chang gui ami van a täng ah ng’düi law u neta, “Mikmi ung ka phung ung om ci phi, im ung om phi, a u a imah kä hteit ba khai nei.

ROMAN 10:2

Ngah mi naw Khanpughi ami kyih aa ah mawng cu kei naw akcang hmat ne ka pyein ci nei. Cun ung phi ngami ah kyih aa nak ah lam cu kä ng’düng ci nei.

JEREMIAH 4:2

Cun cu kei ah ming ung nami ng’khän nak vai ah nangmi ah hmawk ah ng’düng ciah kyak khai nei. Cun kawn ah changpakhui avan naw hriham pek vai ah na k’thäh khai gui, ngami naw na m’taam khai gui.”

1 SAMUEL 14:24

Cu hnüüp ung Israel gui cu cawi u ne ami k’tha ken ci, a i ah kyasei ci ung Saul naw ak thukau ah taam ne ak bäi gui cu, “Ka ga gui ah khan ah phu kä ka tuk pha ah chuih tuhngawi a u naw ei kä a ei vai, ei cicu kyuk khai” cik ci. Cun ah kyasei cu hnüüp a u naw ei kä ei ci.

SUKI GUI 21:7

K’pawih ba ciah Benjamin pami gui ah ami chu vai cu a i hawk cha ah mi bik khai ang? Mikmi naw kami hta hnumi gui ngami am kä kami chu na sak khai cine, küikyang ciah shatak Bawipa ung mi bi pyi ci nei” cik ci gui.

SUKI GUI 21:5

Ngami naw, “Mizpah ung Bawipa ah ma ah ng’bum nak ung Israel pakhui avan ung ka, kä ng’bum tuk ci om ne ang?” cine ng’shik ci gui. (Mizpah ung kä hteit tuk cicu ngawn vai ciah küikyang ciah ami thukan te ah hmawk ah kyak ci.)

SUKI GUI 20:10

Israel chang bumgha bum ät naw ei vai phui khai, cun kawn ungka naw Kibeah cu am kyut vai, cun cu Israel khaw ung pletdeng ne katnak ami bi ah phäh ah kyak ci” cik ci gui.

SUKI GUI 20:48

Israel gui cu ng’hlat law ba u ne, pawih ba ciah Benjamin gui avan ngawn ci gui, pami gui, hnumi gui la ak hmaw gui ni, seima gui ni avan ngawn ci gui. Gawnu gui avan phi mei awn m’khih ci gui.

SUKI GUI 21:22

Ami pa gui, käcung ami phäinau gui law ne ami ning häu law gui ah a kyak ung, nami pyen vai cu, “Nami bä ni, na khäm sak gui vä, a i ah kyasei ci ung, keimi naw kami chu gui vai ng’tuk nak ung kami lak ka kä kyak ci. Nangmi naw nami na pek gui ah phi kä kyak ci, nangmi nami shaitak nami m’shet ciah kä kyak ci,” cik ci gui.

JEREMIAH 40:6

Kie cu mizpah ah hteit ne kedaliah awn atäng ah om tu ne, can ah khan ung ami nawng shüt gui ah chang gui ah ng’lung ah ka om ci.