SUKI GUI 20:34 - Cho Bible Common Language 2016

³⁴ Israel avan ung ka ami ghü ah chang phya gha naw Kibeah cu tuk ci gui, ami ng’tuk cu nui ci. Benjaminit gui naw ami m’di law gui vai cu kä hmat ci gui.

SUKI GUI 20:34 Referans Kwoze

JOSHUA 8:14

Ai ghangpughang naw Joshua ah chang gui cu hmu gui neta, ang ghit ah hnüntho lawk ci. Ani la a chang gui ami van cu Jordan khaw nawi ayan ami ng’tuk nak ah hmun ung, Israel gui tuk gui vai ah hteit ci gui. Ani naw hnu täng ah ka naw ami tuk law vai cu kä hmat ci.

ISAIAH 47:11

Leigai cu na khan ah gawk lawk khai, a i na ce cai nak naw phi kä ng’düm sak hlawt khai. Dishum nak cu ang ghit ah na khan ah gawk lawk khai — cun cu ng’mang ah phi kä na mang nak man ah kyak khai!

JOB 21:13

Ngami cu ami ghin nak ung dimdeeih sei om u ne kä yaica ne ak ding ah sik ci gui.

1 THESSALONIAN 5:3

“Chang gui naw a päng avan cu ding gei ne, om phyak ci nei,” ci ne pyein khai gui. Cun yah ung käü-mah ciah hnumi cu ang ghit ah anau poi am neh law ah mäih ah geinvai nak cu ang hgit ah gawk lawk khai nei. Cun cu chang gui naw kä phiawn ah hlawt khai gui.

LUKA 21:34

“Nangmi cu ei awk yeikyai nak düt la khomdek pumsa ah phäh düt ah kä mü thai u ne, geing na ne nami om vai nei.

MATTHE 24:44

Chang ah Htapa cu nangmi naw kä nami ngaih yah ah akhin ung kyum lawk khai kyasei, nangmi cun phi angtäi yah ngaih nah ne nami om vai.

THUSHÄUTU 9:12

Na mät ah khin a i sang ung a gawk law vai cu nang naw kä na hmat ci. Kha gui ang ghit ah cuun ung pha ah mäih ah, nga gui ng’vai awn pha mäih ah, kä ngaih-tüh ah ng’yo a yaw khin ung, mikmi cu mi ng’pha thei ci nei.

NG'THU K'THUUK~ 29:6

Düng ciah chang gui cu yeikyai ne ami ng’päiyee yah ung changshe gui cu ami mät ah katnak ung awk ci gui.

NG'THU K'THUUK~ 4:19

Chang shekha gui ah hteh nak ah lam cu khawmü ah mäih ah hmüp ci. Ami ng’tän ung phi ami ng’vawn nak cu kä hmuk ci gui.

SUKI GUI 20:35

Bawipa naw Israel gui am Benjamin gakap näng nak vai pe gui ci. Israel gui naw cu hnüüp ung ami ga 25, 100 ngawn ci gui,