SUKI GUI 20:27 - Cho Bible Common Language 2016

^27-28 Cun ah ung Khanpughi ah Thukhän M’küm cu Bethela ung om ci. Aaron ah tu, Eleazar ah hta Phinehas cu acun ngäng m’htei ciah kyak ci. Chang gui naw Bawipa ng’shi ba u ne, kami nau Benjamin gui cu kami tuk ba vai ang, käcung kami m’lung k’si vai ang?” cik ci gui. Bawipa naw, “Tu gui vä. Ngami ung kei naw ngami ah khan ah näng nak ka ning pe gui khai nei” cik ci.

SUKI GUI 20:27 Referans Kwoze

JOSHUA 18:1

Ngami naw khaw tu ne ami khäm kawn ah Israel chang bum avan cu Shilon ung bum u neta, Bawipa ah om nak ah Phung co gi gui.

SUKI GUI 20:18

Israel gui cu Bethela ah khawihnah nak ah hmun ung htet u neta, Khanpughi cu ng’shik ci gui, “A i pakhui naw Benjamin gui cu a tuk ma vai ang?” Bawipa naw, “Judah pakhui” cik ci.

JEREMIAH 7:12

Shilon ah hteit vä, cun cu khawihnah nak vai kei naw ka ghü ah akhtük bäih ah hmun ah kyak ci nei, cun ung a i ka bi cu teng vä, cun cu ka chang gui Israel gui ah hma ah phäh ah kyak ci nei.

ISAIAH 59:1

Bawipa cu, aning hun nak gui vai ak tha ken ci, aning m’htei gui vai ah nami khü ung, ang yak nak vai ah ak hnga pang ciah kä nami ngaih vai nei!

KHEI NAK 27:21

Ani cu taigü Eleazar ung ng’yung khai, ani naw Urim la Thummim mang ne kei ung ng’thei khai. A cu cha ah Eleazar naw Joshua la Israel chang bum avan cu ami mawngma nak avan ung m’shümthei gui khai.”

SUKI GUI 1:1

Joshua asih kawn ah Israel chang gui naw Bawipa cu ng’shi u ne, “A u keimi pakhui naw hteit ma ne Kanaanit gui cu tu gui khai ang?”

1 SAMUEL 10:3

Nang cu cun ungka naw na hteit khai, theing ciah sing ghing ah om nak Tabor ah kä na law pha ah chuih, cun ah lam ung, Bethela pigaw ah Khanpughi am khawihnah nak douthak khai ah ana lawk ciah chang thum cu na hmuk khai. Chang tumat naw me nong thum so khai, tumat naw m’htut pum thum kawt khai, tumat naw sapyit tui be ciah ng’ip k’bah khai.

2 SAMUEL 7:6

Israel chang gui Egypt khaw ungka, ka k’phiawn gui ungka naw tuhbäi ung khüt khai ah, kei cu pum im ung kä ka om phung ci; phung laih laih ung ng’hleh ne ka om ci.