SUKI GUI 20:21 - Cho Bible Common Language 2016

²¹ Benjamin gakap gui cu mang gaw ung ka lut law u ne, hnüüp kä ng’pyi pha sei, Israel gakap phia, phia m’ku lei goi ngawn ci gui.

SUKI GUI 20:21 Referans Kwoze

SUKI GUI 20:25

Acun ah a hnih vei nak ung Benjamin gui cu Kileah ung ka lut law u neta, Israel gakap phia phia gha lei cheit ngawn ci gui.

HOSEA 10:9

Bawipa naw pyen ci, “Israel chang gui naw kei na hnungtuk püi u ne, ami kat nak cu kibeah ung tün ne ami kat nak cu kä ng’düm ci. Cun ah kyasei ngami cu ami ng’tuk nak naw pha law gui khai.

JEREMIAH 12:1

“Kei ah ka mawngma cu nang ung ka pyen law ah a kyak ung nang naw düng khai ah na bik khai nei. Cun ung phi taga nak ah mawng cu kei naw ka ning shik ci nei. A i ah kyasei changshe kha gui ami büh mang aih ang? A i ah kyasei kä düng ciah chang gui naw ami m’khüt näng ang?

SAM 77:19

Nang cu tui ng’hnawk ah khan ah htei ne, tuinu thuk cu na kan ci, cun ung phi na kho neh cu kä hmuh hlawk nei.

SAM 33:16

Ghangpughang naw huhamah ciah gamaw awn näng nak kä gah ci, Bawi gaakap naw ghat ciah k’thagui awn m’khüt nak kä hmuk ci.

2 SHONTÄP NAK 28:10

Tuhbäi nangmi naw Jerusalem la Judah ung pami hnumi gui cu changshäm ah nami pyang gui ci. Nangmi naw phi Bawipa nami Khanpughi hnungtuk pui ne katnak nami bi cu kä nami hmat ne ma?

THULÄÄN NAK 23:9

“Nangmi cu ng’tuk sang ung shaum pigaw ah nami om ah a kyak ung, kä theingthap nak vai phung cu nami hlawi vai.

ATÜNNAK 49:27

Benjamin cu hnei kiung ah kyak ci. A khongawi tä, a mühun tä lo ne ei ba ba ci.

SUKI GUI 20:20

Ngami cu Benjamin gakap tuk vai ah hteit u ne, mang gaw hmai na ne gakap tha ci gui.

SUKI GUI 20:22

Israel gui cu khawihnah nak ah hmun ah hteit u ne, Bawipa ah ma ah mühun güt kyap ci gui. Ngami naw ng’shi ba u ne, “Keimi kami nau Benjamin tuk vai ah ng’tuk nak ah kami hteh ba mä vai ang?” cine ng’shik ci gui. Bawipa naw, “Ä” cik ci. Cun ah kiasei Israel gakap gui cu k’thagui la ba u neta, azanta ah mäih ah ami gakap gui cu tha ba ci gui.

SAM 78:62

Ani cu akchang gui ah khan ah m’lung she neta, ami ga gui am ngawn sak gui ci.