SUKI GUI 20:2 - Cho Bible Common Language 2016

² Israel pakhui avan ah ami ng’vai gui cu Khanpughi ah chang gui ami bum nak ung om ge ci gui, cun ung khaw awn hteit ne ng’tuk khai gakap 400, 000 lawk ci gui.

SUKI GUI 20:2 Referans Kwoze

SUKI GUI 8:10

Zebah la Zalmunna cu ani gakap gui awn a täng ah Karkor ung om ci gui. Kiangma ung om ciah pakhui gakap avan ung ka 120, 000 cu ngawn gui u sei 15, 000 bäng pawih ba ci gui.

SUKI GUI 20:17

A hei Israel pakhui gui naw gakap 400, 000 m’thei gui ci gui.

SUKI GUI 20:15

Ngami naw cun hnüüp ung ami mang gaw gui ung ka gakap phia, phia m’ku lei chuk khü ci gui. Cun ung ka, Kileah mang gaw chang, ak eng ah ng’hlawi ci bang phia chih cu ghü ne k’bum ci gui. Ngami ak chang sing cu yaili awn lumu ma ät phi kä ng’chei khai ah kap hning ci gui ah kya ci.

2 GHANGPUGHANG GUI 3:26

Moab ghangpughang naw ng’tuk nak ung a shum law cu hmat neta, khimcem kawt ciah gakap phia chih cu ghü ne, a ga gui cu güt gui ne dawng ne phyawng ne, Siria ghangpughang ah gawk vai ah k’tha nak ci, cun ung phi kä m’khüt hlawt ci.

2 SAMUEL 24:9

Ngami naw chang ami khei cu ghangpughang am m’thein law u sei, gakap ung bi hning ciah pami: Israel chang 800, 000, Judah chang 500, 000 lawk ci.

SUKI GUI 20:3

Cun yah ung a hei Israel chang gui ami van Mizpah ung ami ng’bum cu Benjamin chang gui naw ng’yak ci gui. Israel chang gui naw, “Na m’thein gui ä, shin ah katnak cu a i hawk cha ah kya lawk ci ang?” cine ng’shik ci gui.

1 SAMUEL 11:8

Saul naw Bezek ung bum sak gui ci: Israel ung ka chang 300, 000 lawk ci.

JOSHUA 22:12

Cun cu Israel chang gui naw ng’ya u neta, chang bum avan Shilon ung law u ne, a kyangtäng pakhui gui ng’tuk püi gui vai ah pawng ci gui.

2 SAMUEL 14:13

Hnumi naw ani am, “A i ah kyasei nang naw shin ah mäih ah chei shoh nak cu Khanpughi ah chang ah khan ah na bi ang? Nang naw na mät ah hta cu omk’tu khaw ah kaa, a law ba vai ah kä na ng’kiaa ci, cun ah kyasei nang cu tuhbäi na ng’thu awn na mät naw na mät na m’kyuk ci.