SUKI GUI 20:13 - Cho Bible Common Language 2016

¹³ Tuhbäi, Kilead ung katnak bik ci gui cu na ap gui vä, cun ung keimi naw ngawn gui u ne, Israel ung ka shin ah akshe cu kami heng khai nei” cik ci gui. Cun ung phi Benjamin chang gui naw a hei Israel gui cu a i ah kä sui gui ci gui.

SUKI GUI 20:13 Referans Kwoze

SUKI GUI 19:22

Ngami cu ami lüilawi tu yah ung cun ah gawnu ung htukhtik ciah chang gui cu, im veing u ne, shoh kauh ci gui. Ngami naw a ghipa nu am, “Na khah law püi ah chang cä, na pek gui ä! Ani awn kami ng’yaw hlük ci nei!” cik ci gui.

THULÄÄN NAK 17:12

Chang tumat mat naw suki, kä cun ung taigü ah bi cu ling ne kä k’hlü ne a kyak ung ani cu ngawn vai. A shicha ah shin ah shekha cu Israel ungka nangmi naw nami nawt heng vai nei.

THULÄÄN NAK 13:13

Nami pakhui ungka kä chang chu ciah chang amshah naw ami gawnu ung om ciah chang gui cu, kä nami khawihnah man ah khanpughi gui, khawihnah tuk khai ah lam she m’shüm khai gui.

ROMAN 1:32

Cun ah om ciah chang gui cu sih nak ung hteit khai gui ciah Khanpughi ah thukhän cu ngami naw hmat ci gui. Cun ung phi, ami mät naw shin ah shekhaa gui ami bi bäng ah kä kyak ciah, acun ah mäih bik ci gui cun phi k’cang nak ci gui.

HOSEA 10:9

Bawipa naw pyen ci, “Israel chang gui naw kei na hnungtuk püi u ne, ami kat nak cu kibeah ung tün ne ami kat nak cu kä ng’düm ci. Cun ah kyasei ngami cu ami ng’tuk nak naw pha law gui khai.

HOSEA 9:9

Ngami cu kibeah ung ami om ah mäih ah ami bi nak phung ung ngaih u vai kä om khai ah shekat ci gui nei. Khanpughi naw ngami ah kat nak cu shüm gui ne, a cun ah phäh ah m’kyuk gui ci. Israel gui ah kat nak la A cun ah aphu gui.

THUSHÄUTU 11:10

A i naw phi kä a ning ng’ä ai sak gui vai, a i naw phi kä a ning nat sak gui vai. Nangmi cu akshou nu chang nong ah kä nami kyak khai nei.

NG'THU K'THUUK~ 29:1

Ami ning m’düng m’shung päng ung na ling aih ah akyak ung hnüüp ät ung akhui ah na ng’deng khai, kä na tho ba hlawt khai.

2 SHONTÄP NAK 25:20

Cun ung phi Amaziah naw kä ngai ci. Amaziah naw Edomit a gup gui cu khawihnah ci kyasei, ami tuk hnim vai ah Khanpughi naw ng’ya hlük ci.

2 SHONTÄP NAK 25:16

Amaziah naw ng’thu ba pah ne, “Keimi naw nang cu ghangpughang na m’cäi m’ä khai ah kami ning tha ne ang? Kä chiu ba ne om ä, kä cung ka ning ngawn lawk khai nei!” cik ci. Prophet naw shin ah pyen neta, kä chiu ba ne om ci. “Tuhbäi kei naw ka hmat ci, Khanpughi naw nang ning m’di khai ah k’bäi pyi ci, a i ah kyasei ci ung nang naw shin gui bi ne, kei ah m’cäi ä nak a i ah kä na ngaih ah phäh ah kyak ci.”

2 SHONTÄP NAK 13:7

Cun kawn ah ani naw chang omshe gui cu k’bum gui sei, ngami naw Solomon ah hta Rehoboam cu ami ng’yak hlü ah bi sak u sei, ani cu nong yah ne a i kä buiawt man ci kya ne kä m’khüt gui ci.

1 GHANGPUGHANG GUI 21:13

Chang omshe goi naw chang ah ng’lung ung ani cu tawk ni ne, Khanpughi la ghangpughang yeeihkah nak ci nei, ci ni khäta, ani cu mang gaw k’pung ah hteh püi ne lung awn vawi ne ngawn ci gui.

2 SAMUEL 23:6

Khanpughi kä om ci cik ci gui cu ng’hling ah mäih ah kyak ci gui, cun gui cu ghawh ah kyak ci; a u naw phi awng ciah kut awn kä tawn gui ci.

2 SAMUEL 20:1

Cun yah ung Gilgal gawnu ah Benjamin pakhui Bikri ah hta, Sheba ming nak ciah chang om k’she tumat om ci. Ani naw phyung puuk tum ne, khü gui ne, “David yu ng’kia sä! Mikmi naw kä mi läk khai nei! Israel chang gui, mi om ah mi hteit ba khai nei!” cik ci.

1 SAMUEL 30:22

Cun ung phi chang om she, akholä gui naw David awn a täng ah hteit tuk ci amshah naw, “Ngami cu mikmi awn a täng ah kä hteit tuk ci gui, cun ah kyasei khawh api phi kä mi pe tu gui khai. Ngami naw ami chu gui la ami hta gui cu la ba u ne, a hei ah hteit u sä” cik ci gui.

1 SAMUEL 2:25

Chang tumat naw a hei chang tumat hnu ng’tuk püi ne katnak abi ah a kyak ung, Khanpughi naw shungshet hning ci nei; cun ung phi Bawipa hnung’tuk püi ne katnak bik cicu a u naw shung shet hning khai aw? Ngami naw ami pa ah pyen cu kä ngai ci gui, Bawipa naw ngami ngawn gui vai ah k’bäi pyi ci.

THULÄÄN NAK 24:7

“A Israel chang paw m’guk ci, changshäm ah pyang ci, changshäm vai ah yoi ciah chang cu, ngawn vai. A cu cha ah nangmi naw akshe cu nami nawt heng vai.

THULÄÄN NAK 22:24

Nangmi naw pigaw pung ah hteh püi goineta, lung awn vawi ne nami ngawn goi vai. Hnumi hta cu a sih vai kyak ci, a i ah kyasei ci ung cun ah chang naw ang yak nak vai ah gawnu kyong ah kya pang sei phi, ani cu chang naw a gun tu vai ah kä m’lau ci. Pami phi a sih vai kyak ci, a i ah kiasei ci ung ani cu ami beik pyi ah hnumi hta awn ng’yaw ci goi ah kyak ci. A cuk cha ah nangmi naw akshe cu nami nawt heng vai.

THULÄÄN NAK 22:21

Ngami naw cun ah hnumi cu apa ah im valuh nak ung law püi u neta, acun ah mang gaw chang gui naw ani cu lung awn vawi ne ngawn khai gui. Ani cu apa ah im ung a om yah ung kä a cei mah pha ung ng’yawpawm tu ne, mi chang gui ah ng’lung ah lü ng’a nak bik ciah kyak ci. A cuk cha ah nangmi naw akshe cu nami nawt heng vai.

THULÄÄN NAK 21:21

Cun kawn ah mang gaw ung om ciah chang gui naw lung awn vawi ne ami ngawn vai. Acun ah nangmi naw akshe cu nami nawt heng vai. Israel ung om ciah chang nü naw acun ah a kyak cu ng’ya u neta, kyik khai gui.

THULÄÄN NAK 19:19

Ng’gu akbün ah chang naw a gah vai ah m’kyuk nak cu ani naw gah khai. A cuk cha ah nangmi naw shin ah akshe cu nami nawt heng vai.

THULÄÄN NAK 17:7

Saksi gui naw lung awn ami vawih law ma vai, cun kawn ah k’pawih ciah chang gui naw lung awn ami vawih tu vai. A shikcha ah nangmi naw akshe cu nami nawt heng vai.

THULÄÄN NAK 13:5

Cun ung phi changshäm ah nami kyak nak ah Egypt khaw ah kaa ning gung gui ciahBawipa hnungtuk püi ne, ng’thu ning m’thein gui ciah mang phlan ci, kä cun ung, prophet cu sih nak nami pek vai nei. Cun ah mäih cu changshe ah kyak ci. Cun ah chang naw, Bawipa naw nami om ih vai ah a ning thumkhän gui ah ghin nak ungka a lam hei ung ning hteh püi gui ci nei. Ani cu ngawn vai, cun cu shin ah akshe nami mät ungka nami nawt heng ah kyak ci.

2 KORIN 6:15

Bawi Khrih la khoshe cu kä kawng ät hlawt khai goi. Zum ciah chang cu kä yum ciah chang awn kä om ghawm hlawt khai goi.

SUKI GUI 20:12

Israel pakhui gui naw Benjamin pakhui ah khawpäng avan ung chang tüi ne thu ami pyen cu, Nangmi naw nami katnak ah cheishoh ah mawng cu a i ang?

SUKI GUI 20:14

Benjamin khaw mang gaw avan ung ka gui cu Kileah ah law u ne, a hei Israel chang gui cu tuk gui vai ah pawng ci gui.

THULÄÄN NAK 13:6

“Na phäi nau, na hta pami, na hta hnumi, na m’hni ah nak chu, kä cung na teihpü ni naw nang la nami pupa gui naw phi kä ami khawihnah man ah a hei khanpughi cu nami khawihnah tu vai ah ning tüihtok gui hngaw khai.