SUKI GUI 20:1 - Cho Bible Common Language 2016

¹ Israel chang gui avan, a siiptäng Dan ungka naw a htumtäng Beersheba ung khüt ci, a kyangtäng Kilead khaw ungka naw avan cu ng’khü tuk ci gui. Ngami cu Mizpah ung Bawipa ah ma ah tumat ah ng’tum ci gui.

SUKI GUI 20:1 Referans Kwoze

SUKI GUI 11:11

Cun ah kyasei Jephthah cu Kilead ang vai gui awn a täng ah hteit tu sei, chang gui naw ami uktu la ami ng’vai ah k’hmoh ci gui. Jephthah naw ak thäh gui ah mawng cu Mizpah ung Bawipa ah ma pyen ci.

1 SAMUEL 10:17

Samuela naw chang gui cu a täng ah khü gui ne, yum na tängaw Mizpah ung ng’bum sak gui ci.

1 SAMUEL 3:20

Cun ah kyasei Israel chang avan, khaw tumat ah akcawi ungka naw vang ak cawi ung khüt ci naw, Samuel cu Bawipa ah prophet akcang ah hmat lawk ci gui.

SUKI GUI 21:5

Ngami naw, “Mizpah ung Bawipa ah ma ah ng’bum nak ung Israel pakhui avan ung ka, kä ng’bum tuk ci om ne ang?” cine ng’shik ci gui. (Mizpah ung kä hteit tuk cicu ngawn vai ciah küikyang ciah ami thukan te ah hmawk ah kyak ci.)

JOSHUA 22:12

Cun cu Israel chang gui naw ng’ya u neta, chang bum avan Shilon ung law u ne, a kyangtäng pakhui gui ng’tuk püi gui vai ah pawng ci gui.

NEHEMIAH 8:1

A cha chih nak ung Israel chang gui ami van cu gawnu gui ung khäng ne om tuk ci gui. A cun ah cha a hnüüp ät hnüüp ung ngami ami van Jerusalem ah Tui m’kawt ah akyong täng a awngnak ung ng’bum ci gui. Bawipa naw Israel gui am Moses ung a pek gui ah thukhän ca uk cu la ne a law püi vai ah taigü ah kya ne thukhän hmuhmat ciah Ezra cu k’thäh ci gui.

2 SAMUEL 24:2

Cun ah kyasei David naw a gabawi, Joab am, “Na bawi gui awn a täng ah, vang khaw cawi ungka naw vang khaw cawi ung khüt khai ah, Israel pakhui avan ung, chang gui na khei vai. Chang a i chü a law ah kei naw ka hmat hlük ci.

EZRA 3:1

A cha chih nak ung Israel chang gui ami vancu ami gawnu gui ung om ba yawp ci gui. Cun kawn ah ami van Jerusalem ung ng’bum ci gui.

2 SHONTÄP NAK 30:5

Cun ah kyasei Israel chang avan, a siiptäng Dan ungka naw a htumtäng Beersheba ung khüt sei. Jerusalem ah law ne, a cau ka ah ta da pi ne, thukhän ah mäih ah phyawn nak pawi ami bi vai ah khü gui ci gui.

1 SHONTÄP NAK 21:2

David naw Joab la a hei bawi gui am thukbäi ne pe gui ci, “Israel khaw avan ung, vang k’cawi ah ka naw vang k’cawi ah khüt sei hteit ne, chang gui nami khei vai, chang a i chü a law ah kei naw ka hmat hlük ci” cik ci.

2 GHANGPUGHANG GUI 25:23

Akut kä k’chah tuk ciah Judean bawi gui la gakap gui naw acun cu ng’ya u neta Mizpah ung law ne Kedaliah ung ng’dawn lawk ci gui. A cun bawi gui cu Nethaniah ah hta Ishmaela, Kareah ah hta Johanan, Netophah gawnu ah ka Tanhumeth ah hta Seraiah la Maakah ah ka Jezaniah ah kyak ci.

2 SAMUEL 19:14

David ah ng’thu naw Judah chang gui ami van akbe ah bekhüt sak gui ci, ngami naw, a bawi gui ami van nawn ami law ba vai ah ng’thu m’khäh ci gui.

2 SAMUEL 2:9

A cu ah Abner naw Ishbosheth cu, Kilead, Asher, Jezreelaa, Ephraim la Benjamin khaw gui ah ghangpughang, akcang ah Israel khaw avan uk khai ah hmoh ci.

SUKI GUI 20:26

Cun ung Israel chang gui ami van Bethela ah hang kai u ne kyap ci gui. Ngami cu a cu ah Bawipa ah ma ah ngaw u neta mühun güt ung ei kä ei ci gui. Ngami naw hmuhchum douthak nak cu douthak u ne, khawihnah nak along ah m’khih u ne, cun gui avan cu Bawipa ah ma ah bik ci gui.

SUKI GUI 20:18

Israel gui cu Bethela ah khawihnah nak ah hmun ung htet u neta, Khanpughi cu ng’shik ci gui, “A i pakhui naw Benjamin gui cu a tuk ma vai ang?” Bawipa naw, “Judah pakhui” cik ci.

SUKI GUI 20:11

Cun ah kyasei Israel chang gui ng’bü nak tumat ah ng’bum u ne, gawnu tuk vai pawng ci gui.

SUKI GUI 20:8

Chang gui ami van a täng ah ng’düi law u neta, “Mikmi ung ka phung ung om ci phi, im ung om phi, a u a imah kä hteit ba khai nei.

SUKI GUI 20:2

Israel pakhui avan ah ami ng’vai gui cu Khanpughi ah chang gui ami bum nak ung om ge ci gui, cun ung khaw awn hteit ne ng’tuk khai gakap 400, 000 lawk ci gui.

SUKI GUI 18:29

Aming phi m’thawng u ne, Laish ungka naw Dan ah sui ci gui. Cun cu Jakob ah hta, ami pupa Dan ah ming ah kyak ci.

SUKI GUI 10:17

Cun yah ung Ammonit gakap gui cu ng’tuk vai ah pawng u ne, Kilead ung phung tu ne om ci gui. Israel chang gui cu ng’bum ne law u ne, Kilead khaw Mizpah ung phung tu ne om ci gui.

JOSHUA 17:1

Jordan ah akhei täng khaw avang cu Joseph ah hta angvai ba Manaseh ah ang shon, amshah kyongchang gui am pek ah kyak ci. Kilead ah pa Machira cu Manasseh ah hta angvai pikbäih ah kyak ci, m’gäi ciah gakap ah kyak ci. Cun ah kyasei Jordan ah a kiangtäng Kilead la Bashan khaw cu ani am pek ah kyak ci.

KHEI NAK 32:1

Reuben la Kad pakhui gui naw akda vuhchah ci gui. Ngami naw Jazer la Kilead khaw cu seipat vuh nak vai ah ang htei ah ni sei hmu u neta,

JOSHUA 18:26

Mizpah, Chephirah, Moyah,

JOSHUA 15:38

Dilean, Mizpah, Joktheel,

KHEI NAK 32:40

Cun ah kyasei Moses naw Kilead khaw cu Machira pahta gui am pe gui sei, acun ung om ci gui.

JEREMIAH 40:6

Kie cu mizpah ah hteit ne kedaliah awn atäng ah om tu ne, can ah khan ung ami nawng shüt gui ah chang gui ah ng’lung ah ka om ci.

JOSHUA 4:13

Bawipa ah ma ah chan phya phlikip cu ng’tuk vai ah ng’düi ge u ne, Jerikho pei ah khawdou cu phlän ne hteit ci gui.

JOSHUA 22:9

Cun ah kyasei Reuben, Kad la Akiang täng Manasseh pakhui gui cu amiim ah hteit ba ci gui. Ngami naw Kanaan khaw Shilon ung pawih ciah Israel gui cu nawng shüt gui ci gui. Cun ung tün ne ami mät ah khaw, Kilead khaw ung ng’tün ci gui. Cun cu Bawipa naw Moses ung ang thumkhän ah mäih ah ngami naw ami läk ah kyak ci.

SUKI GUI 11:34

Jephthah cu Mizpah a im ah law ba khäta, ahtahnumi cu ani hmu lawk khai ah thing tum ne ng’lam ne lawk ci. Ani cu a hta tumat bang ah kyak ci.

1 GHANGPUGHANG GUI 5:5

Bawipa naw, kapa David am shaitak nak pek ci, nang ah kawn ah kei naw ghangpughang ah ka hmoh vai ah na hta naw, kei ah phäh ah Taigüim cu co khai.’ Bawipa ka Khanpughi khawihnah nak vai ah Taigüim cawh vai ah kei naw ka k’bäi pyi ci.

NEHEMIAH 11:27

Hazorshuala, la Beersheba a pei yung pigawhta gui ung om ci gui.