SUKI GUI 2:3 - Cho Bible Common Language 2016

³ Cun ah kyasei nangmi nami kai law ung phi shin ah chang gui cu kä ka k’täm gui khai. Ngami cu nangmi ah ga ah kyak khai gui, ngami naw ami khawihnah ah khanpughi gui cu nangmi ah phäh ah cunnu ah kyak khai.”

SUKI GUI 2:3 Referans Kwoze

JOSHUA 23:13

nangmi ung ckcang ah, Bawipa nami Khanpughi naw shin ah pakhui gui cu nami ma ung kä k’täm gui khai. Cun kan vaisü ung ngami cu nangmi ah hmawk ah kyihkyawk vai ah kyak khai, m’hling, khui, nami pang ung thah mäih ah, nami mik ung ng’hling ah mäih ah kyak khai gui. Cun gui cu Bawipa nami Khanpughi naw a ning pek gui ah shin ah khaw ni ung, nangmi a u phi kä nami om ba güt ung kä ng’pyi khai nei.

KHEI NAK 33:55

Cun ung phi cun ah khaw ung om ci gui cu kä nami k’täm ah a kyak ung nami mik ung ng’pyüm ah mäih ah, nami veei ung ng’hling ah mäih ning yaica sak gui khai, ngami naw ning tuk püi gui khai gui.

SAM 106:36

Khanpughi ah chang gui naw a gup cu khawihnah ci gui, a cun naw ngami cu di sak gui ci.

THULÄÄN NAK 7:16

Bawipa nami Khanpughi naw nami huham kyong ung a tha ah pakhui päng cu nami m’di vai. Chimgein nak api phi kä nami m’dang en vai. Ngami ah khanpughi gui kä nami khawihnah en tu vai. Cun cu sih nak ü awng ah kyak khai.

SUKI GUI 3:6

Ngami cu acun gui awn ng’chungla u ne, ami khanpughi gui phi khawihnah tuk ci gui.

SUKI GUI 2:21

Joshua a sih sang ge ung shin ah khaw ung om ciah chang pakhui gui cu kei naw kä ka k’täm ba gui khai.

PHYAWN NAK 34:12

Nami hteh law nak vai ah khaw ung ana om ciah chang gui awn kä nami ng’hteh hton vai, a i ah kyasei ci ung cun cu nami ng’awh nak vai ah m’hling ah kyak khai nei.

PHYAWN NAK 23:33

Cun ah chang gui cu nami khaw ung kä nami om tu sak gui vai. Nami om tu sak gui ung kei nami na katnak vai ah ning bi sak gui khai gui. Ami khanpughi gui nami khawihnah tu ah a kyak ung, nangmi ah phäh ah m’hling ung ng’awk ne sih ah kyak khai” cine Moses am pyen nak ci.

SUKI GUI 2:4

Khanchang naw shin ah thu a pyen vai-am Israel chang gui ami van cu kyap ci gui,

SUKI GUI 8:27

Kideon naw ghui awn a gup pyang neta, amät ah ng’tüi nak ah gawnu, Ophrah ung tha ci. Israel gui ami van naw Khanpughi cu nawng u ne, acun ah a gup cu khawihnah vai ah hteit ci gui. Cun cu Kideon la akyong chang ah phäh ah cuun ah kyak ci.