SUKI GUI 2:2 - Cho Bible Common Language 2016

² Nangmi naw Shin ah khaw ung om ciah chang awn api ah phi thukhän kä nami bi vai. Nangmi naw ami sowkyang gui cu nami phyet vai kyak ci. Cun ung phi ka pyen ah mäih ah nangmi naw kä nami bik ci. Nangmi naw hnu ng’tuk khai nami bik ci!

SUKI GUI 2:2 Referans Kwoze

JEREMIAH 2:36

Chang pakhui hei gui ah khanpughi gui nami ng’hlah shi nak awn nami phu nami ng’neim sak ci. Nangmi cu Assiria ung nami thüi ah mäih ah Egypt ung, nami thüi yai khai.

JEREMIAH 2:5

Bawipa naw pyen ci: “A i bün phei nak awn nami pupa gui naw kei ami na hnungtuk püi ang?” A i naw ang kei ungka a ning ng’hlah sak gui. A phuma kä om ciah agup gui khawihnah u ne, ami mät phi aphuma kä om ciah kya lawk ci gui.

JEREMIAH 2:18

A i ah ang nami ngaih, Egypt ah hteit ne, Nile tuinu ung tui aw ne, nami bä pi khai ang? A i ah ang nami ngaih, Assiria ah hteit ne, Euphratis tuinu ung tui aw ne, nami bä pi khai ang?

SUKI GUI 2:20

Cun kawn ah Bawipa naw Israel gui ah khan ah m’lung she neta a pyen cu, “Kei naw ami pupa gui am, ami khäm vai ah ka ng’thu khan ah thukhän cu shin ah pakhui naw m’shet pyi ci nei. A i ah kyasei ci ung ngami naw kei kä na läk ci gui,

THULÄÄN NAK 7:16

Bawipa nami Khanpughi naw nami huham kyong ung a tha ah pakhui päng cu nami m’di vai. Chimgein nak api phi kä nami m’dang en vai. Ngami ah khanpughi gui kä nami khawihnah en tu vai. Cun cu sih nak ü awng ah kyak khai.

PHYAWN NAK 32:21

Ani naw Aaron am, “Shin ah mäih ah kyih she ciah shetkat nak ami bi vai ah nang naw na ci gui cu, ngami naw nang ah khan ah a i bi u sei ang?

ATÜNNAK 4:10

Khanpughi naw, “A i ah kyasei shin ah akshe na bi ang? M’dek ung long ciah na nau ah si naw phu tuk vai ah mäih ah k’aw awn na khü ci nei.

1 PETER 4:17

M’khoichaa nak ah a khin cu gawk law pyi ci nei, Khanpughi amät ah chang gui cu m’khoichaa nak gah ma khai gui nei. Cun cu mikmi ung a tün ah a kyak ung, Khanpughi ah Thu Ni kä yum ciah chang gui ah khan ah akhüt ung a i cha ah kyak khai ang?

2 THESSALONIAN 1:8

mei m’lei ah tawt ne ang dang law yah ung Khanpughi naw cun gui cu bik khai. Cun ung Khanpughi hnu ng’tuk püi ci gui la Bawipa Jesuh ah mawng Thu Ni kä ngai ci gui cu Khanpughi naw shetkat sak gui khai.

SUKI GUI 6:8

Cun ah kyasei ani naw Bawipa Israel Khanpughi ung ka shin ah ng’thu law püi ciah prophet cu tüih law gui ci: “Kei naw Egypt khaw ah khleihtein ah nami kyaknak ung ka, ka ning law püi ba gui ci.

ATÜNNAK 12:18

Ghangpughang naw Abram cu khü neta, “Nang naw kei ah khan ah a i hawkcha ah na bi ang? Ani na chu ah a kyak ah mawng cu, a i ah kyasei kä na pyen ang?

JOSHUA 9:7

Cun ung phi Israel chang gui naw, “A i ah kyasei nangmi awn hmuhchum nak kami bi vai ang? Nangmi ang et nak ung nami om ciah kyak khai nei” cik ci gui.

SUKI GUI 6:10

Kei naw ka ning m’thein gui ci, kei cu Bawipa nami na Khanpughi nei, nangmi naw tuhbäi nami om nak ah khaw kanak ciah Amorit gui ah khanpughi gui cu kä nami khawihnah en tu vai. Cun ung phi nangmi naw kä nami na ngai ci.

SUKI GUI 8:27

Kideon naw ghui awn a gup pyang neta, amät ah ng’tüi nak ah gawnu, Ophrah ung tha ci. Israel gui ami van naw Khanpughi cu nawng u ne, acun ah a gup cu khawihnah vai ah hteit ci gui. Cun cu Kideon la akyong chang ah phäh ah cuun ah kyak ci.