SUKI GUI 2:19 - Cho Bible Common Language 2016

¹⁹ Cun ung phi ami ng’vai gui a sih ah a kyak ung, chang gui cu cau ami om man ah ng’hlat ba ci gui. A yanä ng’shon ah ta sheka pi ci gui. Ngami cu a hei khanpughi gui khawihnah ne abi bi u ne, ami om k’she ami nawng vai ah mak ci gui.

SUKI GUI 2:19 Referans Kwoze

SUKI GUI 8:33

Kideon asih kawn ah Israel chang gui cu Khanpughi ung kä bekhüt ba u ne, Baala cu khawihnah ba ci gui. Ngami cu ami khanpughi Baala awn thukhäm bi u ne,

SUKI GUI 4:1

Ehud a sih kawn ah Israel chang gui cu Bawipa hnu ng’tuk püi u ne, sheka ba ci gui.

MATTHE 23:32

Nami pughi pa gui naw tün ne ami bi ah katnak cu, ang pyii ung khüt khai ah nami bi vai nei.

JEREMIAH 23:17

Kei ah ng’thu kä ngai ne mak ciah chang gui am, ‘Nangmi ung apäng avan bä lawk khai nei’ cine pyen nak ci gui. Ngami naw am lung liing ciah chang nü am leigai naw kä ning tawn khai nei, cine m’thein ci gui.”

JEREMIAH 16:12

Cun ung phi nangmi naw nami pupa gui ah ta kapi khai ah nami bik ci nei. Nangmi nami van cu nami m’lung ling ne nami shekhak ci, kei kä na mi na ngai ci.

JEREMIAH 3:17

Cun ah khun a gawk law ung Jerusalem cu, “Bawipa ah mangkiang” ah khü khai gui, changpakhui avan cu kei na khawihnah khai gui ah a cu ah ng’bum khai gui. Ami m’lung ah ling nak la ami m’lung kyong akshe ah m’thein gui cu ngami naw kä bi ba khai gui.

SAM 78:8

Ngami cu ami pupa gui ah mäih ah kä kyak ci gui, ami pupa gui cu hnu ng’tuk u ne, ng’thu kä ngai u ne, Khanpughi ami yum nak kä ng’shing ci, kä bekhüt ci gui ah kyak ci.

1 SAMUEL 15:23

Ani hnu ng’tuk püi cu khawshe m’bei ah mäih ah shek ci, lingkeng aih cu agup khawihnah ah mäih ah katnak ah kyak ci. A i ah kyasei ci ung nang naw Bawipa ah thumkhän na hnu ng’tuk püi ci, ani naw na ghangpughang nak cu ning hnu ng’tuk püi ci” cik ci.

SUKI GUI 2:7

Joshua a ghin yah ah chuih Israel chang gui naw Bawipa cu khawihnah ci gui, ani a sih kawn ung phi, Bawipa naw Israel gui ah hmawk ah küikyang ciah abi gui avan ami mät naw hmuk ci gui ah ami ng’vai gui ami ghin ah chuih ngami naw yum gäk gäk ci gui.

JOSHUA 24:31

Joshua a ghin yah a chuih ung Israel chang gui naw Khanpughi ah bii bik ci gui. Ani asih kawn ah phi ngami naw k’täi ne bik ci gui. Bawipa naw Israel gui ah khan ah a bi päng ami mät naw hmu tuk ciah ami ng’vai gui ami ghin ah chuih acun ah bik ci gui.

ATÜNNAK 6:11

Cun ung phi chang avan cu Khanpughi ah ma ah sheka yawp ci, khomdek khan avan cu cheishoh nak awn be ci.

THULÄÄN NAK 31:29

Kei naw ka hmat ci, kei ka sih kawn ah chang gui naw, kei ah m’theithang gui cu shetkat shi u ne, hnu nak khai gui. Cun kawn ah lawk ciah akhin gui ung, ngami cu leigai awn ng’hmuk khai gui, a i ah kyasei ci ung ani cu m’lungshe sak khai gui.”

SUKI GUI 2:18

Bawipa naw Israel am ang vai tumat a pek pang ung, cun ah ang vai a ghin ah chuih Bawipa naw ani cu n’htei ne, chang gui phi ami ga ah kut ung ka hun gui ci. Ngami cu ng’ho ei nak, aktä yaica nak la shedam nak ung ami gawk yah ung Bawipa naw chimgei gui ci.

SUKI GUI 2:20

Cun kawn ah Bawipa naw Israel gui ah khan ah m’lung she neta a pyen cu, “Kei naw ami pupa gui am, ami khäm vai ah ka ng’thu khan ah thukhän cu shin ah pakhui naw m’shet pyi ci nei. A i ah kyasei ci ung ngami naw kei kä na läk ci gui,

EZEKIEL 20:30

Tuhbäi kei, uktu Bawipa naw ka pyen cu Israel gui am m’thein gui ä. A i ah kyasei nangmi naw nami pupa gui ah katnak cu bi u ne, ami a gup gui ah hnu ah nami gawt gui ang?

PHYAWN NAK 32:7

Bawipa naw Moses am, “Ang ghit ah yu kyum ba ä. Na chang gui Egypt khaw ah ka na law püi ba gui cu sheka u ne na hnungtuk püi ci gui nei.

SUKI GUI 10:13

Cun ung phi nangmi naw kei na nawng ne, a hei khanpughi gui nami khawihnah ci, cun ah kiasei kei naw kä ka ning gung ba gui khai.

NEHEMIAH 9:28

Dimdeeih nak a gawk law ba ung, ngami cu katnak bi ba ci gui, cun ung nang naw ami ga gui am na näng ba sak gui ci. Cun ung phi ngami ng’zuu ba u ne, na hun gui vai ah ami thäh law ung, Khankho ah ka naw ng’yak pe gui ne, dämduh ciah na chimgein nak awn leng ba ba ne na gung gui ci.