SUKI GUI 2:18 - Cho Bible Common Language 2016

¹⁸ Bawipa naw Israel am ang vai tumat a pek pang ung, cun ah ang vai a ghin ah chuih Bawipa naw ani cu n’htei ne, chang gui phi ami ga ah kut ung ka hun gui ci. Ngami cu ng’ho ei nak, aktä yaica nak la shedam nak ung ami gawk yah ung Bawipa naw chimgei gui ci.

SUKI GUI 2:18 Referans Kwoze

JOSHUA 1:5

Joshua, nang na ghin ah chuih a u naw kä ning m’di hlawt khai nei. Kei naw Moses ka om püi ah mäih ah ka ning om püi khai nei. Kei naw angtäi sei ka ning om püi khai, kei naw kä ka ning nawng phung khai.

THULÄÄN NAK 32:36

Ami thagui ng’pyi sei a hmuh gui ung, Bawipa naw a chang gui cu gung gui khai. Am gein kaa ah kya u sei a hmuh gui ung, Abii bik ciah chang gui cu Bawipa naw chimgein gui khai.

PHYAWN NAK 2:24

Khanpughi naw ami ng’hlou ei cu ng’ya neta, Abraham, Isaak la Jakob ung ang thukhän cu shüm ba ci.

HOSEA 11:8

“A i hawkcha ah ka ning m’lungsi gui vai ang, Israel gui? A i hawkcha ah ka ning nawng gui vai ang? Kei naw admah ka m’di ah mäih ah, Zeboiim ah khan ah ka bi ah mäih ah? Ka m’lung naw cun ah kä na bi sak khai nei, Kei naw ka ning m’hni nak gui cu khüighat aih ci.

2 GHANGPUGHANG GUI 13:4

Cun kawn ah Jehoahaz cu Bawipa ah taigü ci, Siria ghangpughang naw Israel gui ak shedam nak gui aih cu Bawipa naw hmu neta ani ah taigü cu m’shang ci.

SUKI GUI 10:16

Cun ah kyasei ngami naw akcho hei khanpughi gui cu nawng u ne, Bawipa cu khawihnah ci gui; cun ah kyasei, ngami ah khüikha nak cu chihna gui ci.

ATÜNNAK 6:6

Khomdek khan ung chang tüisho ne a tha ah phäh ah a yä ba ci.

PHYAWN NAK 3:12

Khanpughi naw, “Kei cu nang awn a täng ah ka om khai, nang naw ka chang gui Egypt khaw ah kaa na law püi ba gui ung, shin ah m’htung ung na na khawihnah khai. Cun cu kei naw ka ning tüih ah mawng ang dang nak ah kyak khai.”

JONAH 3:10

Cun ah ami bi cu Khanpughi naw hmu gui ci, ami katnak ami ng’hlah taak phi hmu gui ci. Cun ah kyasei ani naw am lung m’thawng ne, a pyen te ah mäih ah kä m’di gui hnga ci.

SAM 90:13

Kho a i khäta na m’lungshe nak cu ng’pyi khai ang? O Bawipa, na changshäm gui cu na m’gein gui ä!

SAM 12:5

Bawipa naw, “Cun ung phi tuhbäi kei ka lawk khai,” A i ah kyasei ci ung, dukhaih ci gui ami shedam nak, dukdeiu ci gui ah m’lau ng’pyan ah hmawk ah kyak ci. Ngami am ami ng’yak hlü ah m’lung üp nak cu ka pe gui khai.

KHEI NAK 10:9

Nangmi nami khaw ung ng’tuk a om law ah a kyak ung, ning tu law gui ciah nami ga cu, nami mät ng’gung ne nami hnungtuk püi vai. Shin ah phyungheng tum ne ng’tuk bi nak ah mawng nami m’dang vai. Kei, Bawipa, nami Khanpughi naw ning m’hteihtang gui ne, nami ga gui ungka ka ning phyawn gui khai.

SUKI GUI 2:19

Cun ung phi ami ng’vai gui a sih ah a kyak ung, chang gui cu cau ami om man ah ng’hlat ba ci gui. A yanä ng’shon ah ta sheka pi ci gui. Ngami cu a hei khanpughi gui khawihnah ne abi bi u ne, ami om k’she ami nawng vai ah mak ci gui.

PHYAWN NAK 32:14

Cun ah kyasei Bawipa naw am lung cu m’thawng ba ne, a chang gui khan ah a law püi vai ang ngaih ah kyih vai ah leigai cu kä law püi ci.

SUKI GUI 3:9

Cun kawn ung Israel gui cu Bawipa ah ma ah kyap ne m’lau ci gui, cun ah kyasei ngami m’hlaut gui khai ah chang cu ani naw tüi lawk ci. Cun cu Kaleb ah nau ak hmaw pi Kenaz ah hta Othniela ah kyak ci.

SUKI GUI 6:12

Acun ung Bawipa khanchang dang neta a pyen nak cu, “Nget ne n’gäi ciah chang, Bawipa naw nang ning om püi ci ne!”

SUKI GUI 6:16

Bawipa naw, “Nang naw na bi hning khai, a i ah kyasei ci ung kei naw ka ning m’htei khai. Nang naw Midianit gui am chang tumat bi ah mäih ah na hnimdep gui khai.”

SUKI GUI 11:32

Jephthah naw Ammonit gui tu gui khai ah tuinu hei kat sei, Bawipa naw näng nak pek ci.