SUKI GUI 2:15 - Cho Bible Common Language 2016

¹⁵ Ng’tuk nak ah ami hteh pang ung phiBawipa naw a pyen ah mäih ah hnu ng’tuk püi gui ci. Ngami cu ang htei ah khüikha ci gui.

SUKI GUI 2:15 Referans Kwoze

2 KORIN 4:8

Mikmi cu ashäng shäng mi yaica ung phi kä mi ng’pyäuh sagei ci; ak hngü ät mi khüi khaa ung phi, m’lung kä thüi ci;

MIKHAH 2:3

Cun ah kyasei Bawipa naw, “Nangmi ah di nak vai ka pawng püi pyi ci, a u phi kä phyawng khai. Nangmi cu nami mät yaica nak ung nami lut ci. Lä-e ne kä nami hteit hton ba hlawt khai.

JEREMIAH 44:27

Nangmi cu kä nami bühmang khai, nami di khai, cun cu kei naw ka hmuk khai. Nangmi nami van tumat phi kä ak pawih ba güt, ng’tuk nak awn baw, gaw pyan nak awn baw nami sik khai.

JEREMIAH 44:11

“Cun ah kyasei kei, m’gäi ciah Bawipa, Israel dhanpughi naw hnungtuk ne ning hlah ta gui ne Judah avan ka m’di khai.

JEREMIAH 21:10

Shin ah mang gaw cu kä m’düm ne m’di vai ah kei naw ka m’lung ung ka k’bäi pyi ci. Shin cu Babilonia ghangpughang am ap vai, ani naw m’dek ung khüt khai ah m’khih khai. Kei, Bawipa naw ka pyen ci nei.”

JEREMIAH 18:8

Cun ung phi cun ah pakhui khaw cu ashetkat nak ungka ang hlah law ba ah a kyak ung, kei naw ka bi vai ah ka pyen cu kä ka bik khai nei.

1 SAMUEL 30:6

David cu khüikha nak akdäm ung gawk ci, a i ah kyasei ci ung, a chang gui ami van u ami hmaw gui a maih ah phäh a thüi aih ci gui, ani cu lung awn vawih vai ah k’bäi ah k’bäi ci gui; cun ung phi Bawipa a Khanpughi naw k’thamah nak pek ci.

1 SAMUEL 14:24

Cu hnüüp ung Israel gui cu cawi u ne ami k’tha ken ci, a i ah kyasei ci ung Saul naw ak thukau ah taam ne ak bäi gui cu, “Ka ga gui ah khan ah phu kä ka tuk pha ah chuih tuhngawi a u naw ei kä a ei vai, ei cicu kyuk khai” cik ci. Cun ah kyasei cu hnüüp a u naw ei kä ei ci.

1 SAMUEL 13:6

Ngami cu ng’güüt law u ne, Israel gui cu akyat tu ne hnim gui u ne, püi ne dawng khai gui ah ci gui, Amshah Israel gui cu lung khui, m’dek khui ung ng’thup ci gui, lung song gui ah ng’lung, khui gui la tuiton gui ung ng’thup ci gui;

SUKI GUI 10:9

Ammonit gui naw Jordan tuinu hnraw kat law u ne Juda, Benjamin la Ephraim pakhui gui cu tu lawk ci gui. Cun ah kyasei Israel gui cu ang htei ah khüikha ci gui.

RUT 1:13

Cun gami ng’vai law güt nang ni nani ging hning khai ma? Acun güt kä cei mah ba ne nani am khai ma? Cun ah kä kya ci, ka hta hnumi gui, cun ah kä kia hning khai ah nani hunat ci nei. Bawipa naw hnu ng’tuk pü Na ng’hlah ta sei, neng Ni ah phäh ah ka thüi ci nei,” cik ci.

THULÄÄN NAK 18:20

Prophet tumat mat naw abi vai kä ka thumkhän ah kei ah ming ung thu pyen khai ah a ling ah a kyak ung, acun ah phäh ah ani cu sik khai. A hei khanpughi gui ah ming awn thu pyen ciah prophet gui phi acun ah kyak khai.

1 SAMUEL 12:15

Cun ung phi Bawipa ah thu kä ngai ne, a thumkhän kä nami läk ah a kyak ung, ani naw nangmi la nami ghangpughang cu ning hnu ng’tuk püi gui khai.

2 SHONTÄP NAK 12:1

Rehoboam cu ghangpughang ah kya ne, a huham mah vai am, amät la a chang gui avan naw Bawipa ah thukhän cu nawng ci gui.