SUKI GUI 2:14 - Cho Bible Common Language 2016

¹⁴ Bawipa naw Israel gui ah khan ah m’lungshe aih neta, ng’tuk’bi gui am tuk sak gui ci. Ani naw ga gui avan cu ami khaw ah huham mah sak gui khäta, Israel gui cu ami mät naw ami mät kä shung vong ba hning ci gui.

SUKI GUI 2:14 Referans Kwoze

2 GHANGPUGHANG GUI 17:20

Bawipa naw Israel gui ami van hnungtuk püi gui ci, m’kyuk gui ne, m’ghämce ciah ga ah kut ung ap gui ne, ami van ama ung maih sak gui ci.

THULÄÄN NAK 32:30

A i ah kyasei chang tumat naw chang phia gha a hnim gui ang? A i ah kyasei chang hnih naw chang phia phia a hnim gui ang? Bawipa nami Khanpughi naw ngami nawng gui ci. M’gäi ciah ami Khanpughi naw ngami mlungsi sak gui ci.

SUKI GUI 10:7

Cun ah kyasei Bawipa cu Israel gui ah khaw ah m’lungshe neta, Philistin gui la Ammonit gui am tu ne khäm sak gui ci.

SUKI GUI 4:2

Cun ah kyasei Bawipa naw Hazor mang gaw uk ciah Kanaanit ghangpughang Jabin am tu ne näng gui sak ci. Ani ah gabawi cu Sisera, chang khuihei gui ah om nak Hazosheth ung ka ah kyak ci.

TAIGÜTHUM 26:37

A u naw kä a ning gawt gui ung phi tumat ah khan ah tumat nami ng’goot khai. Nangmi naw a i ga gui phi kä nami tu tuba hlawt khai.

2 SHONTÄP NAK 36:16

Cun ung phi ngami naw Khanpughi ah ng’shächang gui cu päipih u ne, ang thu cu a i ah kä ngai u ne, a prophet gui cu gaih tuk ci gui, ak hnu ah Bawipa ah m’lungshe nak ak chang gui hnungtuk püi cicu dämduh aih sei, phyawn nak kä om ba ci.

JEREMIAH 37:10

Nangmi naw Babilonian gakap avan nami hnim ah a kyak ung phi leim ci gui bäng om ba ne phung kyong ah ami ng’zän ung phi, cun ah chang gui cu tho law ba u ne shin ah mang gaw cu m’dek ah khüt khai ah m’khih khai gui nei.”

ISAIAH 50:1

Bawipa naw pyen ci, “Pami tumat naw akchu ang chaa püi ah mäih ah, kei naw ka chang gui a hei ah ka tüi gui ciah nami ngai ne ma? Cun ung ng’chaa nak ah ca a hawi ang? Chang tumat naw a hta gui khlei htei ah a yoih gui ah mäih ah, nangmi cu chang pha ah ka ning yoi gui ciah nami ngai ne ma? Nangmi nami katnak ah phäh ah pha ne ami ning hteh püi gui ah kyak ci; Nami cawi m’sa ah phäh ah ami ning k’täm gui ah kyak ci.

SAM 44:12

Nang naw nak chang gui cu api ah yoi ci sei, Ngami cu api phu nak ci gui.

2 SHONTÄP NAK 15:5

Cun ah a khin sang ung a u phi phyawng m’htein ne kä hteit hton ci, a i ah kyasei ci ung khaw nü ung khüikha nak la ng’gawgan nak bäng ah kyak ci.

SUKI GUI 1:34

Amorit gui naw Dan pakhui gui cu khogui täng ah gawt gui u ne, a güng täng ah kä law tu ba sak gui ci gui.

THULÄÄN NAK 28:58

“Shin ah ca-uk ung guk ah Khanpughi ah m’theithang gui cu bekhüt ne kä nami läk ung Bawipa nami Khanpughi ah cäicat vai la kyihkyawk vai ah ang ming cu kä nami m’tam ung,

THULÄÄN NAK 28:25

“Bawipa naw nami ga gui am nangmi ah khan ah näng nak pe gui khai. Nangmi naw lam tumat ung hteit ne nami tu gui khai, cun ung phi ngami ungka lam avan ung nami dawng khai. Nangmi ah khan ah cun ah a kyak law gui cu, khomdek khan ah chang avan naw hmu u neta cäicat khai gui.

THULÄÄN NAK 28:20

“Nangmi cu akshe bi ne Bawipa nami hnungtuk püi ah a kyak ung, ani naw leigai la ang gogan nak gui cu nami khan ah law püi khai. Nami bi nak päng ung yaica nak om khai, nangmi ang ghit ah kä a ning m’di pha gui ah chuih acun ah kyak khai.

KHEI NAK 32:14

Tuhbäi nangmi cu nami pa gui ah hnün ung nami ngaw ba ci, kak ciah chang ah ng’shon thai ah kya u ne, Israel gui ah khan ah Bawipa ah m’lung she nak pi, nami la pyi ci nei.

TAIGÜTHUM 26:28

kei naw m’lungshe nak awn nangmi ah khan ah ng’hlat law ne, ayan ä kaa ah tah, ak chih ah ka pi khai ah ka ning m’kyuk gui khai.

SUKI GUI 2:20

Cun kawn ah Bawipa naw Israel gui ah khan ah m’lung she neta a pyen cu, “Kei naw ami pupa gui am, ami khäm vai ah ka ng’thu khan ah thukhän cu shin ah pakhui naw m’shet pyi ci nei. A i ah kyasei ci ung ngami naw kei kä na läk ci gui,

SUKI GUI 3:12

Israel chang gui cu Bawipa hnu ng’tuk püi ne sheka ba mä ci gui. Acun ah phäh ah Bawipa naw Moab ghangpughang Eglon cu Israel gui ah ta khüighat sak pi ci.

2 GHANGPUGHANG GUI 13:3

Cun ah kyasei Bawipa cu Israel gui ah khan ah m’lungshe neta, Siria ghangpughang Hazela la a hta Benhadad am Israel cu leng ba ba ne tuk sak ci.

NEHEMIAH 9:27

cun ah kyasei ngami cu ami ga gui am näng sak gui ne na uk sak gui ci. Ngami ami khüikha yah ung na m’htei gui vai ah ning thäh u sei, Khankho ah ka naw na m’shang gui ci. Dämduh ciah na chimgein nak awn ami ga ung gung gui khai ah angvai gui cu na tüih pe gui ci.

TAIGÜTHUM 26:17

Kei naw ng’hlat ne ka ning hnungtuk püi gui khai, cun ung ning hnim gui khai gui, nangmi ning thüi na gui ci naw ning uk gui khai, nangmi cu nami kyikyawk aih khai, a u naw kä a ning gawt gui ung phi nami dawng khai.

KHEI NAK 32:13

Bawipa cu chang gui ah khan ah m’lung she neta, khaw kum phli kip ung bung hmu ah ng’vah shüi sak gui ci, cun cu Bawipa täng ung akshe bik ci gui avan a maih güt ah kyak ci.

JOSHUA 23:16

Bawipa nami Khanpughi naw nami pan vai aha ning thumkhän gui ah thukhän cu kä nami k’pan ah a kyak ung, a hei khanpughi gui ah a khut bi ne, nami khawihnah ah a kyak ung, ani naw am lungshe nak awn ning m’kyuk gui khai. Acun ung nangmi tumat phi, a ning pek gui ah shin ah khawni khaw ung kä nami law ba ge khai.”

2 SAMUEL 24:1

Bawipa cu Israel gui ah khan ah m’lungshe ba mä ci, ani naw David cu, ami khan ah yaica nak abi vai ah bik ci. Bawipa naw ani am, “Hteit ne Israel gui la Judah chang gui cu khei gui ä” cik ci.

2 SHONTÄP NAK 28:5

Ghangpughang Ahaz ah a katnak ah phäh ah Bawipa a Khanpughi naw ani cu Siria ghangpughang am hnim sak ne, Judean chang gui akda cu pha ne Damaskas ah hteh püi ci gui. Bawipa naw, Israel ghangpughang Remaliah ah hta Pekah am phi Ahaz cu hnim sak ne, khaw hnüüp ät ung m’gäi ciah Judean gakap 120,000 cu ngawn sak gui ci. Bawipa ami pupa gui ah Khanpughi naw shin cu a kyak sak ah kyak ci, a i ah kyasei ci ung Judah chang gui naw ani ami nawng ah phäh ah kyak ci.

SAM 44:11

Nang naw ami na kyih gui vai ah htome ah mäih ah na ap gui ne, a kho hei yung ah na na püi pawng sak gui ci,

ISAIAH 42:24

A u naw ang, Israel gui cu, guttep gui ci am a ap gui? Cun cu mikmi naw katnak bi ne, mi hnu ng’tuk püi ah Bawipa amät ah kyak ci nei. Ani naw mi om vai ang yak hlü ah mikmi cu kä mi om ci nei, ani ah m’thei thang gui cu kä mi läk ci nei.