SUKI GUI 2:13 - Cho Bible Common Language 2016

¹³ Ngami naw Bawipa Khawihnah nak cu nawng u ne, Baala la Astarte gui cu khawihnah ci gui.

SUKI GUI 2:13 Referans Kwoze

SUKI GUI 10:6

Israel gui naw Baala la Astarte gui khawihnah u ne, Bawipa cu hnung’tuk püi ne cheishoh ba ci gui, ngami naw Siria, Sidon, Moab, Ammon la Philistia gui ah khanpughi gui phi khawihnah ci gui. Ngami naw Bawipa cu nawng ne, kä khawihnah ba ci gui.

SAM 106:36

Khanpughi ah chang gui naw a gup cu khawihnah ci gui, a cun naw ngami cu di sak gui ci.

SUKI GUI 3:7

Israel chang gui naw Bawipa cu ami khanpughi ah m’hnih ci gui, ani hnu ng’tuk püi ne sheka u ne, Baala la Asherah ah gup gui cu khawihnah ci gui.

1 KORIN 8:5

Kho ah kaa m’dek ah khan ung “Khanpughi” ah ming ci, “Bawi” ah ming ci, akda a om ung phi;

2 GHANGPUGHANG GUI 23:13

Jerusalem a kiangtäng la oliv m’htung a htumtäng ung Shemshai-agup gui khawihnah nak vai ah ghangpughang Solomon naw a caw ah sonkiang gui cun phi Josiah naw sheshui sak ci — cun gui cu Sidon khanpughinu Astarte, Moab khanpughi Chemosh, Ammon khanpughi Moleck gui ah kyak ci.

1 GHANGPUGHANG GUI 11:33

Kei naw acun ah ka bi lawk khai, a i ah kya se ci ung Solomon naw kei cu na hnungtuk püi ne a khaw hei khanpughi gui a khawihnah ah phäh ah kyak ci: cun gui cu Astarte Sidon khanpughinu; Chemosh, Moab khanpughi; Molek, Ammon khanpughi ah kyak ci. Solomon naw kä na ngai ci; ani naw chei khai ah bik ci, apa David ah mäih ah kei ah ka thukhän gui la thumkhän gui cu kä k’pang ci.

1 GHANGPUGHANG GUI 11:5

Ani naw Sidon ah Khanpughi hnumi Astarte la Ammon ah shemshai ciah Khanpughi Molek cu khawihnah ci.

1 SAMUEL 31:10

Ani ah li khim gui cu ami khanpughinu Astarte ah Taigüim ung tai ci gui, a pum cu Beth Shan mang gaw k’pang ung khen ne tai ci gui.

SUKI GUI 2:11

Israel chang gui cu Bawipa hnu ng’tuk püi ne katnak bi u ne, Baala gui cu tün ne khawihnah ci gui.

1 SAMUEL 7:3

Samuel naw Israel chang gui am, “Nang mi cu nami m’lung avan awn Bawipa täng ah nami ng’hlah law ba ah a kyak ung, a khaw hei khanpughi gui la Astarte ah a gup cu nami nawt heng vai. Bawipa ung nami mät avan nami ng’ap vai, ani bäng nami khawihnah vai, cun ung ani naw Philistin gui ah huham ung ka ning k’phiawn gui khai” cik ci.

1 SAMUEL 12:10

Cun kawn ah Bawipa naw am htei gui vai ah m’lau u neta, “Keimi kami hma ci, a i ah kyasei ci ung, keimi naw nang kami ning hlah tak ci, Bawipa, keimi naw Baala la Astarte gup cu kami khawihnah ci. Kami ga ung ka nak phyawn gui ä, keimi naw kami ning khawihnah khai!” cik ci gui.

2 SHONTÄP NAK 7:22

Chang gui naw m’hlan ba u ne, “A i ah kyasei shin ah a kyak ci ung ngami naw ami pupa gui Egypt khaw ah ka law püi ba gui ci Bawipa ami Khanpughi ami nawng ah phäh ah kyak ci. Ngami cu a hei khanpughi ung ng’coi ng’pa u ne, khawihnah ci gui. Cun ah kyasei Bawipa naw ngami ah khan ah leigai a law püi ah kyak ci” cik khai gui.

KHEI NAK 25:3

Cun cu Peor ah ka Baal ah kyak ci. Cun kyasei Bawipa cu ngami ah khan ah m’lungshe neta,

2 SHONTÄP NAK 12:2

Rehoboam ah a uknak a kum hma nak ung ngami cu Bawipa ung kä ami bekhüt ah phäh ah m’kyuk nak gah ci gui. Egypt Ghangpughang Shishak naw Jerusalem cu tu lawk ci,

2 SHONTÄP NAK 28:3

Hinnom kho ng’nawi ung ang ui m’khih nak phi bik ci. Ani naw shin ah khaw ung Israel gui ami law yah ung shin ah khaw ungka Bawipa naw aktäm gui ah chang gui ah shemshai ciah ami thungyo cu theibang ne, a gup gui am a mät ah hta gui hngaw m’khih ne douthak nak ah bik ci.

2 SHONTÄP NAK 33:3

Ani naw apa Hezekiah naw am di pyi ah khogam khawihnah nak ah hmun gui cu co ba ci. Ani naw Baala khawihnah nak ah sonkiang gui co ba ci, khanpughinu Asherah ah gup phi pyang ci, aisi gui phi khawihnah ci.

JEREMIAH 2:20

Uk ciah Bawipa naw pyen ci, “Israel, cau pui nang naw kei ah huham cu na hnungtuk ci; kei na ngai ne na khawihnah vai cu nang naw nah mak ci, Hlüng ciah m’htung khan päng ung m’kim ciah sing ghing kaa päng ung nangmi naw khonglei khanpughi gui cu nami khawihah ci.

JEREMIAH 16:11

Bawipa ah thu pyen cu na m’thein gui vai, nami pupa gui naw kei na ng’hlah ta ne, a hei Khanpughi gui khawihnah ne a bii bik ci gui. Ngami naw na nawng u ne ka m’thein thang cu kä ngai ci gui.