SUKI GUI 2:12 - Cho Bible Common Language 2016

¹² Ngami naw Egypt ah ka law püi ba gui ciah Khanpughi, ami pupa gui ah Khanpughi, Bawipa ami khawihnah nak cu nawng u ne, a mi pei yung ah om ciah chang gui ah ami khawihnah ah ami khanpughi gui cu tün ne khawihnah tuk ci gui. Ngami naw acun gui ah ma ah kawp u ne Bawipa cu m’lungshe sak ci gui.

SUKI GUI 2:12 Referans Kwoze

PHYAWN NAK 20:5

A i ah a gup ah ma ah phi kä nami m’khukdong vai, kä nami khawihnah vai, a i ah kyasei ci ung, kei cu Bawipa, nami Khanpughi, a u awn phi kä ka ni täng ci. Kei na gen ci gui ah khan ah m’kyuk nak ka law püi ci. Ami hta ng’shon, shon thum, shon phli güt ung ka m’kyuk gui ci.

THULÄÄN NAK 29:25

M’shan nak cu, “a i ah kia seici ung Bawipa ah chang gui naw ani awn ami bi ah thukhän cu ami m’shet ah phäh ah kyak ci nei. Cun cu ami pupa gui ah Khanpughi, Ani naw Egypt khaw ah ka alaw püi ba gui yah ung ah kyak ci.

THULÄÄN NAK 13:5

Cun ung phi changshäm ah nami kyak nak ah Egypt khaw ah kaa ning gung gui ciahBawipa hnungtuk püi ne, ng’thu ning m’thein gui ciah mang phlan ci, kä cun ung, prophet cu sih nak nami pek vai nei. Cun ah mäih cu changshe ah kyak ci. Cun ah chang naw, Bawipa naw nami om ih vai ah a ning thumkhän gui ah ghin nak ungka a lam hei ung ning hteh püi gui ci nei. Ani cu ngawn vai, cun cu shin ah akshe nami mät ungka nami nawt heng ah kyak ci.

THULÄÄN NAK 29:18

Nami cim vai vai, pami, hnumi, kyongchang, pakhui, shin ung tuhngawi ng’düi ci phung cu, a u chang phi Bawipa mi Khanpughi ng’hlata ne, a hei pakhui gui ah khanpughi gui kä ami khawihnah en vai. Cun cu kha ne m’äm ah ciaha ghing thawh sak ciah ang yung ah mäih ah kyak ci.

THULÄÄN NAK 5:9

A i a gup ah ma ung phi kä nami m’khuukdong vai, kä nami khawihnah vai, a i ah kyasei ci ung kei cu Bawipa nami Khanpughi, a u phi kä ka täng püi ci. Kei na gen ci gui ah khan ah m’kyuk nak ka law püi ci. Ami htangshon thum phli güt ung ka m’kyuk gui khai.

SUKI GUI 5:8

Israel chang gui naw Khanpughi gui ak thai ami ghü kawn ah, khaw ung ng’tuk nak om ci nei. Israel chang phya, phya phli kip ung ka, Shawi käcung k’htei kawt ci a u om ne ang?

THULÄÄN NAK 33:17

Joseph cu vantang ah mäih ah ak thagui om ci, sei nget ah mäih ah aki gui om ci, Ani ah ki gui cu Manasseh ah phia gha ah kyak ci. Cun kawn ah Ephraim ah phia phia ah kyak ci. Acun awn ani naw pakhui gui su gui ci. Khomdek ah a cawi ah khüt khai ah ani naw buh gui ci.

THULÄÄN NAK 32:15

“Bawipa ah chang gui cu bühmang lawk ci gui, Cun ung phi kütnet ci gui. Ngami cu ei akni awn thau ne plan ci gui, Ngami naw Khanpughi tüisho gui cicu nawng ci M’gäi ciah ami Hunbawi cu hnungtuk püi ci gui.

SUKI GUI 8:33

Kideon asih kawn ah Israel chang gui cu Khanpughi ung kä bekhüt ba u ne, Baala cu khawihnah ba ci gui. Ngami cu ami khanpughi Baala awn thukhäm bi u ne,

SUKI GUI 10:11

Bawipa naw shincha ah m’shang gui ci, “Egypt gui, Amorit gui, Ammonit gui, Philistin gui,

SAM 78:58

Ngami naw akshe ah ami khawihnah nak awn m’lung she sak u ne, a gup gui awn am lung thüi sak ci gui.

SAM 106:36

Khanpughi ah chang gui naw a gup cu khawihnah ci gui, a cun naw ngami cu di sak gui ci.

PHYAWN NAK 13:3

Moses naw chang gui am, “Nami shüm vai ah hnüüp cu-changshäm ah nami kyak nak ah hmun, Egypt khaw nami hteh tak nak ah hnüüp ah kyak ci. Cun cu Bawipa naw dämduh ciah a huham awn a ning plawk nak gui ah hnüüp ah kyak ci. K’caw shum ah m’htut kä ei nak ah kyak ci.

PHYAWN NAK 13:9

Shin cu nangmi ning m’shüm thein gui ciah kyak khai, nami kut ung, kä cung nami m’calai ung ning khit gui ciah mäih ah kyak khai; a shin naw Bawipa ah thukhän cu k’täi ne ng’thei thang ng’thumcha nak vai ah ning m’shüm thein gui khai, a i ah kyasei ci ung Bawipa naw dämduh ciah a huham awn Egypt khaw ungka a ning plawk ba gui ah hmawk ah kyak ci.

PHYAWN NAK 13:14

Ngawi ah shin ah mawng gui cu a i hawkcha ang, cine nami hta gui naw ami ning shi gui ah a kyak ung nami m’thein gui vai cu, ‘Bawipa naw dämduh ciah a huham awn, changshäm ah kyak nak Egypt khaw ah kaa, nak plawk ba gui ci.

PHYAWN NAK 13:16

Shin cu m’shüm thein nak ah kyak khai, Mi kut ung, kä cung mi m’calai ung na khit gui ciah mäih ah kyak khai. Bawipa naw dämduh ciah a huham awn Egypt khaw ungka ana plawk ba gui cu a shin naw na shüm sak gui lä khai” cik ci.

THULÄÄN NAK 4:25

“Nangmi cu cun khaw ung akshou nu nami om law ung phi, nami hta nau, nami tu gui ada law ung phi, a i ah mäih ah phi nami mät ah phäh ah a gup pyang ne katnak kä nami bi en vai. Bawipa täng ah ka naw teng ung cun cu akshe ah kyak ci. Acun naw ani m’lungshe sak ci.

THULÄÄN NAK 6:12

Egypt khaw ah changshäm ah nami kiakyah ung ning gung gui ciah Bawipa cu kä nami m’hnih vai ah nami ngaih nak vai.

JEREMIAH 16:11

Bawipa ah thu pyen cu na m’thein gui vai, nami pupa gui naw kei na ng’hlah ta ne, a hei Khanpughi gui khawihnah ne a bii bik ci gui. Ngami naw na nawng u ne ka m’thein thang cu kä ngai ci gui.