Biblia Todo Logo
Bib sou entènèt

- Piblisite -




SUKI GUI 2:10 - Cho Bible Common Language 2016

10 Acun ah ng’shon ung ka chang gui cu si yawp u sei, acun tawi lawk ciah ng’shon gui naw Bawipa la Israel gui ah hmawk ah ani naw abi gui cu m’hnih ci gui.

Gade chapit la Kopi




SUKI GUI 2:10
26 Referans Kwoze  

Eli ah hta gui cu chang sawkshe gui ah kyak ci. Ngami naw Bawipa cu a i ah kä sui ci gui,


Ghangpughang naw, “Bawipa cu a u ang? A i ah kyasei ani ah ng’thu ngai ne, Israel gui ka hteh sak gui vai ang? Kei naw Bawipa cu kä ka hmat ci, Israel gui cu kä ka hteh sak gui khai nei” cik ci.


Ngami naw Khanpughi kami hmat ci nei ami ci ung phi ami hnün thawh naw maa na gui ci. Ngami cu thüi nak vai kya u ne, thu kä ngai u ne, akni phung api phi, kä bi tu hning ciah chang gui ah kyak ci.


David cu a ghin om yah ung Khanpughi ah ng’yak hlü ah bi bik ci, a sih kawn ah a pupa gui ah ng’cim hmun pei ah m’cim tuk ci gui. A pumsa cu ng’cim hmun ah thukat nak ung gawk ci.


A u naw phi Bawipa hmat vai ah mawng apigaw-chang kä theithang khai, a i ah kyasei ci ung a hmaw pikbäih ungka naw ang vaipikbäih ung khüt sei, chang avan naw kei nah mat khai, kei naw ami katnak ka m’geinsei gui khai, ami cheishah nak kä ka shüm ba khai. Kei, Bawipa naw ka pyen nei.”


Nami zu im ung hting ni k’vei ni, phiphät ni — zu ni nami mang ci. Cun ung phi Bawipa naw a i a bi cu kä nami hwat ci,


Cun kawn ah Solomon a pyen nak cu, “Ka hta aw, kei naw ka ning bi sak cu, na pa ah Khanpughi cu yum ne, na m’lung naw ng’ya hlü ne kä ng’pai ciah m’lung ngaih awn abii na bi vai. Ani naw mikmi ah ngaih-tüh la ng’yak hlü avan hmat ci. Nang ani ah na hteh ung ani naw ning dou khai; cun ung phi nang naw nang hlah tak ung, ani naw khonglän ung ning nawng khai.


Nang na sih ung na pupa gui awn a täng ah ning m’cim ne, na hta gui ungka tumat cu ghangpughang ah ka pyang khai, ani ah uknak khaw cu khüi ghat khai.


mei m’lei ah tawt ne ang dang law yah ung Khanpughi naw cun gui cu bik khai. Cun ung Khanpughi hnu ng’tuk püi ci gui la Bawipa Jesuh ah mawng Thu Ni kä ngai ci gui cu Khanpughi naw shetkat sak gui khai.


Ani naw dukhaih ci gui cu taga khai ah pe gui ci, cun ah kyasei apäng avan cu bä ci. Cun cu Bawipa hmuhmat nak ah phäh ah kyak ci.


Ngami cu akphlüt ah hleei pyen ge vai ah om ci gui; Düng nak ah hnün ung kä ng’düng nak gui naw kho uk ci. Bawipa naw pyen ci, “Ka chang gui naw akshe cu tumat ng’pyi sei tumat bik ci gui, kei ami na Khanpughi ah käng kiaa man ci gui.”


Chang shekha gui naw ami mät om khai gui ah pyen ne Khanpughi m’thein ci gui. Ngami naw ami ghin nak ung ani ah ng’yak hlü cu kä hmat hlük ci gui.


Bawipa naw Moses am, “Tuhbäi nang na sik khai, nang na sih kawn ah chang gui cu kei ung kä bekhüt law ba khai gui, ngami awn ka bi ah thumkhän cu ngami naw m’shet khai gui. Ngami naw kei cu na nawng u ne, ngami naw ami luh nak vai ah khan ung khawgai khanpughi gui cu khawihnah khai gui.


Cun na hmuh kawn ah nang cu na sik khai, na phäi Aaron ah mäih ah,


Jakob cu a hta gui m’cäi gui yawp neta a ih phak ung ng’yän ba ne sik ci.


Nang na mät cu ghi ne na ghing khai, na sih ung phi ding gei sei htüm tha nak na gah khai nei.


Ishmaela cu a khawkum phia la thum kip lei chih ung sik ci.


Cun ah khin ung Joseph la a phäi gui ni, ami hta gui ni cu si pyi ci gui.


Cun kawn ah ghangpughang akthai Joseph ah a mawng kä hmat cicu huham mah lawk ci.


Joshua a ghin yah a chuih ung Israel chang gui naw Khanpughi ah bii bik ci gui. Ani asih kawn ah phi ngami naw k’täi ne bik ci gui. Bawipa naw Israel gui ah khan ah a bi päng ami mät naw hmu tuk ciah ami ng’vai gui ami ghin ah chuih acun ah bik ci gui.


Bungpuk ah ka düm nak vai ah hmun ka ng’ya hlük ci, cu ah kei cu ka chang gui ungka ka hteit hning khai. Ngami ami van cu kä bekhüt ci gui, ng’gang ne shuk ci gui.


Ngami ami van naw ami teihpüi gui lam h ma sak u ne, a u naw a hman kä pyen ci; Ngami naw ami m’lei cu hleei nak m’thei u ne, ami katnak cu kä nawng hlawt ci gui. Ngami naw ngawn pha nak tumat kawn ah tumat bi u ne, hleei hlak nak tumat cu ahei tumat naw läk law ba ci. Bawipa naw pyen ci, ani ah a chang gui naw ani cu hnungtuk ci gui.


Ak hnu ah cun ah hnumi phi sik ci.


Swiv nou:

Piblisite


Piblisite