SUKI GUI 19:6 - Cho Bible Common Language 2016

⁶ Cun ah kyasei chang hnih cu ngo ni ne, a täng ah ei awk ci goi. Cun kawn ah hnumi hta ah pa naw, “Mü ä tip ba ne lün lawi ba cang ä” cik ci.

SUKI GUI 19:6 Referans Kwoze

SUKI GUI 19:9

Cun ah chang la ak chuba ni, ak changshäm ni cu hteit ba khai gui ah pawng ba ci gui, ami pa naw pyen ba mä ne, “Teng ä, khaw mü hun law pyi ci nei; mü ät om b cang ä. Khaw hmüp law ge ci nei, shin ung om ba ne, akhin ah ip tu ba cang ä. Ngami ung khaw ngawi hta ng’dawt ah let law ne, na hteh ba ung bä khai nei” cik ci.

RUT 3:7

Boaz cu ei aw yawp neta, aknep ah ip ci. Ani cu htang pum ah pei ah hteit ne ng’yän ne ip ci. Ruth cu adüm ah ang ghit ah hteit ne a yih khuih m’hü neta a khaw pei ah ng’yän ci.

ESTA 1:10

Mang ei pawi ah a hnüüp chih hnüüp ung ghangpughang cu ei aw ne yeikyai ci. Cun ah kyasei ani naw amät ah changshäm sing chih; Mehuman, Biztha, Harbona, Biktha, Abagtha, Zethar, la Karkas gui cu khü gui ci.

THU PHLAAN 11:13

Acun vai-am shihpi thüng ne ng’hmum law sei, mang gaw ah bumghaa ung bum ät cu di yawp ci, chang phia chih-kip phi si yawp ci gui. K’pawih ba ciah chang gui cu cäicat u ne, khanmawpi ah Khanpughi ah hlüngtai nak cu m’kümtou ci gui.

THU PHLAAN 11:10

Cun ah purofet goi ani sih ah hmawk ah khomdek chang gui cu, yeikyai u ne, khawhchaam ng’khih ng’bah tu u ne, näng nak bik khai gui nei. A i ah kyasei ci ung cun ah purofet goi naw, chang ah hta gui cu ang htei ah ani geinvai sak ah hmawk ah kyak ci.

1 THESSALONIAN 5:3

“Chang gui naw a päng avan cu ding gei ne, om phyak ci nei,” ci ne pyein khai gui. Cun yah ung käü-mah ciah hnumi cu ang ghit ah anau poi am neh law ah mäih ah geinvai nak cu ang hgit ah gawk lawk khai nei. Cun cu chang gui naw kä phiawn ah hlawt khai gui.

LUKA 12:19

Cun kawn ah khawkum akda ei mang vai, khei ungka m’küm hmawng sei, yeikyai ne ei aw ne na om vai cine ka mät naw ka mät ka pyein khai” cik ci.

SAM 104:15

Chang cu a pyan ah sing theih tui naw yei sak ne, situi naw hmai kyang sak ci, m’htut naw thagui pek ci.

1 SAMUEL 25:36

Abigail cu Nabala ah hteit ba ci, cun yah ung ani cu ghangpughang ah pawi ah mäih ah a im ah bik ci. Ani cu awktat ne, yei ne om ci, cun ah kyasei a chu naw a ngawi ung khaw ngawi güt a i kä m’thein ci.

SUKI GUI 9:27

Ngami ami van ami sapyit lo ah hteit ci gui, sapyit theih bit u ne, sapyit tui pyang ci gui, cun kawn ah pawi bik ci gui. Ngami cu ami Khanpughi ah pum im ah hteit u ne, a cu ah ei aw u neta, Abimelek ah mawng pyen ne gaih ci gui.

SUKI GUI 19:7

Levit cu hteit ba khai ah ng’düi law ba ci, cun ung phi hnumi ah pa naw chou ba ci, cun ah kyasei mü ä tip tu ba ci.

2 SAMUEL 13:28

Achangshäm gui cu m’cäi gui ne, “Nami geing nak vai, Ammon naw akdäm a awk law ung, ka ning khü gui khai, nami ngawn vai, kä nami kyih vai. Kei naw ka mät ah bi vai cu ka bik khai. Nami nget vai, kä nami kut ng’gin vai!” cine m’cäi gui ci.

1 GHANGPUGHANG GUI 21:7

Jezebela naw, “Nang cu ghangpughang ah kä na kya ne ang? Ih phak ungka tho law ne, yeikyai ne, ei ei ä, Naboth ah sapyitduum cu kei naw ka gah khai nei!” cik ci.