SUKI GUI 19:23 - Cho Bible Common Language 2016

²³ Cun ung phi a ghipa nu cu lut law neta a pyen nak gui cu, “Ka nei, ka teihpüi gui aw! Nami bä ne! Shin ah mäih ah akshe, ng’zawpawn nak cu kä bi vä! Shin ah chang cu ka k’khin nei.

SUKI GUI 19:23 Referans Kwoze

2 SAMUEL 13:12

Ani naw, “Ka nei, shin ah mäih akshe bi vai ah kä na güt ä! Shin cu kyih vai kyak ci!

SUKI GUI 20:6

Ani ah pum cu la ban eta, at ne bou ne, Israel pakhui gha lei goi ung khui ät ung m’ta ät ci ka ning m’khäh gui nei. Shin ah chang gui naw mi ng’lung ah akshe bi ne cheishoh u ne, pletdeng ci gui nei.

ATÜNNAK 34:7

Cun yah ung Jakob ah hta gui phi bung ah kaa law ba ci gui. Shekhem naw ami bee pyei ne, Israel pakhui a yawshe nak gui cu hmat law u neta ang htei ah thüi ne m’lungshe ci gui.

JOSHUA 7:15

Kei naw ka tawk ah chang tumat cu phyuntam ah khaw awn a täng ah hmuh ah a kyak ung, ani cu a kyong chang gui la a khawh avan awn a täng ah mei awn m’khih vai. Cun cu anu naw Israel gui ah khan ah kyih vai ah lüng’a nak a law püi ah phäh la kei ah thukhän am shet ah phäh ah kyak ci.

THULÄÄN NAK 22:21

Ngami naw cun ah hnumi cu apa ah im valuh nak ung law püi u neta, acun ah mang gaw chang gui naw ani cu lung awn vawi ne ngawn khai gui. Ani cu apa ah im ung a om yah ung kä a cei mah pha ung ng’yawpawm tu ne, mi chang gui ah ng’lung ah lü ng’a nak bik ciah kyak ci. A cuk cha ah nangmi naw akshe cu nami nawt heng vai.

ATÜNNAK 19:8

Teng vä, kei ung ka hta hnumi hta hnih om ci, cun goi cu ka ning ap gui khai, ngani awn nami m’hni ah ng’yawpawm vä. Cun ung phi shin ah chang goi läi a i ah kä ci en goi vä, ngani cu ka im khin ah kyak ci goi, kei naw ka shungvong goi khai” cik ci.