Biblia Todo Logo
Bib sou entènèt

- Piblisite -




SUKI GUI 19:22 - Cho Bible Common Language 2016

22 Ngami cu ami lüilawi tu yah ung cun ah gawnu ung htukhtik ciah chang gui cu, im veing u ne, shoh kauh ci gui. Ngami naw a ghipa nu am, “Na khah law püi ah chang cä, na pek gui ä! Ani awn kami ng’yaw hlük ci nei!” cik ci gui.

Gade chapit la Kopi




SUKI GUI 19:22
19 Referans Kwoze  

Khanpughi ah uknak kho cu chang shekha naw kä khäm khai cicu akcang ah nami hmat ci nei. Ang lat ah kä nami ngaih en vai nei; Pletbeng ci gui, a gup khawihnah ci gui, chang ah chu hta kat püi ci gui, pami goi ng’yawpawm ci gui;


Kibeah chang gui law ne na tu u ne, mü ah im cu koi ci gui. Ngami naw na ngawn khai gui ah k’tha nak ci gui, cun nak vai sü ung ka chuba cu k’pyei ne tah u sei, ani cu sik ci.


Nami pakhui ungka kä chang chu ciah chang amshah naw ami gawnu ung om ciah chang gui cu, kä nami khawihnah man ah khanpughi gui, khawihnah tuk khai ah lam she m’shüm khai gui.


Sodom la Komorrah la ani pei ung ah gawnu gui cu ngaih-tüh ba shüm vä, cun ah gawnu gui ung om ciah chang gui cu, acun ah khan chang gui ah mäih ah ng’yawng’pawm hüithaw düt ne mupyei ci gui. Chang avan a khäntam nak ah ngami cu angtäi ah däi ciah mei awn m’shetkat nak gah ci gui.


Bawi Khrih la khoshe cu kä kawng ät hlawt khai goi. Zum ciah chang cu kä yum ciah chang awn kä om ghawm hlawt khai goi.


Na bä ni, Nabala ah khan ah a i kä she bi en ä, ani cu kä chang man nei! Ani cu aming ah mäih ah akgu ang ah kyak ci nei! Saza aw, na chang gui ami law yah ung kä ka om ci.


Eli ah hta gui cu chang sawkshe gui ah kyak ci. Ngami naw Bawipa cu a i ah kä sui ci gui,


Bawipa naw pyen ci, “Israel chang gui naw kei na hnungtuk püi u ne, ami kat nak cu kibeah ung tün ne ami kat nak cu kä ng’düm ci. Cun ah kyasei ngami cu ami ng’tuk nak naw pha law gui khai.


Ngami cu kibeah ung ami om ah mäih ah ami bi nak phung ung ngaih u vai kä om khai ah shekat ci gui nei. Khanpughi naw ngami ah kat nak cu shüm gui ne, a cun ah phäh ah m’kyuk gui ci. Israel gui ah kat nak la A cun ah aphu gui.


Cun ung phi chang pyawipye gui naw, “Shin ah mi mät ah mäih chang naw a i hawi ah akni na bi pe gui hning khai aw?” cik ci gui. Ngami naw Saul cu päipih u ne, m’cümhnah nak a i phi kä law püi ci gui.


Hnumi i baw düt ah kä na ngai en ä. Kei shin ah mäih ah ka taigü ci, a i ah kyasei ci ung, kei ka thüi aih ci.


Cun kawn ah chang omshe hnih khü goi neta, ngani naw a hmai ung tawk ne, shin ah chang cu khanpughi la ghangpughang yeeihkah nak ci nei, ci ni sä. Cun kawn ah ani cu mang gaw k’pung ah hteh püi ne, lung awn vawi ne ngawn vä” cik ci.


“Nang ah na pai ang vaipi cu Samaria ah kyak ci, a siiptäng ah a gaw hta gui awn om ci. Nang ah na be ak hmaw ba cu, Sodom ah kyak ci, a htumtäng ah a gawhta gui awn om ci.


Ani ah pum cu la ban eta, at ne bou ne, Israel pakhui gha lei goi ung khui ät ung m’ta ät ci ka ning m’khäh gui nei. Shin ah chang gui naw mi ng’lung ah akshe bi ne cheishoh u ne, pletdeng ci gui nei.


Swiv nou:

Piblisite


Piblisite