SUKI GUI 18:7 - Cho Bible Common Language 2016

⁷ Cun kawn ah chang hma cu k’täi ne hteit u ne, Laish gawnu ah gawk ci gui. Ngami naw chang gui cu Sidonian gui ah mäih ah phiawng gai ne om u sei, hmuk ci gui. Ngami cu dimdeeih ne, dinggei ciah chang ah kyak ci gui, a u awn a i phi kä ng’cuh ng’vah ci gui; ngami ung ami ng’yak hlü avan om ci. Ngami cu Sidonian gui awn ng’shawng ne om ci gui, a u awn phi a täng ah kä om ci gui.

SUKI GUI 18:7 Referans Kwoze

JOSHUA 19:47

Dan chang gui cu ami khaw shum khäta, ngami naw Laish cu hteit ne tuk ci gui. Ngami naw cun cu khäm ci gui. Cun ung chang gui ngawn u ne, acun cu kaa nak ci gui. Ngami cu acun ung ng’lei leh ne om u ne, mang gaw ah ang ming cu Laish ungka naw Dan ah sui ci gui. Cun kawn ah ami pupa gui naw Dan ah sui lawk ci gui.

THU PHLAAN 18:7

Ani cu amät bämang ne ang päi ng’ye awn khin khai ah, yaica nak la geinvai nak ung gawk sak vä. A i ah kyasei ci ung, ani naw, “Kei cu mangnu ah ka kyak ci, hmeinu ah kä ka kyak ci, Kei ung a i yah ung phi thüisei nak kä om khai” ci ne a kyak ah hmawk ah kyak ci.

1 PETER 2:14

Bawi gui cu akshe bik ci gui m’kat gui khai la akni bik ci gui m’kümto gui khai ah, ghangpughang naw am düih gui cicu nami yum vai nei.

ROMAN 13:3

Akni ah kä om ci naw a kyih vai kyak ci akni ah om ci naw akyih vai kä kyak ci. Huham om ciah bawi cu kä na kyih hlü ung akni ah na om vai nei, cun ung ani naw ning m’hlüngtai khai nei.

1 SAMUEL 3:13

Kei naw ani am ka m’thein pyi ci, kei naw ani ah kyongkhui cu angtäi sei ka m’kyuk lawk khai. A i ah kyasei ci ung ani ah hta gui cu akshe ah ng’thu ne, kei na hnu ng’tuk püi ci gui. Eli naw cun ah ami bi cu hmat ci, cun ung phi kä m’cing gui hlawt ci.

SUKI GUI 18:6

Taigü naw, “Nangmi kä nami ng’ä vai. Shin ah nami hteh nak ah lam ung Bawipa naw ning tengkhen gui ci nei” cik ci.

SUKI GUI 18:8

Cun ah chang hma cu Zorah la Esthaol ah law ba u khäta, ami khaw chang gui naw, a i ami teng ah ng’shi gui ci gui.

SUKI GUI 18:29

Aming phi m’thawng u ne, Laish ungka naw Dan ah sui ci gui. Cun cu Jakob ah hta, ami pupa Dan ah ming ah kyak ci.

1 GHANGPUGHANG GUI 16:31

Ani cu ghangpughang Jeroboam ah mäih ah katnak abi awn kä ng’büh ne; ang ghit ah hteit ne, Sidon ghangpughang Ethbaala ah hta Jezebela cu chu na ne Baala khawihnah ci.

1 SHONTÄP NAK 4:40

Ngami naw ding gei ciah kho ng’än ung anglei nik ciah khulim khaw cu akda hmuk ci gui. A cun ung a cau om man ci gui cu Hammmit gui ah kyak ci.

JEREMIAH 49:31

“Law vä! phiawn nak ngaih gep nak om ci, cik ciah chang gui tu gui vä! Ngami ah mang gaw gui cu m’kawt gui, khai nak gui akni kä om ci, kä khäng htek ciah kyak ci nei.”