SUKI GUI 18:6 - Cho Bible Common Language 2016

⁶ Taigü naw, “Nangmi kä nami ng’ä vai. Shin ah nami hteh nak ah lam ung Bawipa naw ning tengkhen gui ci nei” cik ci.

SUKI GUI 18:6 Referans Kwoze

1 GHANGPUGHANG GUI 22:6

Ahab naw prophet phia phli cu khü gui ne, ng’shi gui ci, “Kei naw Ramoth cu hteit ne ka tuk vai aw, kä ka tuk vai aw?” Ngami naw, “Na tuk vai nei, Bawipa naw näng nak ning pek khai nei.”

1 THESSALONIAN 3:11

Mipa Khanpughi la Bawipa Jesuh Khrit naw, nangmi ah om nak ah kami law nak vai ah lam cu na pyan pe gui sä.

JEREMIAH 23:32

Kei Bawipa naw ka pyen cu ngai vä! Hleei phaang ah kyak ciah ami mang chang am m’thein ci gui ah prophet gui cu kei naw ka hnungtuk gui ci nei. Ngami naw shin ah mang gui cu pyen u ne, ami hleei nak la khäghah nak awn ka chang gui cu lam hma sak ci gui nei. Kei naw kä ka tüi gui ci, ami hteh vai ah kä ka k’bäi gui ci. Ngami cu chang ah phäh ah a i ah phi kä bä ci gui. Kei, Bawipa naw ka pyen nei.”

SAM 33:18

Ani ngai ci la ng’täi ciah am hni nak ung ng’ap cicu Bawipa naw ngäng ci.

1 GHANGPUGHANG GUI 22:15

Ani cu ghangpughang Ahab ah ma ah ng’dang law khäta, ghangpughang naw ng’shik ci, “Mikaiah aw, Ghangpughang Jehoshaphat la kei naw Ramoth cu kani tuk vai ang? Kä kani tuk vai ang? Makaiah naw, “Tu ni ä! Nani näng khai nei. Bawipa naw näng nak ning pe goi khai nei” cik ci.

1 GHANGPUGHANG GUI 22:12

Ahei prophet gui ami van naw acun ah mäih pyen ci gui. Ngami naw, “Ramoth cu na tuk vai nei, na näng khai nei. Bawipa naw näng nak ning pek khai nei” cik ci gui.

THULÄÄN NAK 11:12

Bawipa nami Khanpughi naw shin ah khaw cu m’htei ne, a kum pum a ngäng ah kyak ci.

SUKI GUI 18:5

Ngami naw ani am, “Keimi kami hteh nak ung m’khütnäng nak a om vai ah Khanpughi na ng’shi pe gui ä” cik ci gui.

SUKI GUI 18:7

Cun kawn ah chang hma cu k’täi ne hteit u ne, Laish gawnu ah gawk ci gui. Ngami naw chang gui cu Sidonian gui ah mäih ah phiawng gai ne om u sei, hmuk ci gui. Ngami cu dimdeeih ne, dinggei ciah chang ah kyak ci gui, a u awn a i phi kä ng’cuh ng’vah ci gui; ngami ung ami ng’yak hlü avan om ci. Ngami cu Sidonian gui awn ng’shawng ne om ci gui, a u awn phi a täng ah kä om ci gui.

1 SAMUEL 1:17

Eli naw, “Dimdeeih nak awn hteit ä, nang naw na k’thäh cu Israel Khanpughi naw ning pe sä,” cine m’shang ci.

PHYAWN NAK 4:18

Cun kawn ah Moses cu akawi Jethro ah hteit ba neta ani am, “Egypt khaw ah ka mätyah gui ah ka hteit ba hlük ci, ami ghin yah ung ka hmu ba hlü gui ci nei” cik ci. Jethro naw yum ne hteh ba sak ci.