SUKI GUI 18:30 - Cho Bible Common Language 2016

³⁰ Dan ung chang gui naw khawihnah vai ah a gup pyang ci gui, Moses ah tu, Kershom ah hta, Jonathan cu Dan pakhui ung taigü ah kya ne bik ci, ani ah hta ng’shon gui naw, ngami pha ne ami hteh püi gui güt ung taigü ah kia ne bi bik ci gui.

SUKI GUI 18:30 Referans Kwoze

SUKI GUI 17:5

Cun ah chang Mika hung a khawihnah nak ah hmun om hnga ci. Ani naw a gup gui la khingzih cu pyang ne, ahapa tumat cu taigü ah m’düih ci.

SUKI GUI 17:3

Ani naw cun ah gui ann am pe ba khäta, anu naw, “Ka tha ah khan ah kia lawk khai ah plah tam nak ang düm vai ah, kei ka mät naw shin ah ngui cu akni ah Bawipa am ka ap ci nei. Shin cu ngui awn kawt ne sing a gup pyan nak ung mang vai nei. Cun ah kyasei tuhbäi shin ah ngui cu nang am ka ning pe ba ci nei” cik ci.

SUKI GUI 13:1

Israel chang gui cu Bawipa hnung’tuk püi ne sheka ba mä ci gui, cun ah kyasei, ani naw philistine gui am khawkum phlikip uk sak gui ci.

PHYAWN NAK 2:22

Ani cu pami hta ah hta ci. Moses cu amät ng’htau ne, “Kei cu shin ah khaw ung akhohei chang ah ka kyak ci, cun ah kyasei Kershon ah ang ming ka sui khai” cik ci.

THULÄÄN NAK 31:29

Kei naw ka hmat ci, kei ka sih kawn ah chang gui naw, kei ah m’theithang gui cu shetkat shi u ne, hnu nak khai gui. Cun kawn ah lawk ciah akhin gui ung, ngami cu leigai awn ng’hmuk khai gui, a i ah kyasei ci ung ani cu m’lungshe sak khai gui.”

THULÄÄN NAK 31:16

Bawipa naw Moses am, “Tuhbäi nang na sik khai, nang na sih kawn ah chang gui cu kei ung kä bekhüt law ba khai gui, ngami awn ka bi ah thumkhän cu ngami naw m’shet khai gui. Ngami naw kei cu na nawng u ne, ngami naw ami luh nak vai ah khan ung khawgai khanpughi gui cu khawihnah khai gui.

THULÄÄN NAK 27:15

“Khanpughi ah plah taam nak cu lung, sing, käcung m’sii awn a gup pyang ne, adüm ah khawihnah ciah chang päng ah khan ah gawk sä. Bawipa naw a gup khawihnah ci cu thüi nak ci nei. “Chang avan naw ami m’shan vai cu ‘Amen.’

TAIGÜTHUM 26:1

Agup, amüi, lungtung, lungpawng gui cu, khawihnah vai ah kä nami pyan vai, kei cu Bawipa nami na Khanpughi nei.

PHYAWN NAK 20:4

“Khankho, khomdek la m’dek ah kaa tui ung om ciah a i ah müi ah mäih ah phi, nami phäh ah a gup kä nami pyan vai.

PHYAWN NAK 18:3

achu Zipporah la ami hta goi, Kershon la Eliezer cu law püi goi ci. (Moses naw, “Kei cu a khohei ah ka khin ah ka kyak ci, ci neta a hta tumat cu Kershon ah sui ci.

2 GHANGPUGHANG GUI 15:29

Pekah ghangpughang ah a kyak yah ung Tiklath Pileser, Assirian uktu naw, Ijon, Abel Beth Maakah, Janoah, Kadesh la Hazor la Kilead, Kalile, la Naphtali khopäng gui cu khäm ne, chang gui phi Assiria ah hteh pui gui ne thawng kyum ah tha gui ci.

2 GHANGPUGHANG GUI 17:18

Bawipa cu Israel gui ah khan ah m’lungshe neta ama ungka naw maih sak gui ci, Judah uknak kho bäng k’pawih nak ci.

2 GHANGPUGHANG GUI 17:20

Bawipa naw Israel gui ami van hnungtuk püi gui ci, m’kyuk gui ne, m’ghämce ciah ga ah kut ung ap gui ne, ami van ama ung maih sak gui ci.

2 GHANGPUGHANG GUI 17:22

Ngami naw Jeroboam cu läk u ne, ani naw abi ah hmakat nak avan cu bi lä ci gui,

2 GHANGPUGHANG GUI 17:23

cun cu ak hnu ah Bawipa naw ama ungka naw ak täm gui güt acun ah bik khai ah a changshäm gui la a prophet gui ung ani naw thukbäi a pek gui pyi ah kyak ci. Cun ah kyasei Israel chang gui cu omktu ah kyak khai gui ah Assiria ah ami hteh püi gui ah kyak ci, acu ah tu ä güt om tuk ci gui.