SUKI GUI 18:29 - Cho Bible Common Language 2016

²⁹ Aming phi m’thawng u ne, Laish ungka naw Dan ah sui ci gui. Cun cu Jakob ah hta, ami pupa Dan ah ming ah kyak ci.

SUKI GUI 18:29 Referans Kwoze

1 GHANGPUGHANG GUI 15:20

Ghangpughang Benhadad naw Asa ah ng’ge püi cu yum neta a gabawi gui la gakap gui cu Israel mang gaw gui tuk khai gui ah tüi gui ci. Ngami naw Ijon, Dan, Abel Beth Maakah, Kalile tuinu pei ung la Naphtali khawpäng avan cu khäm ci gui.

JOSHUA 19:47

Dan chang gui cu ami khaw shum khäta, ngami naw Laish cu hteit ne tuk ci gui. Ngami naw cun cu khäm ci gui. Cun ung chang gui ngawn u ne, acun cu kaa nak ci gui. Ngami cu acun ung ng’lei leh ne om u ne, mang gaw ah ang ming cu Laish ungka naw Dan ah sui ci gui. Cun kawn ah ami pupa gui naw Dan ah sui lawk ci gui.

ATÜNNAK 14:14

Atu ami pha ah mawng cu Abram naw ng’ya neta, ng’tuk bik khai ah am theithang gui avan 318 cu khü gui ne, ghangpughang phli cu Dan gawnu ah khüt sei k’täm gui ci.

SUKI GUI 20:1

Israel chang gui avan, a siiptäng Dan ungka naw a htumtäng Beersheba ung khüt ci, a kyangtäng Kilead khaw ungka naw avan cu ng’khü tuk ci gui. Ngami cu Mizpah ung Bawipa ah ma ah tumat ah ng’tum ci gui.

2 SAMUEL 17:11

Kei naw ka ning m’shümthein cu, nang naw Israel chang avan cu, vang khaw cawi ungka naw vang khaw cawi ung khüt khai ah m’cut gui ä, ngami cu tuikem ah lai gin chü ah da ci gui nei, cun kawn ah ng’tuk nak ung na mät naw ma tawn ä.

ATÜNNAK 32:28

Cun ah chang naw, “Nang cu Khanpughi awn ng’pyei ni ne, chang awn phi ng’pyei ni ne, na näng ci kyasei, na ming cu Jakob ah kä kya ba khai, Israel ah kyak khai nei” cine pyen nak ci.

ATÜNNAK 30:6

Rachelah naw, “Khanpughi naw kei lam ah om ne m’khoichak ci nei, ka taigü ngai ne htapa na pek ci” ci neta a ming cu Dan ah sui ci.

SUKI GUI 18:7

Cun kawn ah chang hma cu k’täi ne hteit u ne, Laish gawnu ah gawk ci gui. Ngami naw chang gui cu Sidonian gui ah mäih ah phiawng gai ne om u sei, hmuk ci gui. Ngami cu dimdeeih ne, dinggei ciah chang ah kyak ci gui, a u awn a i phi kä ng’cuh ng’vah ci gui; ngami ung ami ng’yak hlü avan om ci. Ngami cu Sidonian gui awn ng’shawng ne om ci gui, a u awn phi a täng ah kä om ci gui.

JEREMIAH 8:16

Mi ga gui cu Dan mang gaw ung gawk law pyi cu gui; mikmi ngaw ami se gui ah ami gin cu mi ng’yak ci. Ami ng’se gui a viik law ung khi avan cu ng’thüng ci. Mi ga gui aw law u ne, mi khaw la cun ung om ciah ang nü, mi mang gaw gui la chang gui avan cu m’du cu gui.”

THULÄÄN NAK 34:1

Moses cu Moab khawdo ungka naw Nebo m’htung ah hteit ci. Cun ungka naw Jerikho ah hni kyak lam Piskah m’htunglai ung hteit ci. A cu ah Bawipa naw khaw avan m’hnuh ci. Cun cu Kilead khopäng, a siiptäng Dan gawnu ung khüt ci.