SUKI GUI 18:24 - Cho Bible Common Language 2016

²⁴ Mikah naw, “A i nami pyen hlü ang? a i ah ang a kyak? Nangmi naw ka taigü la ka pyan ah khanpughi gui la ne nami hteit ci nei! Kei ung a i ang ak pawih ba” cik ci.

SUKI GUI 18:24 Referans Kwoze

SAM 115:8

Acun gui pyang ne khawihnah ciah chang van cu, ami pyan ah a gup ah mäih ah kyak ci gui nei.

THU PHLAAN 17:2

Khomdek ah khan ah ghangpughang gui cu, ani awn ng’yaw ng’pawm lä ci gui nei. Chang ah hta gui avan cun phi ani awn ng’yaw ng’pawm nak ah kyak ciah yu cu awktat ci gui nei,” cine pyein ci.

LAMKTU 19:26

Tukbäi nami hmuhmat ah mäih ah Paul naw, chang ah pyan ah a gup gui cu Khanpughi ah kä kya ci nei, cine Ephesus bäng ung ah kä kya ciah Asia kho avan ung changgui m’hleeihlak ne lam hma sak gui ci nei.

EZEKIEL 23:5

Oho lah cu ka Chu ah kya pang, ne phi pawn zau Chang ah kya lä ci. Assiria ah ka am hni gui ah phäh ah akbe ah gäng tha ci.

JEREMIAH 51:17

Ashin abi ah kiasei, chang gui cu gu ang ne, a i kä hmuhmat cigui; A gup pyang ci gui cu ami m’lung kä ni aih ci, a i ah kyasei ci ung ami pyan ah khanpughi gui cu akcang ah kä kya ne, kä ghing ciah akiak ah phäh kyak ci.

JEREMIAH 50:38

Cun ah khaw ung khaw käu sak ne, atuinu gui cu kawi sak vä. Babilonia cu kyihkyawk vai ah agup gui ah om nak ah khaw ah kyak ci, acun naw chang gui gu sak gui ci.

SUKI GUI 17:13

Mikah naw, “Tuhbäi kei ung Levit chang ka k’taigü om ci, Bawipa naw a päng avan ung m’khütnäng nak na pek khai ciah ka hmat ci” cik ci.

ATÜNNAK 31:30

Nang cu na im ah hteit ba hlü aih neta na hteh ba cu ka hmat ci. Cun ung phi a i ah kyasei ka khanpughi cu m’gu ne na hteh püi ang?” cine ng’shik ci.

SUKI GUI 17:5

Cun ah chang Mika hung a khawihnah nak ah hmun om hnga ci. Ani naw a gup gui la khingzih cu pyang ne, ahapa tumat cu taigü ah m’düih ci.

SUKI GUI 18:23

m’lau gui ci gui. Dan chang gui cu ng’hlat law u neta, Mikah cu ng’shik ci gui “A i ah ang a kiak” A i ah kyasei shin ah chang akhli ang?”

SUKI GUI 18:25

Dan ung ka chang gui naw, “Shin ah chang gui m’lungshe u neta, ami ning tuk law gui vai, kä nami m’hni ah a kyak ung thu a i phi kä pyen ne nami om ung bä tu ba khai nei. Nang la na kyong chang gui nami sik khai nei” cik ci gui.

ATÜNNAK 31:34

Rachelah naw khanpughi gui cu la ne, kalauk ung taih ah ng’ip ung thun neta ngoh nak ci. Laban naw kyong khui avan ung shui ne phi a gup gui cu kä hmuk ci.

2 SHONTÄP NAK 25:15

Acun naw Bawipa cu m’lungshe sak sei ani naw Amaziah ah prophet tumat cu tüi ci. Prophet naw pyen nak ci, “Nang ah huham ungka a mät ah chang gui phi kä hun hlawt ciah a khaw hei khanpughi gui cu a i ah kyasei na khawihnah ang?”