SUKI GUI 18:17 - Cho Bible Common Language 2016

¹⁷ Taigü gui cu gakap phia chuk awn a täng ah m’kawt pei ung ami ng’düih yah ung Sübük chang hma cu im kyong ah k’täih ne law u ne, sing at ne ngui awn vook ne pyan ah a gup la a hei a gup gui, la khingyih cu lak ci gui.

SUKI GUI 18:17 Referans Kwoze

SUKI GUI 18:14

Laish ah khaw vein gung khaw shui vai ah hteih ciah chang hma naw ami paw gui am, “Shiah im tumat mat ung, sing awn pyang ne, ngui awn vook ah a gup nami hmat ne ang? Cun kawn ah a hei a gup la khingzin phi om khai. Keimi naw a i kami bi ung bä khai ah nami ngai ne ang?” cik ci gui.

SUKI GUI 18:2

Cun ah kyasei Dan chang gui naw ami pakhui kyong chang gui ung bä ciah chang hma ghü u neta, Zorah la Esthaol gawnu gui ung ka khaw shui khai gui ah m’cäi ne tüi ci gui. Ngami cu Ephraim khaw-gui ung law u neta, Mikah ah im ung om tuk ci gui.

MIKHAH 5:13

Agup gui la lungsüm theing gui avan ka m’di khai, nami mät ah pyan nami khawihnah vai a i kä om ba khai.

ISAIAH 46:7

Ngami naw ami phleing ung taih ne kawt ne hteh püi ci gui. Ngami naw hmun tumat ung tha ci gui. Ngami naw hmun tumat ung tha ci gui, a cun ung ani cu ng’düi ci, ani cu ang düih nak ung ka, kä ng’nawn hning ci. Chang tumat mat hteit ne ak taigü ung, ani naw kä m’shang hning ci, leigai ung phi kä hun hning ci.

1 SAMUEL 4:11

Khanpughi ah Thukhän M’küm cu gut gui ci gui, Eli ah hta goi Hophni la Phinehas cu ani nik hnih ngawn goi ci gui.

SUKI GUI 6:31

Cun ung phi Joash naw cun ah k’thäh ciah chang avan am, “Nangmi Baala ah phäh ah nami ng’düi ne ma? Ani nami ghung ne ma? Acun ah phäh ah ng’düi ne ma? Acun na phäh ah ng’düi ci phung cu khawngawi kä ang phlän pha ung ngawn vai nei. Baala cu khanpughi ah a kyak ung amät gung sä. Ani ah sonkiang ah a kyak ung amät naw amät gung sä. Ani ah sonkiang cu chuk pyi ah kyak ci nei” cik ci.

PHYAWN NAK 32:20

Ani naw ngami ah pyan ah vantang gup cu la ne, m’shüi neta m’dek ung khui khai ah güt ne, tui awn k’caw ci. Cun kawn ah Israel chang gui am awk sak gui ci.

ATÜNNAK 31:19

Laban cu htawme ah mu k’teiu khai ah a hei ah a hteh yah ung Rachelah naw apa ah khanpughi a gup gui cu m’gu ne hteh püi ci.

ATÜNNAK 31:30

Nang cu na im ah hteit ba hlü aih neta na hteh ba cu ka hmat ci. Cun ung phi a i ah kyasei ka khanpughi cu m’gu ne na hteh püi ang?” cine ng’shik ci.

SUKI GUI 18:16

Cun sang ung Dan ung ka gakap phya chuk cu, ng’tuk ge vai pawng ne, m’kawt pei ung ng’düi ci gui.

SUKI GUI 18:18

Chang gui Mikah ah im kyong ah lut ne theingthap ci gui la u khäta, taigü naw, “A i ang nami bi?” cine ng’shi gui ci gui.

1 SAMUEL 19:13

Achu naw ami im ung agup cu, ih phat ung m’shän ne, me ah mu awn pyan ah khum nak cu lu täng ah tha neta, akhan ah yuk uk ci.

ISAIAH 41:29

Shinah khanpughi gui avan akholä nei; ngami naw a i phi kä bi hning ci gui nei. Shin ah a gup gui cu ami k’tha maih ne ami huham kä om ci nei.”

EZEKIEL 21:21

Babilonia ghangpughang cu lam ng’kya m’hnüt nak pei ah ng’düi ci. A i lam ung hteh vai ah a hmat vai ah m’la gui cu k’thüng ci, a ni ah a gup gui cu ng’shik ci; khawihnah nak ah seime ah am sin phi teng ci.

HOSEA 3:4

Acun ah mäih ah Israel chang gui phi ghangpughang gui ang vai gui kä om sei khawihnah la theingcim ciah lungtung gui kä om sei, agup gui amüi gui khawihnah vai kä om sei, akshou nu om khai gui.