SUKI GUI 18:10 - Cho Bible Common Language 2016

¹⁰ Nangmi cu ah nami gawk ah a kyak ung, chang gui cu a i phi kä ng’ä ai ne om u sei nami hmu gui khai nei. Cun cu khaw akdäm nei; Chang tumat ah ng’yak hlü phung vai cu, acun ung om ci nei, cun cu khanpughi naw ning pe gui ci nei.

SUKI GUI 18:10 Referans Kwoze

SUKI GUI 18:27

Dan ung chang gui naw täigüpa la Mikah ah pyan gui ami lak dawn ah ngami naw hteit ne Laish cu tuk ci gui, cun cu dimdeeih ding gei ciah chang ah om nak ah kyak ci, Bethrehob ah om nak khaw ng’nawi bä ung om ci. Ngami naw chang gui cu ngawn gui u ne, gawnu phi m’khih ci gui. Ngami hun gui khai a u kä om ci, a i ah kyasei ci ung Laish cu Gidon awn ang lak shou ci, chang a hei a u awn phi kä hmu teng ci gui. Dan ung chang gui naw gaw sa ba u ne, acun ung om ci gui.

SUKI GUI 18:7

Cun kawn ah chang hma cu k’täi ne hteit u ne, Laish gawnu ah gawk ci gui. Ngami naw chang gui cu Sidonian gui ah mäih ah phiawng gai ne om u sei, hmuk ci gui. Ngami cu dimdeeih ne, dinggei ciah chang ah kyak ci gui, a u awn a i phi kä ng’cuh ng’vah ci gui; ngami ung ami ng’yak hlü avan om ci. Ngami cu Sidonian gui awn ng’shawng ne om ci gui, a u awn phi a täng ah kä om ci gui.

1 TIMOTHI 6:17

Khomdek khan ah bühmang ci gui cu kä ami khähghah längtang aih vai ah nam cäi gui vai nei. Ngami cu kä khäng lä khai ah khawhcham kä ngaih u ne, mi gah taang vai ah, ang nüng nüng cu, ang khaai nak awn nam shumphyuk gui ciah Khanpughi cu ami ngaih u vai nei.

EZEKIEL 20:6

Acun ah khin ung kei naw Egypt ungka ka la ba gui khai ah shaitak ne, ngami ah phäh ah ka ghü ah khaw ung ka hteh püi ba gui khai ah ka pyen ci, cun cu ng’büh mang ne ang lei nik ci, khaw avan ung aknipi ah kyak ci.

JOSHUA 6:16

A chih vei nak ami vein law ung taigü gui naw phyungheng tum u sei, Joshua naw a chang gui ami m’lau vai ah thukbäi ne a pyen cu, “Bawipa naw mang gaw ning pe gui ci nei!

THULÄÄN NAK 4:1

Moses naw chang gui pyen na gui ci, “Kei naw ka ning m’thien gui ah thukhän avan nami läk vai. Cun ung nangmi ghing u ne, Bawipa nami pupa gui naw a ning pek gui ah khaw cu nami khäm khai.

THULÄÄN NAK 2:29

Jordan tuinu kat ne Bawipa kami Khanpughi ah na pek gui ah khaw ung kami gawk güt kami hteit khai nei. Edom ung om ci gui ah Esau ah htangshon gui Ara ung om ci gui ah Moabit gui naw ami khopäng na kaan tu sak gui ci gui.”

PHYAWN NAK 3:8

Egypt gui ah kut ungka ka gun gui khai ah kei ka lawk ci, ngami cu Egypt khaw ah kaa bämang nak khaw, bühmang ne ng’lei nik ciah khaw, ami ng’shon nak, tuhbäi chü Kanaanit gui, Hittit gui, Amorit gui, Perizzit gui, Hivit gui la Jebusit gui ah om nak ah ka hteh püi ba gui khai.

SUKI GUI 18:9

Ngami naw, “Law vä, Laish mi tuk khai nei. Cun ah khaw cu kami hmuk ci, ang htei ah nik ci nei. A i kä bi ne shin ung kä om vä; yang law vä! hteit ne mi lak khai nei!

SUKI GUI 18:11

Cun ah kyasei Dan pakhui ung ka, chang phya chuk cu Zorah la Esthaol ung ka hteit ne, ng’tuk ge vai ah pawng ci gui.

JOSHUA 2:23

Cun kawn ah ng’däät ciah chang goi cu m’htung ah kaa kyum law ba ni ne, tuinu hei kat ba ne Joshua ah om nak ah hteit ba ci goi. Ngani naw cun ah a mawng avan cu m’thein ni neta,

JOSHUA 2:24

ani pyen cu, “Akcang kani pyen ci, Bawipa naw shin ah khaw avan cu na pe gui pyi ci nei. Acu ah om ciah chang avan naw na kyih gui ci gui nei” cik ci goi.