SUKI GUI 17:5 - Cho Bible Common Language 2016

⁵ Cun ah chang Mika hung a khawihnah nak ah hmun om hnga ci. Ani naw a gup gui la khingzih cu pyang ne, ahapa tumat cu taigü ah m’düih ci.

SUKI GUI 17:5 Referans Kwoze

SUKI GUI 18:14

Laish ah khaw vein gung khaw shui vai ah hteih ciah chang hma naw ami paw gui am, “Shiah im tumat mat ung, sing awn pyang ne, ngui awn vook ah a gup nami hmat ne ang? Cun kawn ah a hei a gup la khingzin phi om khai. Keimi naw a i kami bi ung bä khai ah nami ngai ne ang?” cik ci gui.

SUKI GUI 8:27

Kideon naw ghui awn a gup pyang neta, amät ah ng’tüi nak ah gawnu, Ophrah ung tha ci. Israel gui ami van naw Khanpughi cu nawng u ne, acun ah a gup cu khawihnah vai ah hteit ci gui. Cun cu Kideon la akyong chang ah phäh ah cuun ah kyak ci.

ATÜNNAK 31:19

Laban cu htawme ah mu k’teiu khai ah a hei ah a hteh yah ung Rachelah naw apa ah khanpughi a gup gui cu m’gu ne hteh püi ci.

SUKI GUI 18:24

Mikah naw, “A i nami pyen hlü ang? a i ah ang a kyak? Nangmi naw ka taigü la ka pyan ah khanpughi gui la ne nami hteit ci nei! Kei ung a i ang ak pawih ba” cik ci.

ATÜNNAK 31:30

Nang cu na im ah hteit ba hlü aih neta na hteh ba cu ka hmat ci. Cun ung phi a i ah kyasei ka khanpughi cu m’gu ne na hteh püi ang?” cine ng’shik ci.

HOSEA 3:4

Acun ah mäih ah Israel chang gui phi ghangpughang gui ang vai gui kä om sei khawihnah la theingcim ciah lungtung gui kä om sei, agup gui amüi gui khawihnah vai kä om sei, akshou nu om khai gui.

PHYAWN NAK 29:9

Ami khei ung m’ciusam awn khih sak gui ne, lukhu phi ng’bün sak gui vai. Cun cu nang naw Aaron la a hta gui na phyutheh gui ah kyak ci. Ngami la ngami ah hta ng’shon gui naw taigü ah kya ne ngawi yä ka bii bik khai gui.

PHYAWN NAK 28:15

“Khanpughi ah ang yak hlü hmu ne, a mang thei vai ah taigütung ah ng’kyangsaphaw cu pyan pek vai. Cun cu shawiphaw pyan nak ah pyai gui awn pyang ne a cun ah mäih ah cüiche vai.

HEBRU 5:4

A u naw phi amät naw amät cu taigütung ah käm düih hning ci. Khanpughi naw Aaron khü ne am düih ah mäih ah, Khanpughi naw khü ne am düih cun vah Taigü tung ah kya hning ci.

HOSEA 8:14

“Israel chang gui naw mang im gui co ci gui, cun ung phi ami mät tüi pyang gui cicu m’hnih ci gui. Judah chang gui naw vongpaang mang im co ci gui. Cun ung phi kei naw mei ka chah lawk khai, cun naw ami mang im gui la mang gaw gui cu ui yawp khai.”

EZRA 1:7

Nebukhadnezzar ghangpughang naw Jerusalem Taigüim ungka la ne amät ah khanpughi ah Taigüim ung a tha ah khawh gui la khap gui cu Sairus naw pe ba gui ci.

1 GHANGPUGHANG GUI 12:31

Jeroboam naw phi khomhtung-lai gui ung khawihnah nak ah hmun gui co ne, Levi pakhui ungka ah kä kyak ciah kyongkhui gui ungka taigü gui cu ghü gui ci.

1 SAMUEL 23:6

Ahimelek ah hta Abiatha cu phyawng ne, keilah ah David cu ang dawn tu yah ung, ani naw shawi cu hteh püi ci.

PHYAWN NAK 28:4

Ng’e saphaw, shawiphaw, suinu, cüiche ah k’htu, lupawng la sam gui cu ami pyan vai ah na pyen vai nei. Ngami naw taigü khingyih gui cu na phäi Aaron la a hta gui ah phäh ah ami pyan vai nei. Cun ung ngami naw taigü ah kya u ne, kei ah bii cu bik khai gui nei.

PHYAWN NAK 24:5

Cun kawn ah chang nong gui tüi gui sei, ngami naw Bawipa cu m’khih ne khawihnah u ne, sei me gui awn khawihnah ne, hmuhchum douthak gui nak bik ci gui.

KHEI NAK 3:10

Taigübawi ah bii kawt khai gui ah Aaron la a hta gui cu nang naw na m’düih gui vai. A hei chang naw shin ah bii abi tu phung ung ngawn vai.”

SUKI GUI 17:4

Cun kawn ah ani naw cun gui cu anu am pe ba ci. Anu naw ngui pit goi la neta m’si-shep am pek sei, ani naw sing at ne a gup pyang ne, ngui awn vook ci. Cun cu Mikah ah im ung tha ci gui.

SUKI GUI 18:30

Dan ung chang gui naw khawihnah vai ah a gup pyang ci gui, Moses ah tu, Kershom ah hta, Jonathan cu Dan pakhui ung taigü ah kya ne bik ci, ani ah hta ng’shon gui naw, ngami pha ne ami hteh püi gui güt ung taigü ah kia ne bi bik ci gui.

ISAIAH 44:13

K’penkbi naw k’peen cu nüt ci. A gup cu lung bawk awn geei ci. A m’shük gui awn vüt ne pyang ci, chang ah müi ah pyang ci, chang ah gup akiom a im kyong ah a tha vai ah pyang ci.

EZEKIEL 21:21

Babilonia ghangpughang cu lam ng’kya m’hnüt nak pei ah ng’düi ci. A i lam ung hteh vai ah a hmat vai ah m’la gui cu k’thüng ci, a ni ah a gup gui cu ng’shik ci; khawihnah nak ah seime ah am sin phi teng ci.

1 SAMUEL 19:13

Achu naw ami im ung agup cu, ih phat ung m’shän ne, me ah mu awn pyan ah khum nak cu lu täng ah tha neta, akhan ah yuk uk ci.

1 GHANGPUGHANG GUI 12:32

Jeroboam naw yumnak ah mangpawi cu acha cheit ah hnüüp gha lei hma ung bi vai ah k’bäi ci, cun cu Judah ung pawi ah mäih ah kyak ci. Bethela ah sonkiang ung amät ah pyan ah ghui vantang-gup gui am khawihnah nak cu douthak ci, ani naw a cu ah Bethela ung a cawh ah khawihnah hmun ung bii bik khai ah taigü gui phi tha gui ci.

EZEKIEL 21:26

Kei, uktu Bawipa naw ka pyen ci. Na mang lukhu la na lupawng cu suut ä. A i phi yän ä kaa ah mäih ah kä kya ba khai. Dukhaih ci gui cu huham pek gui vai, uktu gui cu yuk chak gui vai!