SUKI GUI 17:2 - Cho Bible Common Language 2016

² Ani naw anu am,” Na ngui pit phia gha kei ät ami m’guk sang ung, nang naw m’guk ei cu na plah tam ci. Cun ah na bi cu kei naw ka ng’yak ci. Teng ä, cun ah ngui kei ung om ci nei, cun ah ngui lak cicu kei nei” cik ci. Anu naw, “Bawipa naw hriham ning pe sä, ka hta aw!” cik ci.

SUKI GUI 17:2 Referans Kwoze

NEHEMIAH 13:25

Kei naw chang gui cu khü gui ne, plah tam gui ne, that gui ne, ami lu k’thut gui ne ka ci gui ci. Cun kawn ah ngami la ami hta nau gui cu api ah phi a khaw hei chang gui awn kä ami ng’chungla ba vai ah, Khanpughi ah angming awn ka ng’phyun sak gui ci.

RUT 3:10

Ani naw, “Bawipa naw hriham ning pe sä, nang naw tuhbäi ung bä ciah kyong khui mah nak cu, na cei ah nu ah khan ah na bi ah ta, bä pi khai ah na m’dang ci nei. Nang naw ak pyam amg mang hmaw chang akda om sei phi, a u kä na cei nak ci.

2 JOHAN 1:11

Ani ana dou ciah chang cu ani ah paw ah kya law ne, shetkat nak bi tuk ciah chang ah kyak ci.

1 KORIN 16:22

A u chang phi Bawipa kä m’hni ci phung cu — kyuk sä! Marana tha — Kami Bawipa Kyum law ä!

ROMAN 9:3

Ka chang gui, ka k’chi ng’chüng gui ah hmawk ah Khanpughi ah m’kyuk nak la Bawi Khrit awn ng’pai nak phi ka aut hlük ciah m’lung om ci nei.

MATTHE 26:74

Peter naw, “Kei naw cun ah chang cu kä ka hmat ci nei, ka hleei ka pyein ung Khanpughi naw na hmu sä,” cine pyein ne ma ba mä ci.

JEREMIAH 48:10

Amlung avan awn Bawipa ah bii kä bik ciah chang cu taam vä! kä tu ne kä ngawn ciah chang cu taam vä!

NG'THU K'THUUK~ 28:24

Nupa ah khawh m’guk cu ka hma ciah ngai ciah chang cu ahei m’guk ei gui ah ta kaa pia ci.

SAM 10:3

Changshe cu akshe ami ng’yak hlü nak awn khähghah ci gui; Changka gui naw Bawipa cu plah ne, hnung’tuk püi ci gui.

1 SAMUEL 26:19

Ka bawimang, ka pyen law vai ah thu cu ngai ä. Kei na na hnu ng’tuk püi vai ah Bawipa naw ning tüi ciah a kyak ung, ani am dou thak naw am lung thawng sak khai; chang ah bi ah a kyak läi ung ami khan ah Bawipa ah plah taam nak om sä. Ngami naw kei cu Bawipa ah khaw lei ung ka, a hei khanpughi gui khawihnah nak vai ah akhaw hei ah na k’täm ci gui nei.

1 SAMUEL 23:21

Saul naw, “Kei nami na m’hni aih ah phäh ah Bawipa naw hriham ning pe gui sä!

1 SAMUEL 15:13

Samuela cu Saul ah gawk khäta, Saul naw, yavaih na neta, “Bawipa naw hriham ning pe sä, Samuela! Kei naw Bawipa ah thumkhän cu ka läk ci nei” cik ci.

1 SAMUEL 14:28

Cun ung phi chang tumat naw, “Keimi kami van cawi ne kami tha ken ci, cun ung phi napa naw k’bäi ne na m’cäi gui ci, “Tuhngawi ei ei ci phung ah khan ah kyuk nak om khai nei” cine m’thein ci.

1 SAMUEL 14:24

Cu hnüüp ung Israel gui cu cawi u ne ami k’tha ken ci, a i ah kyasei ci ung Saul naw ak thukau ah taam ne ak bäi gui cu, “Ka ga gui ah khan ah phu kä ka tuk pha ah chuih tuhngawi a u naw ei kä a ei vai, ei cicu kyuk khai” cik ci. Cun ah kyasei cu hnüüp a u naw ei kä ei ci.

SUKI GUI 5:23

Bawipa ah khanchang naw, “Meroz cu plah taam vä, plah taam vä, acun ung om ci gui cu plah taam gui vä. Ngami cu Bawipa bawm khai ah kä lawk ci gui, ani ah hmawk ah ng’tuk bik khai ah gakap ah kä kyak ci gui.

THULÄÄN NAK 27:16

“Khanpughi ah plah taam nak cu anu, apa, kä m’tamkhah ciah chang päng ah khan ah gawk sä. “Chang avan naw ami m’shan vai cu, “Amen!”

PHYAWN NAK 20:7

“Ka ng’ming cu akshe ah kä nami mang vai, ka ng’ming akshe ah mang ci phung cu, Kei, Bawipa nami Khanpughi naw ka m’kyuk khai.

ATÜNNAK 14:19

Ani naw Abram cu hriham pe neta, “Khankho la khomdek tüi pyang ciah A hlüngtai Pikbäih Khanpughi naw, Abram cu hriham pe sä!

SUKI GUI 17:1

Hnü ät ung Mikah ming nak ciah chang tumat cu Ephraim khaw-gui ung om ci.

SUKI GUI 17:3

Ani naw cun ah gui ann am pe ba khäta, anu naw, “Ka tha ah khan ah kia lawk khai ah plah tam nak ang düm vai ah, kei ka mät naw shin ah ngui cu akni ah Bawipa am ka ap ci nei. Shin cu ngui awn kawt ne sing a gup pyan nak ung mang vai nei. Cun ah kyasei tuhbäi shin ah ngui cu nang am ka ning pe ba ci nei” cik ci.