SUKI GUI 17:13 - Cho Bible Common Language 2016

¹³ Mikah naw, “Tuhbäi kei ung Levit chang ka k’taigü om ci, Bawipa naw a päng avan ung m’khütnäng nak na pek khai ciah ka hmat ci” cik ci.

SUKI GUI 17:13 Referans Kwoze

LAMKTU 26:9

Kei ka mät naw phi Nazaret chang Jesuh ah ming awn hnu ng’tuk khai ah bi bi vai ka yum man ci.

JOHAN 16:2

Nangmi cu pum im ungka ning k’täm gui khai gui. Chang gui naw nangmi ning ngawn gui netah, Khanpughi ah bi kami bik ci, ci ne ami ngaih nak ah khin gawk lawk khai.

MATTHE 15:13

Bawipa Jesuh naw, “Khankho Kapa ah geit ah kä kyak ciah a ging phung cu mawi ne ghawh vai nei.

MATTHE 15:9

Ngami naw kei ami na khawihnah cu akholä ah kyak ci, A i ah kyasei ci ung, ngami naw chang ah pyan ah thukhän gui cu, Khanpughi ah thukhän ah mäih ah, m’theithang ci gui!” cine kyak na gui ci.

ISAIAH 44:20

Ani ah bilawh cu m’vut ei ah mäih ah kyak ci. Ani ah anglam ciah ang ngaih-tüh nak naw lam hma sak ciah kyasei m’htei htang tu vai ah phi kä kyak ci nei. Ani naw a kut ung akawh ah agup cu khanpughi ah kä kyak cicu amät naw amät kä hmat ci.

NG'THU K'THUUK~ 14:12

Dung ciah lam ah na ngaih naw sih nak ah ning hteh pui khai.

SUKI GUI 17:12

Mikah naw ani cu ak taigü ah m’düih sei, ani cu Mikah ah im ung om ci.

SUKI GUI 18:1

Cun sang ung Israel gui ung ghangpughang kä om ci. Cun sang ung Dan pakhui gui cu khäm ne ami om nak vai ah khawpäng shui ci gui, a i ah kyasei ci ung Israel pakhui gui ung ka ngami cu ami ka vai khaw kä gah tu phak ci gui ah kyak ci.

SUKI GUI 18:24

Mikah naw, “A i nami pyen hlü ang? a i ah ang a kyak? Nangmi naw ka taigü la ka pyan ah khanpughi gui la ne nami hteit ci nei! Kei ung a i ang ak pawih ba” cik ci.