SUKI GUI 17:10 - Cho Bible Common Language 2016

¹⁰ Mikah naw, “Kei awn a täng ah om ä. Kei na m’shümthein ci la taigü ah na kyak khai, khaw kum ät ung ngui pit gha la suisak ni, ei awk ni ka ning pek khai.

SUKI GUI 17:10 Referans Kwoze

1 PETER 5:2

Khanpughi naw a ning ap gui ah htomebum cu, htomeshäm ah kya ne nami ngäng vai nei. Bi vai kyasei bi ah kä kyak ciah, Khanpughi ah khuut ah kyasei ng’yak hlü nak awn nami bi vai nei. Nami bi cu ng’cheng gah hlü ah m’lung awn kä kyak ciah, bi nak hlü ah m’lung cang awn nami bi vai nei.

1 TIMOTHI 6:10

A i ah kyasei ci ung ngui yak nak hlü cu, shetkat nak nüng nüng ah ang yung ah kyak ci. Chang amshah gui cu ngui yak hlü aih u netah ami yum nak phi ng’hlah tak ci gui. Cun kawn ah ngahmi cu yaica nak naw ami m’lung shetkat sak sei geinvai ci gui.

JOHAN 12:6

Ani naw acun ah a pyein cu, pyamthaam ci gui am gein gui su ah kä kyak ci, m’gu man te ci kya netah acun ah a pyein ah kyak ci. Ani cu ngui ng’ip k’bah ci kya ne ngui m’gu ne mang ci ci.

MATTHE 26:15

“Jesuh cu nami kut ung ka ning ap gui ung, a i nami na pek khai ang,” cine ng’shi gui ci. Ngami naw tangka thumkip khei ne pek ci gui.

EZEKIEL 13:19

Nangmi naw htang shum ät la m’hlut api name gah vai ah phäh ah ka Chang gui ah ma ah kei cu name na m’shuk chak ci. Nangmi naw kä si khin ciah Chang gui ngawn u ne, kä ghing khin ciah Chang gui nami m’ghin ci. Ka Chang gui am nangmi naw hleei ne m’thein gui uk ci sei, ngami naw ning yum ci gui.”

ISAIAH 22:21

Kei naw na zungsuinu cu sui ne, na kheipat cu ka pek khai, nan gung om ciah huham avan ani am ka pek khai. Ani cu Jerusalem la Judah chang gui ah ami pa ah mäih ah kyak khai.

JOB 29:16

Kei cu dukhaih ci gui ah phäh ah pa ah kya ne, Khüikha nak ung gawk ciah chang hei gui ah phäh ah phi ka ng’düi man ci.

2 GHANGPUGHANG GUI 13:14

Prophet Elisha cu gawpyam ne ng’yän ci. Ani si hlü ne ang yän yah ung Israel ghangpughang Jehoash cu om law tuk ci. Ani naw kyap neta, “Kapa, Kapa! Nang cu m’gäi ne, Israel ghung ciah na kyak ci nei!” cik ci.

2 GHANGPUGHANG GUI 6:21

Israel ghangpughang naw Sirian gui cu hmu law gui neta Elisha cu ng’shik ci, “Bawi aw, shin gui ka ngawn gui vai ang? Ka ngawn gui vai ang?”

1 SAMUEL 2:36

Na hta ng’shon ung ka, api k’pawih ba ci gui cu taigüpa ah hteit ne, ngui la ei k’thäh khai gui, ei vai ami gah vai ah phäh ah taigüpa cu bi ning bi püi kawng cine, ami bi sak vai ah ng’hui ng’pa khai gui.”

SUKI GUI 17:11

Levit chang nong cu Micah awn ani om vai yum ne om tu neta, a hta ah mäih ah kya lawk ci.

ATÜNNAK 45:8

Cun ah kyasei nangmi naw nami na tüih law ah kä kyak ci, Khanpughi ah na tüih law ah kyak ci. Khanpughi naw ghangpughang ah bawi ng’vaipi ah na pyang ci. Kei naw khaw avan ka shum ci, Egypt khaw avan ka uk ci.

SUKI GUI 17:9

Mikah naw, “A hawi ka na lawk ci ang? cine ng’shik ci. Ani naw, “Kei cu Judah khaw Bethlehem ung ka Levit chang nei. Kei cu ka om nak vai ka shui ci nei” cik ci.

SUKI GUI 18:4

Ani naw, “Kei cu Mikah awn ka ning ge ci nei, ani ah taigü ah ka kyak vai ah, ani naw cheng ne ana ghüh nei” cik ci.

2 GHANGPUGHANG GUI 2:12

Elisha naw hmu neta, Elijah cu kyap ne khü ci, “Kapa, kapa! M’gäi ne, Israel gui shungvong gui ci! Nang cu na ng’kawn pyi ci nei!” Cun kawn ah ani naw Elijah cu kä hmu ba ci. Elisha naw thüisei ne, a suinu cu hnih ah k’teek ci.