SUKI GUI 16:9 - Cho Bible Common Language 2016

⁹ Ani naw akhan a hei ung chang am ngäng sak gui neta, “Samson! Philistin gui lawk ci gui nei!” cine m’lau ci. Cun ung phi Samson naw, mei ah uih ah bigui pyai ah mäih ah cun ah gui, gui cu kai pit pit ci. Cun ah kia ne ani ah k’thamah nak cu kä cu kä hmat hlawt ci gui.

SUKI GUI 16:9 Referans Kwoze

SAM 58:9

Kä ami hmat pha ung, ngami cu m’ghaw ah mäih ah k’pai gui u sä; kyih vai ah am lung she nak awn, Khanpughi naw ak ghing ah muut hlit gui sä.

SUKI GUI 16:7

Samson naw, “Kä hu phak ciah liza akthai chih awn ami na khih ah a kyak läi ung, kei phi a hei chang gui ah mäih ah ka k’tha ken khai nei” cik ci.

SUKI GUI 16:8

Cun ah kyasei Philistin ghangpughang gui naw kä hu phak ciah liza akthai chih cu Delilah am thak law u sei, ani naw Samson cu khit ci.

SUKI GUI 16:10

Delilah naw Samson am, “Teng ä! nang naw kei cu ak gu ah nana pyang ci nei, akcang kä na na m’thein ci. Na bä ni, na m’thein ä, a i hawk cha ah chang naw ning khit hlawt khai ang” pyen nak ci.

SUKI GUI 15:14

Ani cu Lehi ung gawk law khäta, Philistin gui cu ani täng ah dawng law u ne, ani cu m’lau ci gui. Ang ghit ah Bawipa ah huham naw ani cu k’thamah nak pe sei, aban, a kut ung ami khih nak ah gui, gui cu mei ah uih ah pyai hta mäih ah kaih pit yawp ci.