SUKI GUI 16:4 - Cho Bible Common Language 2016

⁴ Cun kawn ah Samson cu Sorek khawnawi ah om ciah hnumi Delilah awn ng’zum hni tuk ci goi.

SUKI GUI 16:4 Referans Kwoze

1 KORIN 10:6

Shin ah m’tumtäng nak cu mikmi ah phäh ah kya ci, cun ah kia sei, ngami ah bi ah mäih ah akshekha gui cu kä mi ng’yak hlü en vai;

NG'THU K'THUUK~ 22:14

Pletbeng nak cu cun ah kyak ci — Acun naw Khanpughi naw am lungshe nak ah chang cu phak ci.

NG'THU K'THUUK~ 27:22

Nang naw chang a gu ang a sih ü awng güt na m’ghuih ung phi, ani ah gu ang nak cu ani ungka maih khai ah kä na m’ghuih hlawt khai.

NG'THU K'THUUK~ 26:11

Ui naw am lawk a hteh ba shi ah mäih ah chang gu aang naw akshe a bi cu bi ba mä ci.

NG'THU K'THUUK~ 23:27

Pawmyau ci la lawk lak ciah hnumi cu sih nak ah cuun ah kyak ci.

NEHEMIAH 13:26

Ghangpughang Solomon katnak bi sak cicu akhawhei hnumi ah kyak ci. Ani cu changpakhui gui ah ghangpughang gui päng ah dämduh pi ciah chang tumat ah kyak ci. Ani shin ah katnak ung gawk pang sei phi, ani cu Khanpughi naw m’hni ne, Israel khaw avan ah khan ah ghangpughang ah kyak sak ci.

1 GHANGPUGHANG GUI 11:1

Solomon naw a khawhei chang hnumi gui akda m’hni gui ci. Ani naw Egypt ghangpughang ah hta hnumi bäng ah kä kyak ciah Hittite hnumi gui la Moab ah ka, Ammon, Edom la Sidon ah ka hnumi gui phi chu na gui ci.

SUKI GUI 16:3

Cun ung phi Samson cu khaw cawih güt bang cun ung ip tuk ci. Ani tho law ne mang gaw m’kawt cu mawi ne, gäi neta, Shoh ni, Shohpang ni, Shohgaw ni avan ak phleing am kawt ne, Hebron m’htung lai ung hteh püi ci.

SUKI GUI 16:5

Philistin ghangpughang hma gui cu, cun ah hnumi ah law u neta, “Samson cu theileh ne na ng’shi vai, ani a i ah kya ne ak thamah aih, keimi naw a i cha ah kami m’khüt khai, a i cha ah khit ne, am gein ka ah kyak khai ah kami ci thei khai, cun na hmat ung chang tumat naw ngui pit phia gha lei ät ci, kami ning pek khai” cik ci gui.