SUKI GUI 16:28 - Cho Bible Common Language 2016

²⁸ Cun kawn ah Samson cu k’taigü ne, “Bämang ciah Bawipa, nab ä ni, na shüm ba ä, ami na kawih ah phäh ah, Philistin gui ah khan ah hnü ät phu ka tuk nak vai ah, hnü ät hta bang thamah nak na pe ba ä” cik ci.

SUKI GUI 16:28 Referans Kwoze

JEREMIAH 15:15

Cun kawn ah kei naw, “BAWIPA, nang naw nah mat ci. Na shüm ba ne na m’htei htang ä. Na k’dudei nak ci gui ah khan ah phu na tuk sak ä. Ngami naw kei na näng ne ami na ngawn güt nang naw kä hnim gei en ä. Kei ami na shedam nak cu nang ah hmawk ah kyak ci, cicu shüm ba ä.

SAM 143:12

Kei na na m’hni nak awn, ka ga gui cu ngawn gui ä, Na shedam nak ci gui avan cu m’di gui ä, kei cu na changshäm ah ka kyak ci nei.

THU PHLAAN 6:10

Cun ah mümcha gui naw, “Ng’ciim ne, ng’düng ne, hlüngtai pi bäih ciah Bawipa, keimi ami na ngawn gui ah hmawk ah khomdek khan ah chang gui cu kä m’khoichaa, kä m’shetkat gui ah a i güt na om khai ang?” cine m’lau ci gui.

SAM 91:15

Ami na khü ung ka m’shang gui khai. Ami geinvai yah ung ka om püi gui khai. Kei naw gung gui ne, ka m’taam gui khai.

SAM 50:15

Khüikha nak a gawk law ung na khü vä; kei naw ka ning hun gui khai, nangmi naw nami na m’taam khai.”

2 TIMOTHI 4:14

Kyeei sheh ciah Alexander naw kei cu ak kaa ah na kyak na tuk ci nei, amät ah bi ah khan ah Khanpughi naw a gah vai cu pek khai nei.

SAM 116:4

Cun kawn ah Bawipa ka khü cu, “Ka ng’hui ci nei, Bawipa, na hun ä!”

2 SHONTÄP NAK 20:12

Nang cu kami Khanpughi ah na kyak ci nei, m’kyuk gui ä. Na tu law gui ciah gakap ak tung ah ma ah amgein kaa ah kami kyak ci nei. Keimi a i ah kami kyak vai kä kami hmat ci, cun ung phi na na m’htei gui vai ah kami ning teng ci nei.

SUKI GUI 15:18

Cun kawn ah Samson cu ang’hei ah tui gha neta, ani naw Bawipa khü ne a pyen cu, “Nang naw shin ah dämduh ciah näng nak na na pek ci, kei tuhbäi tui ghane ka si lawk khai ne, Khanpughi kä yum ciah shin ah Philistin gui naw nap ha lawk khai gui nei?” cik ci.

SUKI GUI 5:31

O Bawipa, na ga gui ami van cu a shin ah mäih ah si u sä, cun ung phi na teihpüi gui cu hni pyii ah mäih ah ng’shü u sä! Cun ah kyasei cun ah khaw ung khawkum phli kip ung dim deih ci.

HEBRU 11:32

Kei naw k’täi ne ka pyein ba vai ang? Gidean, Barak, Samsan, Jephthah, David, Samuel la profet gui ah mawng ka pyein nak vai a khin kä ng’büh ci nei.

JONAH 2:7

Ka ghin nak ng’pyi ciah ka ngaih yah ung, O Bawipa, nang ah ka taigü ci, na Taigü im theing ungka naw na na ng’yak pek ci nei.

SUKI GUI 16:27

Cun ah im ung pami ni, hnumi ni chang hli be ci. Philistin ghangpughang hma, ami van cun ung om ci gui, hnumi, pami chang phia thum kip vai im khan ah om ne, Samson naw akhin nak gui cu teng ci gui.

SUKI GUI 16:29

Cun kawn ah Samson naw ang lung ung im tung hnih cu k’pang ci. Akut vangtäng awn tung tumat ci k’pang neta, ngami täng ah hei buh ne,

SAM 10:12

O Bawipa, cun ah changshe gui cu m’kyuk gui ä! Geinvai ci gui cu shüm ba gui ä!