Ami thagui ng’pyi sei a hmuh gui ung, Bawipa naw a chang gui cu gung gui khai. Am gein kaa ah kya u sei a hmuh gui ung, Abii bik ciah chang gui cu Bawipa naw chimgein gui khai.
Cun tu pang ung phi, ngami cu ami ga gui ah khonglei ung ami om tu yah ung kei naw akbe ah kä ka nawng gui khai, kä ka m’di gui khai. Ngami awn thu ka khän cu a cun naw ng’pyi sak khai, kei cu Bawipa nami Khanpughi ah ka kyak ci.
Philistin gui naw ani cu pha u neta amik cu kawih ci gui. Cun kawn ah kaza ah hteh püi u ne, kyei gui awn khit u neta, thawng im kyong ah gawtlung gawt sak ci gui.
Philistin ghangpughang gui cu a täng ah ng’hmu u neta, ami khanpughi Dakon am dämduh ciah khawihnah nak douthak vai ah k’bäi ci gui. Ngami cu, “Kami khanpughi naw kami ga Samson ah khan ah näng ank na pe gui ci nei!” cine ng’äi ci gui.