SUKI GUI 16:20 - Cho Bible Common Language 2016

²⁰ Cun kawn ah ani naw, “Samson! Philistin gui lawk ci gui nei” cine m’lau ci. Ani cu tho law neta, ngaih-tüh ci, “A yanä ah mäih ah tubäi phi luat ne ka hteit khai” Ani naw Bawipa naw a hteh tak cu kä hmat ci.

SUKI GUI 16:20 Referans Kwoze

1 SAMUEL 16:14

Bawipa ah mümcha naw Saul cu htehtak ci, Bawipa naw mümcha she cu ani shekdam nak khai ah tüi ci.

1 SAMUEL 18:12

Saul naw David cu kyih ci, a i ah kyasei ci ung Bawipa naw David om püi ci, ani cu nawng ci.

JOSHUA 7:12

Acun cu Israel gui naw ga näng ne kä ami düih nak hlawt ah kyak ci. Ngami naw ga ng’hlah tak ci gui, a i ah kyasei ci ung ami mät cu dishum nak ah phyumtam nak gah pyi ci gui nei. Kä nami lak vai cine thukbäi ung phi nami lak gui cu kä nami m’di pha ah chuih, nangmi awn a täng ah kei cu kä ka om ba khai nei!

2 SHONTÄP NAK 15:2

ani cu ghangpughang Asa hmuk khai ah hteit ci. Ani naw ng’khü neta, “Na ngai ä, ghangpughang Asa, Judah la Benjamin ung chang avan naw! Nangmi cu ani ung nami om ah chuih Bawipa naw ning om püi gui ci nei. Nangmi naw ani nami shui ah a kyak ung ning hmuh sak gui khai nei, cun ung phi nangmi naw nami ng’hlah tak läi ung ning nawng gui khai nei.

2 KORIN 3:5

Shin ah khuut kami bi hning ciah pyein nak vai ah keimi ung a i k’thagui phi kä om ci, Khanpughi ah na peit gui ah k’thagui bäng vah om ci.

HOSEA 7:9

Akhui hei chang gui ami ngaih u nak naw ami thagui aguh tep gui cu ngami naw kä hmat ci gui. Ami hnüüp cu khei ci gui, cun ung phi ngami naw kä hmat ci gui.

ISAIAH 42:24

A u naw ang, Israel gui cu, guttep gui ci am a ap gui? Cun cu mikmi naw katnak bi ne, mi hnu ng’tuk püi ah Bawipa amät ah kyak ci nei. Ani naw mi om vai ang yak hlü ah mikmi cu kä mi om ci nei, ani ah m’thei thang gui cu kä mi läk ci nei.

SUKI GUI 16:14

Delilah naw ani cu m’äp ne ih sak neta, a lusam chih lak pe ne, tah awn tah shi ci. Ani naw htek khai ah tah shin eta, “Samson! Philistin gui lawk ci gui nei” cine m’lau ci. Cun ung ani cu tho law netah, tah im ung ka a lusam cu mawi hlit ci.

MATTHE 17:20

Bawipa Jesuh naw, “Cun cu nami yum nak a ken su ah kyak ci nei, kei naw akcang ka pyein cu, nangmi ung, anhta ui teih pang yum nak a om ung, shin ah khomhtung cu ‘Ng’nawn ä,’ nami ci ung ng’nawn khai nei. Zum nak awn kä nami m’khüt cu a i kä om khai nei.

MATTHE 17:16

Ani cu nang düihpüi gui ah hteh püi ung phi kä gai sak hlawt ci gui nei,” cine pyein ci.

SUKI GUI 16:9

Ani naw akhan a hei ung chang am ngäng sak gui neta, “Samson! Philistin gui lawk ci gui nei!” cine m’lau ci. Cun ung phi Samson naw, mei ah uih ah bigui pyai ah mäih ah cun ah gui, gui cu kai pit pit ci. Cun ah kia ne ani ah k’thamah nak cu kä cu kä hmat hlawt ci gui.

SUKI GUI 16:3

Cun ung phi Samson cu khaw cawih güt bang cun ung ip tuk ci. Ani tho law ne mang gaw m’kawt cu mawi ne, gäi neta, Shoh ni, Shohpang ni, Shohgaw ni avan ak phleing am kawt ne, Hebron m’htung lai ung hteh püi ci.

THULÄÄN NAK 32:30

A i ah kyasei chang tumat naw chang phia gha a hnim gui ang? A i ah kyasei chang hnih naw chang phia phia a hnim gui ang? Bawipa nami Khanpughi naw ngami nawng gui ci. M’gäi ciah ami Khanpughi naw ngami mlungsi sak gui ci.

KHEI NAK 14:9

Bawipa kä nami hnungtuk en püi vai, a cu ah om ciah chang gui kä nami kyih en gui vai, ayäi hta ah mikmi naw mi näng gui khai nei. Bawipa cu mikmi awn a täng ah om ci, ani naw ngami ngäng gui ciah ami khanpughi gui cu hnim gui ci. Cun ah kyasei kä nami kyih vai” cik ci goi.

SUKI GUI 16:19

Delilah naw Samson cu a pheitui khan ah m’äp ne m’ih neta, Samson ah a lusam säm chih cu at khai ah chang cu khü ne ah sak ci. Ani ah akthagui cu maih pyi ci kyasei, hnumi naw tün ne shedam nak ci.

SUKI GUI 16:21

Philistin gui naw ani cu pha u neta amik cu kawih ci gui. Cun kawn ah kaza ah hteh püi u ne, kyei gui awn khit u neta, thawng im kyong ah gawtlung gawt sak ci gui.

1 SAMUEL 18:10

A ngawi ung khaw ngawi Khanpughi ah tüih law ah mümcha she naw Saul cu ang ghit ah k’pang sei, a im kyong ah ak gu ah mäih ah gawmva ci. David cu ak hnüüp tä a tum man ah mäih ah tingtäng tum ci, Saul cu k’htei kawt ci.