SUKI GUI 16:2 - Cho Bible Common Language 2016

² Kaza ung chang gui naw Samson a om cu hmu u neta, a om nak ah hmun cu koi u ne, mang gaw m’kawt ung amü pum ngäng ci gui. Ngami cu a mü pum adüm ah om ci gui, ami mät naw ngai u ne, “Mikmi naw khaw a thaih güt mi ngäng khai, cun kawn ah ani cu mi ngawn khai” cik ci gui.

SUKI GUI 16:2 Referans Kwoze

1 SAMUEL 23:26

Saul la a chang gui cu khomhtng ah vangtäng ah om ci gui, ngami awn ng’lakmah ne David la achang gui cu vangtäng ah om ci gui. Ngami cu Saul la a chang gui ang ghit ah dawng ta ne dawng ci gui, ngami cu ng’et law u ne, pha law gui khai ah kya sei.

LAMKTU 9:24

Cun ung phi ngami ah ng’ge cu Soul naw hmat ci. Ngami cu Soul ngawn vai ah amü, ak hnüüp pigaw m’kawt päng ung ng’mah ci gui.

LAMKTU 23:15

Cun ah kyasei nang la kawngsi ng’vai gui naw Paul cu ak tung ah nami ng’shica hlük ci hlawk ah, Roman gakap bawi ah nami k’thäh ba vai nei. Nangmi ah om nak ah kä ah gawk law pha ung ani cu ngawn vai ah kami na ngäng khai nei” cine pyein ci gui.

MATTHE 27:1

Kho ngawi hta sik ah taigüpa gui la ami ng’vai gui cu Bawipa Jesuh ngawn vai ah ng’ge ci gui.

MATTHE 21:38

Cun ung phi ngami naw lo mah ah hta cu hmu law u netah, ‘Shin ah chang cu lo mah ah pakhui m’düng khai ah chang ah kyak ci, lawvä, ani cu mi ngawn u ne, ak chaw vai a khawh cham avan mi lak khai nei,’ cine ng’ge u netah,

1 SAMUEL 19:11

A cu mü David cu a im ung mah ne, akhaw ngawi ung ngawn khai gui ah chang gui tüi gui ci. David akchu Michala naw am cäi cu, “Tuhmü kä na dawng ah a kyak ung ngawi ung na sik khai.”

SUKI GUI 15:18

Cun kawn ah Samson cu ang’hei ah tui gha neta, ani naw Bawipa khü ne a pyen cu, “Nang naw shin ah dämduh ciah näng nak na na pek ci, kei tuhbäi tui ghane ka si lawk khai ne, Khanpughi kä yum ciah shin ah Philistin gui naw nap ha lawk khai gui nei?” cik ci.

LUKA 21:20

Jerusalem cu gakap gui naw ngäng u sei nami hmuh ung adi law nak vai ng’et lawk ciah nami hmat vai.

SUKI GUI 16:3

Cun ung phi Samson cu khaw cawih güt bang cun ung ip tuk ci. Ani tho law ne mang gaw m’kawt cu mawi ne, gäi neta, Shoh ni, Shohpang ni, Shohgaw ni avan ak phleing am kawt ne, Hebron m’htung lai ung hteh püi ci.