SUKI GUI 16:18 - Cho Bible Common Language 2016

¹⁸ Delilah naw, ani naw akcang am thein cu hmat neta, ani naw chang gui tüi ne, Philistin ghangpughang gui a pyen nak gui cu, “Hnü ät law ba mä vä, ani naw akcang na m’thein ci nei.” Cun kawn ah ngami cu law u ne, ani am ngui thak law ci gui.

SUKI GUI 16:18 Referans Kwoze

1 TIMOTHI 6:10

A i ah kyasei ci ung ngui yak nak hlü cu, shetkat nak nüng nüng ah ang yung ah kyak ci. Chang amshah gui cu ngui yak hlü aih u netah ami yum nak phi ng’hlah tak ci gui. Cun kawn ah ngahmi cu yaica nak naw ami m’lung shetkat sak sei geinvai ci gui.

MATTHE 26:15

“Jesuh cu nami kut ung ka ning ap gui ung, a i nami na pek khai ang,” cine ng’shi gui ci. Ngami naw tangka thumkip khei ne pek ci gui.

SUKI GUI 16:5

Philistin ghangpughang hma gui cu, cun ah hnumi ah law u neta, “Samson cu theileh ne na ng’shi vai, ani a i ah kya ne ak thamah aih, keimi naw a i cha ah kami m’khüt khai, a i cha ah khit ne, am gein ka ah kyak khai ah kami ci thei khai, cun na hmat ung chang tumat naw ngui pit phia gha lei ät ci, kami ning pek khai” cik ci gui.

EPHESIAN 5:5

Pletbeng ci gui, shekhak ci gui, ng’yak hlü aih nak om ciah chang gui phung cu, Khanpughi la Bawi Khrit ah uknak kho ung chang ah kä kya tuk khai gui cicu akcang ah nami hmat ci nei. (Ng’yak hlü aih nak cu a gup khawihnah nak ah kyak ci nei.)

NG'THU K'THUUK~ 18:8

Ng’pyen sak cu hlim aih sei, m’hni ne mik duuk ci.

SAM 62:9

Chang avan cu mei khu ah mäih ah kyak ci gui. Akzaw akdäm avan cu a kholä ah kyak ci. Ngami cu khin gui ung phi kä gih ci gui; Ngami cu khokhi ah yaang tu ba ci gui.

1 GHANGPUGHANG GUI 21:20

Ahab naw Elijah cu hmu neta, “Ka ga aw, kei na na hmu ne ma?” cik ci. Elijah naw, “Ä, ka ning hmuk ci nei, nang cu Khanpughi täng ah akshe akbe ah bi vai ah nang ap ci nei.

KHEI NAK 22:7

Cun ah kyasei Moabit la Midianit ami ng’vai gui cu plah tam ung ami cheng nak vai hteh püi u ne, Balaam ah hteit ci gui. Balak ah thu m’khäh phi pek ci gui.

SUKI GUI 16:17

Ani naw, “Ka lu cu kä ka k’teiu man nei. Kei cu ami na hta nak ge ung Khanpughi am Nazirit ah ka kyak khai ah ami na ap pyi nei. Kalu k’teiu ah a kyak läi ung, kei cu ka thagui mäih sei, chang hei gui ah mäih ah ka k’tha ken khai ne” cik ci.

SUKI GUI 16:19

Delilah naw Samson cu a pheitui khan ah m’äp ne m’ih neta, Samson ah a lusam säm chih cu at khai ah chang cu khü ne ah sak ci. Ani ah akthagui cu maih pyi ci kyasei, hnumi naw tün ne shedam nak ci.