SUKI GUI 16:17 - Cho Bible Common Language 2016

¹⁷ Ani naw, “Ka lu cu kä ka k’teiu man nei. Kei cu ami na hta nak ge ung Khanpughi am Nazirit ah ka kyak khai ah ami na ap pyi nei. Kalu k’teiu ah a kyak läi ung, kei cu ka thagui mäih sei, chang hei gui ah mäih ah ka k’tha ken khai ne” cik ci.

SUKI GUI 16:17 Referans Kwoze

MIKHAH 7:5

Na teihpüi na paw chang phi kä na yum vai. Na chu phi geing na ne na ng’thu püi vai.

NG'THU K'THUUK~ 12:23

Lunglang ciah chang cu a hmuhmat ung phi adüm ah om ci, cun ung phi chang gu ang gui naw, kä ami hmuhmat cu ahäu ne pyen ci gui.

SUKI GUI 13:5

Pami ah na hta kawn ah a lu kä k’teiu en pek vai, a i ah kyasei ci ung, ani cu hta nak ge ung tün ne Nazirit cine Khanpughi am ap ah kyak ci. Ani naw Israel gui Philistin gui ah kut ung gun nak gui vai cu tün ne bik khai.”

KHEI NAK 6:5

Ani cu nazirit shaitak ah ka ung a om ah chuih alu kä a ah vai. Kä ak teiu vai. Ani cu a khin akbe ah Bawipa ung ang ap nak ah shaitak naw k’pawng ci. Ani naw a lusam am sei vai, am khamu am sei vai.

LAMKTU 18:18

Paul cu Korin ah yum ci gui awn a täng ah kho hnüüp akda om netah, Priscilla la Akuila awn ng’gui ne Siria kho ah htinpaw awn hteit ci gui. Kenkhrea ungka htinpaw kä a ng’düih law phaung, Paul cu Khanpughi ah thu khän bik ci kyasei a lu k’teiu ci.

NG'THU K'THUUK~ 29:12

Uktu naw kä hman ci m’cumcäi nak aläk ah akyak ung bawi gui ami van cu hleeihlak ciah kya yawp ci gui.

KHEI NAK 6:2

Cun cu Israel chang gui am a pek gui vai ah m’shüm then nak gui ah kyak ci. Pami phi, hnumi phi, Nazirit ah a kyak law vai ah aktung ah shaitak nak bik ci la amät naw amät Bawipa am ap ci naw,

SUKI GUI 16:16

Ani naw ak hnüüp tä acun ah ng’shi laih laih ci. Cun ah hnumi naw ngnaksou na aih sei ani cu yaica lawk neta akhnu ah akcang cu m’thein ci.

SUKI GUI 16:18

Delilah naw, ani naw akcang am thein cu hmat neta, ani naw chang gui tüi ne, Philistin ghangpughang gui a pyen nak gui cu, “Hnü ät law ba mä vä, ani naw akcang na m’thein ci nei.” Cun kawn ah ngami cu law u ne, ani am ngui thak law ci gui.

NG'THU K'THUUK~ 13:3

Na ng’thu ng’htau geing na ne, na ghin nak na shungvong vai. Kä geing nak ah ng’thu ci naw amät m’di ci.