SUKI GUI 15:19 - Cho Bible Common Language 2016

¹⁹ Cun kawn ah Khanpughi naw Lehi khomdek ung m’dek yuk hmawng khäta, acun ung tui lut lawk ci. Samson naw cun cu aw neta acun ung gai law ba ci. Cun ah kiasei cun ah tui cu Hakkore ah sui ci gui, cun cu tu ä Lehi ung om ci.

SUKI GUI 15:19 Referans Kwoze

ISAIAH 44:3

Kei naw tui gha ciah khaw ung tui ka pek khai, khong’gau khaw ung tui lawng ka lon sak khai. Kei naw nami htanau gui ah khan ah ka mümcha ka yuk chah khai, nami hta ng’shon gui ah khan ah ka hriham ka yuk chah khai.

ATÜNNAK 45:27

Cun ung phi Joseph ah ng’thu avan cu m’thein u sei, Joseph naw Egypt khaw ah a hteh nak vai ah am khäh law ah ng’sela gui cun phi hmu law neta, amlung cu üp ci.

SAM 34:6

Am gein kaa ci gui naw ani cu khü u sei, m’shang gui ci; Ami khüikha nak avan cu phyawn gui ci.

ISAIAH 40:29

Aktha maih ci, bawng bai cicu ani naw thamah nak pek ci nei.

ISAIAH 40:26

Khomik cu han dan vä! Nami hmuh ah aisi gui cu a u naw a pyan ang? Gakap ah mäih ah lam shüm gui ci naw apian nei, Ani naw a i chü lawk ci gui ah hmat gui ne, ami ming phäh phäh ung khü gui ci — Ani ah huham cu dämduh aih ne, Cun gui ung ka tumat phih kä chük man ci nei!

SAM 120:1

Kei naw ka geinvai yah ung Bawipa cu ka khü ci, ani naw na m’shang ci.

1 SAMUEL 30:12

K’thei ket ni, sapyit theih soi goi ni pek ci gui. Ani cu cun gui a ei kawn ah a k’tha be law ba ci; Ani cu hnüüp thum lüng ung a i kä ei awk ah om te ci.

PHYAWN NAK 17:15

Moses naw kiaang co neta, “Jehovahnisi, Bawipa cu kei ah Näng nak nei” cine a ming sui ci.

ATÜNNAK 30:30

Azan na khawh apihta te, tuhbäi da lawk ci. Bawipa naw kei ah bi nak ung hriham ning pek ci nei. Tuhbäi ka mät naw ka kyong khui pyang ne ka om vai a khin gawk lawk ci nei” cik ci.

ATÜNNAK 28:19

Cun ah hmun cu Bethela ah a ming sui ci (cun ah gawnu ah aming phyim cu Luz ah kyak ci.)

ATÜNNAK 16:13

Hakarah cu amät ng’htau ne, “Kei na hmuk ciah Bawipa cu shin ung akcang ah ka hmuk ci nei” ci neta, ani ng’thu püi ciah Khanpughi cu ‘Elroi’ ah a ming sui ci.

KHEI NAK 20:11

Cun kawn ah Moses naw shawpawng cu m’tho ne, hnih vei that sei, tuinu lawng ah lut law ne long ci, chang gui la seime gui ami van naw awk ci gui.

SUKI GUI 15:9

Philistin gui law u ne Judah ung phung tu ne om u ne, Lehi gawnu cu tuk ci gui.

SAM 50:15

Khüikha nak a gawk law ung na khü vä; kei naw ka ning hun gui khai, nangmi naw nami na m’taam khai.”

SAM 110:7

Ghangpughang naw lam pei ah tuigei cu aw ne, k’thamah ne, näng ne, ng’düi khai.