SUKI GUI 15:14 - Cho Bible Common Language 2016

¹⁴ Ani cu Lehi ung gawk law khäta, Philistin gui cu ani täng ah dawng law u ne, ani cu m’lau ci gui. Ang ghit ah Bawipa ah huham naw ani cu k’thamah nak pe sei, aban, a kut ung ami khih nak ah gui, gui cu mei ah uih ah pyai hta mäih ah kaih pit yawp ci.

SUKI GUI 15:14 Referans Kwoze

SUKI GUI 14:19

Ang ghit ah Bawipa ah huham naw ani cu k’thamah sak khäta, ani cu Ashkelon ah yu kyum neta chang thum kip ngawn ne, ami sui k’ni gui sut ne, thuzi hmat hning ci chang gui am pe gui ci. Cun kawn ah ani cu, a im ah hteit ba ci, acun ah phäh ah m’lungshe ci,

SAM 118:11

Ngami naw ang kit päng ung na mah ci gui; cun ung phi Bawipa ah huham awn kei naw ka m’di gui ci!

1 SAMUEL 17:35

kei naw gawt ne, tu ne, htome hta cu ka gut ba ci. Kawng, khawm cu kei täng ah ang hlah law ung pha ne ven ne a gawn ung k’hteu ne ka ngawn gui ci,

1 SAMUEL 11:6

Saul cu cun ng’ya neta, Khanpughi ah mümcha naw k’pang sei, m’lung she lawk ci.

SUKI GUI 14:6

Ang ghit ah Bawipa ah huham naw Samson cu kthamah sak sei, ani naw phongkawng cu Mehta ah mäih ah kaih ne hleei ci. Cun ung phi ani naw a i abi cu anu la apa am kä m’thein tu goi ci.

SUKI GUI 3:10

Bawipa ah mümcha cu ani ah khan ah gawk law sei, ani cu Israel gui ah ang vai ah kya lawk ci. Othniela cu ng’tuk vai ah hteit sei, Bawipa naw ani am Mesopotamia ghangpughang ah khan ah näng nak pek ci.

PHILIPPIAN 4:3

Ka ngaih u, ka ning paw nang naw, cun ah hnumi gui cu nam hteihtang tu gui vai nei. Ngah mi cu Thu Ni ng’shäu ne pyein nak ung kei awn a täng ah k’tha nah ne bilo ci gui ah kyak ci. Cun ah bi nak ung Clement la Khanpughi ah ghin nak ca-uk ung a ming om pyi ciah, a hei bilo tuk ciah chang gui phi om ci gui.

ZEKHARIAH 4:6

Bawipa ungka lawk ciah shin ah ng’thu cu, Zerubbabela am ka pek vai ah khanchang naw na m’thein ci nei. “Nang cu na näng khai, cun cu gakap huham awn ah kä kyak ci, na mät ah thagui awn ah kä kyak ci, kei ah ka mümcha awn ah kyak ci.

MIKHAH 7:8

Mi ga naw mi khan ah ami yei nak vai a i kä om ci, mikmi mi täng ci, cun ung phi mi tho ba khai, mikmi hmüp khui ah mi om ci, cun ung phi Bawipa naw akdei na pe gui khai.

SAM 18:34

Ng’tuk bi vai ah na m’thei sei, m’htung pi bäih ciah li cu ka kawt hning ci.

JOB 20:5

a u chang shekha phi ak shou kä yeikyai man ci.

1 SAMUEL 4:5

Thukhän M’küm gawk law ba khäta, Israel chang gui cu khomdek thüng khai ah yei ne m’lau ci

SUKI GUI 16:24

Ngami ami mät yeikyai neta ng’thu ami pyen cu, “Samson khü vä, ani naw ana khin nak gui vai ah mi bi sak khai nei! cik ci gui. Ngami naw Samson cu thawng ung ka k’plawk ne law püi neta, ngami khin na gui khai ah ci u ne, k’tung gui ah ng’lak ung ng’düih sak ci gui. Ani cu chang gui naw hmu u neta, ami khanpughi m’tam ne ng’äi u ne,” kami khanpughi naw kami khaw m’di ne kami chang akda ngawn ciah kami ga ah khan ah näng nak na pe gui ci nei! cik ci gui.

SUKI GUI 16:12

Cun ah kyasei Delilah naw gui akthai la neta khit ci. Cun kawn ah ani naw, “Samson! Philistin gui lawk ci gui nei!” cik ci. Ahei akhan ah ka naw chang gui naw mah ci gui. Cun ung phi a kut ung gui gui cu bigui ah mäih ah kaih pit yawp ci.

SUKI GUI 16:9

Ani naw akhan a hei ung chang am ngäng sak gui neta, “Samson! Philistin gui lawk ci gui nei!” cine m’lau ci. Cun ung phi Samson naw, mei ah uih ah bigui pyai ah mäih ah cun ah gui, gui cu kai pit pit ci. Cun ah kia ne ani ah k’thamah nak cu kä cu kä hmat hlawt ci gui.

SUKI GUI 5:30

“Ngami naw ami khäm vai la ami ng’pai gui vai ah khawh cu shui ci gui nei, gakap päng ah chei awn piam ah äh awi ah kyak khai nei” cik ci gui.

PHYAWN NAK 14:5

Egypt ghangpughang am chang gui ami luat cu m’thein u sei, ani la a bawi gui cu ami m’lung ng’thawng khäta, “A i hawkcha ah ang mi bi law? Israel gui cu mi luat sak gui ci nei, mi changshäm gui ungka mi m’hlawt gui pyi ci nei” cik ci gui.

PHYAWN NAK 14:3

Ghangpughang naw, Israel gui cu bungpuk ah ng’vaak u sei, bungpuk naw lam khai gui ci’ cine ngai khai.

SUKI GUI 15:13

Ngami naw, “Ä, keimi naw nang cu kami ning khit bang khai, cun kawn ah ngami am kami ning ap khai, kä kami ning ngawn khai” cik ci gui. Cun kawn ah ani cu gui ak thai hnih awn khit u neta, lungsheng ung ka law püi ba ci gui.

SUKI GUI 15:9

Philistin gui law u ne Judah ung phung tu ne om u ne, Lehi gawnu cu tuk ci gui.

1 SAMUEL 10:6

Ang ghit ah Bawipa ah mümcha naw ning pang khai, nang cu yum nak ung lam nak la m’lau nak ung na ng’pawng tuk khai, nang cu hnga ciah chang ah na kyak khai.

1 SAMUEL 10:10

Saul la achangshäm cu Gibeah ah ani gawk law yah ung prophet bum naw hmu lawk ci gui. Ang ghit ah Khanpughi ah mümcha naw ani cu k’pang ne m’lau tuk ci.