SUKI GUI 15:11 - Cho Bible Common Language 2016

¹¹ Cun kawn ah Judah chang gui phia thum kip cu Etam lungsheng khui ung hteit u neta, Samson am, “Philistin gui cu keimi ah uktu ah ami kyak cu kä na hmat ci ma? Keimi ah khan ah nang naw a i ang na bi? cik ci gui. Ani naw, “Ngami naw kei ah khan ah ami bi ah mäih ah ami khan ah ka bi tu ba nei” cik ci.

SUKI GUI 15:11 Referans Kwoze

SUKI GUI 14:4

Bawipa naw Philistin gui tuk nak gui vai ah a mawng cu shui ci kya ne, Samson naw shin abi vai ah Bawipa naw matawn ah mawng cu, anupa gui naw kä hmat ci gui. Cun sangung Israel cu Philistin gui naw uk ci gui.

SUKI GUI 13:1

Israel chang gui cu Bawipa hnung’tuk püi ne sheka ba mä ci gui, cun ah kyasei, ani naw philistine gui am khawkum phlikip uk sak gui ci.

THULÄÄN NAK 28:13

Bawipa nami Khanpughi naw nangmi cu pakhui gui ung alu ah ning pyang gui khai, ang mei ah kä nami kyak khai. Ang täi sei nami bä mang khai, kä nami shum shäuh khai, kei naw tuhngawi ka ning pek gui ah ani ah ang thumkhän avan cu bekhüt ne nami läk ung cun ah nami kyak khai.

TAIGÜTHUM 26:25

Mi thukhän nami m’shet ah phäh ah ning m’kyuk gui khai ah ng’tuk nak kei naw ka law püi khai, nangmi cu nami mang gaw kyong ah phyawng ne nami ng’bum ba ah a kyak ung, kei naw nami ng’lung ah kä m’htei hlawt vai ah natnak ka tüi lawk khai. Nami ga gui ah ma ah nami kut nami chah khai ah ning k’ceet gui khai gui.

THULÄÄN NAK 28:43

“Nami khaw ung om tuk ciah a khaw hei chang gui cu huham mah law pi pi khai gui. Nangmi ah huham cu maih lawk khai.

SUKI GUI 15:10

Judah chang gui naw ng’shi gui u ne, “A i ah kyasei keimi cu nami na tuk gui ang?” cik ci gui. Ngami naw, “Samson pha ne thawng ung chum nea, ana ci gui ah mäih ah kami cit u ba khai ah kami lawk ci nei” cik ba ci gui.

SUKI GUI 15:12

Ngami naw, “Nang kami ning khit khai ah shin ung kami lawk ci nei, cun kawn ah ngami am kami ning ap khai nei” cik ci gui. Samson naw, “Nami mät naw kä nami na ngawn vai ah mawng thumkhän na pe vä” cik ci.

1 SHONTÄP NAK 4:3

Hura cu apa Kaleb ah achu Ephrath ah hta ang vaipi ah kya ne, ani ah htangshon gui naw Bethlehem mang gaw cu k’süm ci gui. Hura ung a hta pami thum om ci: Etam, Penuela, la Ezer. Etam ung a hta pami thum om ci: Jezreelaa, Ishma, Idbash la a hta hnumi tumat Hazzelelponi om ci. Penuela naw Kedora mang gaw k’süm ci, Ezer naw Hushah mang gaw k’süm ci.