SUKI GUI 14:4 - Cho Bible Common Language 2016

⁴ Bawipa naw Philistin gui tuk nak gui vai ah a mawng cu shui ci kya ne, Samson naw shin abi vai ah Bawipa naw matawn ah mawng cu, anupa gui naw kä hmat ci gui. Cun sangung Israel cu Philistin gui naw uk ci gui.

SUKI GUI 14:4 Referans Kwoze

JOSHUA 11:20

Bawipa naw ngami am Israel gui tuk nak vai ah khüighat nak pe gui ci. Cun ah kyasei ngami ami van m’di gui vai ah am kyuk gui ah kyak ci. Ami van kä m’gein gui neami ngawn gui ah kyak ci. Shin cu Bawipa naw Moses am a thumkhän ah kyak ci.

SAM 115:3

Kami Khanpughi cu khankho ah om ci; Ani naw ang yak hlü phung bik ci.

SUKI GUI 13:1

Israel chang gui cu Bawipa hnung’tuk püi ne sheka ba mä ci gui, cun ah kyasei, ani naw philistine gui am khawkum phlikip uk sak gui ci.

2 SHONTÄP NAK 22:7

Joram ah a om tu nak cu Khanpughi naw mang sei, Ahaziah yung kyak nak ah kyak ci. Ahaziah a cau a om tu yah ung ani la Joram cu, Ahab ah mangshon m’ci khai ah Khanpughi naw a ghü ah Nimshi ah hta Jehu ming nak ciah chang awn ng’hmuk ci gui.

2 SHONTÄP NAK 10:15

Shin cu Shilon ah ka prophet Ahijah ungka naw Nebat ah hta Jeroboam am a pyen nak ah Bawipa Khanpughi ah a ng’yak hlü ah kyak ci. Cun ah kyasei ghangpughang naw chang gui cu a i ah kä a tä gui ah kyak ci.

2 GHANGPUGHANG GUI 6:33

Ani cun ah ang thu vai am, ghangpughang gawk law neta, “Shin ah yaica nak mikmi ah khan ah gawk law sak cicu Bawipa ah kyak ci nei! Ani naw a i baw a bi law vai cu a i ah kyasei kei naw ka ngäng lä vai ang?” cik ci.

1 GHANGPUGHANG GUI 12:15

Shin cu Bawipa ah angyak hlü ah Shilon ungka prophet Ahijah ung Nebat ah hta Jeroboam am ng’thu am thein a law püi ah kyak ci. Cun ah kyasei ghangpughang naw chang gui cu a i ah kä a tä gui ah kyak ci.

2 SHONTÄP NAK 25:20

Cun ung phi Amaziah naw kä ngai ci. Amaziah naw Edomit a gup gui cu khawihnah ci kyasei, ami tuk hnim vai ah Khanpughi naw ng’ya hlük ci.

SUKI GUI 15:11

Cun kawn ah Judah chang gui phia thum kip cu Etam lungsheng khui ung hteit u neta, Samson am, “Philistin gui cu keimi ah uktu ah ami kyak cu kä na hmat ci ma? Keimi ah khan ah nang naw a i ang na bi? cik ci gui. Ani naw, “Ngami naw kei ah khan ah ami bi ah mäih ah ami khan ah ka bi tu ba nei” cik ci.

THULÄÄN NAK 28:48

Nangmi ning hnungtuk püi gui khai ah Bawipa naw a tüih law vai ah ga gui ah bii cu nami bik khai. Nangmi cu ei nami cawi khai, tui nami gha khai. Nami k’plui khai. Apäng hlü sei nami om khai. Nangmi kä ka ning m’di pha gui ah chuih Bawipa naw a ghat ah ning shekdam na gui khai.

SUKI GUI 14:5

Cun ah kyasei Samson cu anupa gui awn a täng ah Timnah ah yu hteit ci gui. Ngami naw Sapyit lo kan ne ami hteh sangung, ani naw phongkawng anong m’ngaw sei ng’yak ci.

DANIEL 6:4

Ahei tängpang ci gui la uktu gui naw Daniela ah tängpang ne a uknak ung a hma nak hmuh vai ah tha nak ci gui. Cun ung phi kä hmu hlawt ci gui, a i ah kyasei ci ung Daniela cu ba” ciah kya ne hma nak la kä düng nak cu kä bi phung ci.

SUKI GUI 15:3

Samson naw, “Tuhbäi ung läi Philistin gui ah khan ah kei naw ka bi cu, kei naw kä ka k’chaw nak khai nei” cik ci.

1 GHANGPUGHANG GUI 12:24

“Namät ah phäi nau gui Israel chang gui cu kä na ng’tuk püi gui vai. Nami van im ah hteit ba vä. Kya lawk ci phung cu kei ah ka ng’yak hlü ah kyak ci nei.” Ngami ami van naw Bawipa ah thumkhän cu ngai u ne ami im ah hteit ba ci gui.