SUKI GUI 14:3 - Cho Bible Common Language 2016

³ Cun ung phi anu la apa naw, “A i ah kyasei nang naw Khanpughi kä yum ciah Philistin hnumi hta, hteit ne na chu nak hlü ang? Mi mät ah pahta, mimät ah chang avan ung hnumi hta kä na hmu hning ne ma?” cine ng’shik ci goi. Cun ung phi Samson naw apa am, “Kei ah phäh ah nami na lak pek vai ka ng’yak hlü cu ani ah kyak ci nei, ani cu ka m’hni ci nei” cik ci.

SUKI GUI 14:3 Referans Kwoze

1 SAMUEL 17:36

Kei naw kawng gui la khawm gui cu ka ngawn ci, shin ah khuihei Philistin acun ah mäih ah ka cik khai, ani naw ghing ciah Khanpughi ah gakap gui cu gheet taap gui ci.

SUKI GUI 15:18

Cun kawn ah Samson cu ang’hei ah tui gha neta, ani naw Bawipa khü ne a pyen cu, “Nang naw shin ah dämduh ciah näng nak na na pek ci, kei tuhbäi tui ghane ka si lawk khai ne, Khanpughi kä yum ciah shin ah Philistin gui naw nap ha lawk khai gui nei?” cik ci.

2 SAMUEL 1:20

Shin ah mawng cu Kath khaw ung la, Ashkelon lam gui ung Kä nami shäu vai. Philistin hnumi gui yei khai ah kä nami bi vai; Khaw ng’yo ah hta hnumi gui kä nami yei sak gui vai.

1 SAMUEL 31:4

Ani naw ali htei kawt ciah changnong am, “Na khim phawng ne, kei na ngawn ä, cun ung shin ah Khanpughi kä yum ciah Philistin gui naw yei ne kä na ngawn khai gui” cik ci. Cun ung phi cun ah chang nong cun bi vai ah ang htei ah kyik ci. Cun ah kyasei Saul naw amät ah khim phawng ne, amät ng’tawk ci.

1 SAMUEL 17:26

David naw a pei ah ka gui cu ng’shi gui ne, “Shin ah Philistin chang ngawn ne Israel gui cäi ng’ä nak ung phyawn sak ciah chang naw a i gah khai ang? Ghing ciah Khanpughi ah gakap ghet taap ciah shin ah chang hei Philistin chang cu a u ang?” cik ci.

1 SAMUEL 14:6

Jonathan naw chang nong am, “Philistin chang hei gui ah phung ah ni va ng’kat khai. Bawipa naw na m’htei goi hman khai; ana m’htei goi ah a kyak ung kä ma ne, näng nak na pe goi khai, mi ken ung phi a i kä kyak khai” cik ci.

ATÜNNAK 34:14

Ngami naw, “Kami bee cu vun aat ne kä ng’kyon ciah chang awn kä kami ng’pui khah sak hlawt khai, cun cu thui ng’aa nak vai ah kyak khai.

ATÜNNAK 13:8

Abram naw Lotah am, “Nik ni cu ng’mätzah goi ah ni kyak ci. Nang ah chang gui la kei ah chang gui ah ng’lak ah ng’tuk gen nak kä om men sä.)

ATÜNNAK 21:27

Abraham naw htome ni, seipat ni cu Abimelek am pe sei, ngani cu ng’thukhän ci goi.

SUKI GUI 14:2

Ani cu im ah hteit ban eta apa la anu am m’thein goi ci, “Timnah pigaw ah Philistin hnumi hta om ci, cun cu kei naw ka m’hni ci nei, na lak pe ni ä; ka chu na hlük ci nei” cik ci.

JOSHUA 23:12

Nangmi cu kä bekhüt ne, nami ng’lung ah om ba ciah shin ah pakhui gui awn, nam ing’dawn tu ah a kyak ung, ngami awn nami chungla ah a kyak ung,